Juan del Encina

Juan del Encina
Vida
Nacimientu	provincia de Salamanca, 12 de xunetu de 1468 (greg.)
Nacionalidá	España
Muerte	Chinchón, 1529 (60/61 años)
Estudios
Estudios	Universidá de Salamanca
Llingües falaes	castellán medieval
Oficiu
Oficiu	poeta, dramaturgu, compositor, escritor
Trabayos destacaos	Arte de poesía castellana (es) ; Cancionero de Juan del Encina (es)
Creencies
Relixón	catolicismu
IMDb	nm0256743

Juan del Encina (na grafía de la so dómina "Juan del Enzina"; 12 de xunetu de 1468 ^(greg.), provincia de Salamanca – 1529, Chinchón) foi un poeta, músicu y autor teatral del renacimientu español.

Biografía

El llugar de la so nacencia ye desconocíu. Dalgunos autores asítienlu en Fermoselle (provincia de Zamora), dalgunos na ciudá de Salamanca -na cai de las Mazas, onde vivía so padre, zapateru de profesión- y otros en dalgún de los conceyos de la provincia de Salamanca que lleven la pallabra encina nel nome como Encina de San Silvestre o La Encina.

Graduose en Lleis na Universidá de Salamanca, onde tuvo como maestros a Antonio de Nebrija y quiciás al so hermanu Diego de Fermoselle, que foi caderalgu de música. Formóse musicalmente na capiella de música de la Catedral de Salamanca, que dirixó Fernando de Torrijos ente 1485 y 1498, onde entró como mozu de coru en 1484 y ascendió a capellán en 1490. Al finar Torrijos, Encina aspiró al so puestu de mayestru de capiella, pero'l cargu acabó a la fin siendo pa so amigu Lucas Fernández, tamién autor dramáticu, lo que llevó a Encina a dexar España y viaxar a Italia.

En 1492, entró al serviciu del segundu duque d'Alba, Fadrique Álvarez de Toledo y Enríquez, y na so corte encargaríase d'organizar festexos y escribir comedies y música. Na nueche de Navidá de 1492, representáronse per primer vegada dos de les sos églogues dramátiques, nel castiellu d'Alba de Tormes. Protexíu de don Gutierre de Toledo, hermanu del segundu duque, don Fadrique, vivió na villa ducal. Tomó posesión por procuración del arcedianatu de Málaga.^{[ensin referencies]}

Dende 1498 vivió en Roma, onde tuvo la proteición de varios papes, ente ellos Alexandru VI, Xulio II y Lleón X; esti últimu apreciólu sobremanera como cantante y túvolu como tal na so capiella. Tuvo viaxando de Roma a España varies vegaes ente 1510 y 1519, fasta asentase finalmente en Llión pa desempeñar el prioratu de la catedral que-y concedió'l papa nesi últimu añu. El primer día de xunetu de 1519 partió como pelegrín de Venecia hacia Xerusalén. Enantes de tornar a Roma, nel Cenáculu, onde tuvo llugar la última cena de Xesucristu colos sos apóstoles, Encina celebró la so primer misa, en compaña los franciscanos de la Custodia. El viaxe ta narráu nel so Trivagia o Vía sagrada a Hierusalem (nómase una edición de Roma, 1521) y resumiólu nun romance de 464 versos. Morrió en Lleón, desempeñando'l so prioratu, en 1529. En 1534, los sos restos treslladáronse a la catedral de Salamanca, onde sigue enterráu.

Obra

Na so etapa al serviciu del duque d'Alba, anque ya componía versos dende los catorce años, escribió varies pieces dramátiques n'asturllionés, concretamente na variante sayaguesa, como nel so Auto del repelón, tamién en versu. Publicó nel so Cancioneru, de 1496, ocho églogues dramátiques de calter relixosu o cortesanu, protagonizaes por pastores, escrites tamién n'asturllionés.

Referencies

↑ ^1,0 ^1,1 Afirmao en: autoridaes BNF. Identificador BnF: 138936633. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

Juan del Encina na Internet Movie Database (n'inglés)
«Juan del Encina». en Find a Grave. (n'inglés)

[4612fd8a22ab7265db98feb1987b923e6fa47441-1] 1,0 ^1,1 Afirmao en: autoridaes BNF. Identificador BnF: 138936633. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]