Julen Lopetegui

De Wikipedia
Saltar a navegación Saltar a la gueta
Julen Lopetegui
Julen Lopetegui2014.jpg
Vida
Nacimientu

Asteasu28  d'agostu de 1966

(53 años)
Nacionalidá Bandera d'España España
Familia
Padre José Antonio Lopetegui
Estudios
Llingües castellanu
vascu
Oficiu
Oficiu futbolista y entrenador de fútbol
Trayeutoria
Años Equipu PX G
1997-2002 Rayo Vallecano de Madrid 112(0)
1994-1994seleición masculina de fútbol d'España  Seleición masculina de fútbol d'España 1(0)
1994-1997 Fútbol Club Barcelona 5(0)
1991-1994 Club Deportivu Logroñés 107(0)
1988-1991 Real Madrid Club de Fútbol 1(0)
1988-1989cedíu Unión Deportiva Les Palmes 31(0)
1985-1985Seleición masculina de fútbol sub-21 d'España  Seleición masculina de fútbol sub-21 d'España 1(0)
1985-1988 Real Madrid Castilla Club de Fútbol 61(0)
1983-1985 Real Sociedad de Fútbol "B"
Posición o especialidá porteru
Altor 200 centímetru
julenlopetegui.com
Cambiar los datos en Wikidata

Julen Lopetegui Escose (28  d'agostu de 1966Asteasu) ye un exfutbolista y entrenador de fútbol español. Dende xunu de 2018 ye l'entrenador del Real Madrid. Dende'l 21 de xunetu de 2016, foi'l seleicionador nacional de fútbol d'España.[1]

Trayeutoria como futbolista[editar | editar la fonte]

Entamos[editar | editar la fonte]

Porteru formáu na cantera de la Real Sociedá. Llegó a xugar nel filial de Segunda División B de la Real Sociedá, pero nun debutó nel primer equipu. A mediaos de la década de los 80, Lopetegui tenía'l pasu a la primer plantía de la Real Sociedá bloquiáu por un puñáu de bonos porteros como Luis Miguel Arconada, José Luis González Vázquez y Agustín Elduayen.

Real Madrid y Castiella[editar | editar la fonte]

En 1985 foi ficháu pol Real Madrid pa ser integráu nel so equipu filial, el Castiella CF. Xugó nel Castiella hasta 1988, cuando foi vencíu a la Unión Deportiva Les Palmes por una temporada. Finalmente, en 1989 llega a la primer plantía del Real Madrid. Nos sos dos temporaes col Real Madrid foi'l tercer porteru del equipu, ensin apenes oportunidaes, anque llegó a debutar en Lliga col Real Madrid nun derbi col Atléticu nel Vicente Calderón (3-3) na penúltima xornada de la temporada 1989-90.

C.D. Logroñés[editar | editar la fonte]

Ensin oportunidaes nel equipu madridista y en pasando una temporada en blancu, Lopetegui ficha en 1991 pol Club Deportivu Logroñés. En Logroño, Lopetegui vivió los sos meyores años como futbolista. Atopándose n'unu de los equipos más modestos de la Primer División, el llabor de Lopetegui destacó de forma enorme. Foi titular indiscutible mientres tres temporaes y, a pesar d'encaxar munchos goles, evitó munchos más; pasando a ser consideráu como unu de los meyores y más espectaculares porteros d'España. Lopetegui xugó 108 partíos en Primer División col Logroñés. El 23 de marzu de 1994 foi llamáu pa debutar nun partíu amistosu de la seleición española contra Croacia, convirtiéndose nel primera internacional español en ser convocáu mientres militaba nel Logroñés. Tamién foi convocáu pa la disputa del Mundial de fútbol d'Estaos Xuníos 1994, anque nun llegó a apostar un solu minutu en dichu tornio.

