Juan Menéndez Pidal

Juan Menéndez Pidal
Member of the Royal Spanish Academy (en)
Q136341264
gobernador civil de Burgos
gobernador civil de Guadalaxara
gobernador civil de Pontevedra
Diputáu nes Cortes
Vida
Nacimientu	Madrid, 31 de mayu de 1868
Nacionalidá	España
Llingua materna	castellanu
Muerte	Madrid, 28 d'avientu de 1915 (47 años)
Familia
Madre	Ramona Pidal y Mon
Hermanos/es	Luis Menéndez Pidal; Ramón Menéndez Pidal
Familia	ver Pedro Pidal (primu hermanu); Maravillas de Jesús (en) (prima hermana); Alejandro Pidal y Mon (tíu); Luis Pidal y Mon (tíu);
Estudios
Estudios	Universidá de Valladolid
Llingües falaes	castellanu
Oficiu
Oficiu	historiador, poeta, xurista, archiveru, abogáu, políticu
Miembru de	Real Academia Española ; Real Academia Gallega ; Cuerpo Facultativo de Archiveros, Bibliotecarios y Arqueólogos (en)

Juan Menéndez Pidal (31 de mayu de 1868, Madrid – 28 d'avientu de 1915, Madrid) foi un xurista, historiador y poeta español.

Biografía

Foi hermanu de Luis y Ramón Menéndez Pidal. Perteneció al Cuerpu de Bibliotecarios y Archiveros, nel qu'ingresó nel 1896. Foi por munchos años el direutor del Archivu Históricu Nacional de Madrid y el direutor de la Revista d'Archivos, Biblioteques, y Museos. A pesar de la so condición de madrileñu de nacimientu siempre se consideró asturianu, tanto pol fechu de que so pá y los hermanos Luis y Faustino nacieran en Payares (Ḷḷena) como por pasar ellí llargues temporaes munchos años. Abogáu de carrera, depués de recibir el títulu de llicenciáu en Derechu dedicóse con devoción al periodismu. Dirixó La Unión Católica, diariu de Madrid, y foi redactor d'El Universo, de la mesma ciudá. L'actividá política llevólu a ser Diputáu a Cortes pol Distritu de Ribadeo (dende'l 1891 al 1893) pa posteriormente ocupar el cargu de Gobernador Civil en Pontevedra, Guadalajara y Burgos (1899-1903)

En 1914 escoyéronlu miembru de la Real Academia de la Llingua Española ocupando'l sillón cola letra A hasta 1915.

Obres

Escribió lleendes y biografíes históriques, y sobresalió como poeta líricu d'orixinal inspiración.

Como poeta y investigador histórico-lliterario publicó:

El Conde Muñazán, lleenda asturiana escrita en versu (1880)
Poesía popular: coleición de vieyos romances que se canten polos asturianos na danza prima, esfoyaces y filandones. Recoyíos direutamente de boca del pueblu, anotaos y precedíos d'un prólogu.(1885)
El Pendón negro (1893), sobre les lluches sociales.

Poesíes:

Jesús de Nazareth
Sol de fiesta
Historia de un diamante
Señaldades, n'asturiano, publicóse nel Boletín del Centru Asturianu de Madrid (1896).

De la obra histórica destaquen:

Leyendas del último rey godo (1906)
Noticias acerca de la Orden Militar de Santa María de la Espada
San Pedro de Cardeña: restos y memorias del antiguo monasterio (1908)
El bufón de Carlos V, don Francesillo de Zúniga (1909)
Vida y obras de Luis Zapata

La so obra más importante foi Dios y César, un estudiu dende'l puntu de vista xurídicu de la rellación ente ilesia y estáu.

Bibliografía

”El Concejo de Lena en el siglo XX a través de sus personajes” / Gaudencio Tomillo Montes. -- 1ª ed. -- Uviéu : Trabe ; [La Pola] : Ayuntamiento de Lena, 2004
“Romancero asturiano, 1881-1910” / coleccionado por Juan Menéndez Pidal. -- [Ed. facs.]. -- Madrid : Gredos ; Gijón : GH, D.L. 1986 ( Madrid :Gráficas Cóndor) ISBN 84-398-8304-8
Lux aeterna / [Juan Menéndez Pidal] En: Almanaque de La Ilustración para el año de 1889, escrito por los señores Becerro de Bengoa (D. Ricardo) ... Menéndez Pidal (D. Juan) ... [et al.], [Madrid : La Ilustración Española y Americana], 1888 (Madrid : Establecimiento Tipográfico "Sucesores de Rivadeneyra") P. 63-64

Referencies

1 2 3 Afirmao en: autoridaes BNF. Identificador BnF: 122190919. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

[92ed7b91f8f8ac46347dae39b5f929aac968ca4b-1] 1 2 3 Afirmao en: autoridaes BNF. Identificador BnF: 122190919. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]