F.C. Barcelona[editar | editar la fonte]

Les sos grandes actuaciones col Club Deportivu Logroñés válen-y ser ficháu en 1994 pol Fútbol Club Barcelona. Sicasí, empezó con mal pie nel Barça: a empiezos de la temporada 1994-95 cometió un espectacular fallu na final de la Supercopa ante'l Real Zaragoza. A pesar de que'l gol encaxáu nun supunxo la perda del troféu, sí que punxo n'entredichu la calidá de Lopetegui. Finalmente, Carles Busquets, suplente d'Andoni Zubizarreta nes temporaes anteriores, arrampuñó'l puestu a Lopetegui. Aquel primer añu tuvo un rendimientu irregular, siendo capaz de lo meyor y de lo peor, como nel partíu de vuelta frente al Atléticu en Copa del Rei, nel qu'atayó dos penaltis dempués de regalar el primer gol colchoneru.[2] Lopetegui xugó bien pocu na so etapa barcelonista (apenes cinco partíos de Lliga en tres temporaes). Empezó la temporada 1996-97 xugando de titular el partíu d'ida de la Supercopa d'España, pero cola llegada de Vítor Baía terminó la temporada como tercer porteru del equipu, situación que yá conociera na so etapa madridista.

Rayu Vallecanu[editar | editar la fonte]

En 1997 abandona'l Fútbol Club Barcelona pela puerta de tras y, n'habiendo perdíu parte del prestíu que llogró nel Logroñés, ficha pol Rayu Vallecanu de la Segunda División. En Vallecas vuelve tener minutos y xube en 1999 a la Primer División. Los sos trés temporaes en Primer División col Rayu, hasta 2002, queden a la solombra de Kasey Keller y Imanol Etxeberria, que seríen los porteros titulares, pero siquier esfruta de minutos y xuega 36 partíos de Lliga nesos trés años. Al rematar la temporada 2001-02 cuelga les botes.

Seleición nacional[editar | editar la fonte]

Debutó como internacional absolutu'l 23 de marzu de 1994, nun partíu amistosu ante Croacia (0–2), apostáu nel Estadiu Luis Casanova de Valencia, xugando'l so primera y únicu alcuentru como internacional. Lopetegui entró nel partíu nel minutu 26', en sustitución de Zubizarreta.[3] Esi mesmu añu foi convocáu como tercer porteru pol seleicionador nacional Javier Clemente, pa la Copa del Mundu d'Estaos Xuníos 1994, ensin llegar a debutar nel campeonatu.

Trayeutoria como entrenador[editar | editar la fonte]

Clubes[editar | editar la fonte]

Tres la so retirada como xugador, debutó como entrenador na temporada 2003-04, col primer equipu del Rayu Vallecanu, acabante baxar a Segunda División. Lopetegui foi destituyíu pocu dempués d'empezar la temporada y el Rayu baxó a Segunda División B.[4]

En incorporándose en 2006 con Ramón Calderón a la organigrama del Real Madrid, de primeres como responsable de los ojeadores internacionales del club, volvió a los banquinos en xunu de 2008, al faese cargu del Real Madrid Castiella, primer filial del club merengue, cargu qu'abandonó a final de temporada tres nun xubir al equipu de categoría, desvenceyándose del club tres tres temporaes.[5]

Ente agostu de 2010 y mayu de 2014, formó parte del cuerpu técnicu de la Real Federación Española de Fútbol, ocupando de primeres el cargu de seleicionador sub-19 y sub-20, y tres los Xuegos Olímpicos de 2012, de la seleición sub-21.

En mayu de 2014, ye contratáu como entrenador del Porto de la Primeira Lliga de Portugal.[6] Na so primer temporada col conxuntu «portista», concluyó segundu en lliga a tres puntos del Benfica, ente qu'en Lliga de Campeones algamó los cuartos de final ante'l Bayern de Guardiola.[7] Foi destituyíu a mediaos de la segunda temporada, en xineru de 2016, col equipu terceru en lliga y en dieciseisavos de Liga Europa, en siendo posáu na fase de grupos de la Lliga de Campeones.[8]

Seleición[editar | editar la fonte]

Lopetegui empezó la so trayeutoria na área técnica de la Real Federación Española de Fútbol, como seleicionador nacional en categoríes inferiores, ente agostu de 2010 y mayu de 2014.

Ocupó de primeres el cargu de seleicionador sub-19 y sub-20, siendo'l Mundial Sub-20 de 2011 apostáu en Colombia, la primer fase final que dirixó, y nel que la seleición cayó esaniciada por penaltis en cuartos de final ante Brasil, a lo postrero campeona. Dexó la direición de la sub-19 a Ginés Meléndez, mientres la disputa de la fase final del Européu Sub-19 de 2011, nel qu'España s'alzó col títulu.

En xunetu de 2012, dirixó a la sub-19 per primer vegada na fase final del Européu, revalidando'l títulu llográu en 2011. En septiembre de 2012 tres los Xuegos Olímpicos, ye nomáu de la mesma seleicionador sub-21 en sustitución de Luis Milla.[9]

En 2013, dirixó a les seleiciones de les categoríes sub-20 y sub-21, nes fases finales del Européu Sub-21 (Israel, del 5 al 18 de xunu) y del Mundial Sub-20 (Turquía, 21 de xunu a 13 xunetu). Cola seleición sub-21 revalidó'l títulu européu de la categoría y cola seleición sub-20, España foi esaniciada en cuartos ante Uruguái, a lo postrero subcampeona, nun partíu que concluyó 0–1 a la fin de la prórroga. Tres esti campeonatu, faise cargu puramente de la seleición sub-21, a la que dirixe hasta mayu de 2014, en que ye contratáu pol club portugués del Porto.[10]

Seleicionador nacional absolutu[editar | editar la fonte]

El 21 de xunetu de 2016, ye presentáu na Ciudá del Fútbol de Las Rozas como seleicionador nacional absolutu, en sustitución de Vicente del Bosque.[11]

Trayeutoria en medios de comunicación[editar | editar la fonte]

La so primer apaición como collaborador en televisión, foi na daquella nueva cadena xeneralista «La Sexta», quién se fixo colos derechos de tresmisión pa España, de la Copa Mundial de 2006 y del partíu n'abiertu de los sábados del Campeonatu Nacional de Lliga, enantes emitíu poles autonómiques de la FORTA. Nel so debú como comentarista técnicu, sufrió un desvanecimiento en direutu, qu'inclusive dio llugar a campañes publicitaries.[12] La so segunda apaición como collaborador en televisión, foi en Televisión Española ente 2010 y 2012, onde exerz como analista en Estudio Estadiu, y nel programa d'analís de la Lliga de Campeones, «Desafío Champions».[13]

Estadístiques[editar | editar la fonte]

Como futbolista[editar | editar la fonte]

Club País Añu |-align=center San Sebastián C. F. Flag of Spain.svg España 1983-1985
Real Madrid Castiella C.F. Flag of Spain.svg España 1985-1988
U.D. Les Palmes Flag of Spain.svg España 1988-1989
Real Madrid C.F. Flag of Spain.svg España 1989-1991
C.D. Logroñés Flag of Spain.svg España 1991-1994
F.C. Barcelona Flag of Spain.svg España 1994-1997
Rayo Vallecanu Flag of Spain.svg España 1997-2002

Como entrenador[editar | editar la fonte]

Club País Añu |-align=center Rayo Vallecanu Flag of Spain.svg España 20032004
Real Madrid Castiella C. F. Flag of Spain.svg España 20082009
España (sub-19) Flag of Spain.svg España 20102012
España (sub-20) Flag of Spain.svg España 20112013
España (sub-21) Flag of Spain.svg España 20122014
F.C. Porto Flag of Portugal.svg Portugal 20142016
España Flag of Spain.svg España 20162018

Palmarés[editar | editar la fonte]

Como xugador[editar | editar la fonte]

Campeonatos nacionales[editar | editar la fonte]

Títulu Club País Añu
Lliga d'España Real Madrid C.F. Flag of Spain.svg España 1989/90
Supercopa d'España Real Madrid C.F. Flag of Spain.svg España 1990
Supercopa d'España F.C. Barcelona Flag of Spain.svg España 1994
Supercopa d'España F.C. Barcelona Flag of Spain.svg España 1996
Copa de SM el Rei F.C. Barcelona Flag of Spain.svg España 1996/97

Campeonatos internacionales[editar | editar la fonte]

Títulu Club See Añu
Recopa d'Europa F.C. Barcelona Bandera de Francia París 1996/97

Como entrenador[editar | editar la fonte]

Campeonatos internacionales[editar | editar la fonte]

Títulu Seleición See Añu
Campeonatu d'Europa Sub-19 España (sub-19) Flag of Estonia.svg Estonia 2012
Campeonatu d'Europa Sub-21 España (sub-21) Flag of Israel.svg Israel 2013

Referencies[editar | editar la fonte]

Enllaces esternos[editar | editar la fonte]

Julen Lopetegui