Juan Barjola

De Wikipedia
Saltar a: navegación, buscar
Juan Barjola
Vida
Nacimientu Torre de Miguel Sesmero19 de setiembre de 1919
Nacionalidá Bandera d'España España
Fallecimientu

Madrid21 d'avientu de 2004

(85 años)
Estudios
Llingües castellán
Oficiu
Oficiu pintor
Movimientu Espresionismu
Cambiar los datos en Wikidata

Juan Galea Barjola foi un pintor estremeñu (Torre de Miguel Sesmero, Badajoz, 19 de setiembre de 1919 - Madrid, 21 d'avientu de 2004). Perteneciente a la corriente del espresionismu representativu, ye ún de los pintores estremeños de mayor importancia na segunda metá del sieglu XX, destacando na so pintura'l componente moral, que recueye n'imáxenes les convulsiones que se producen na sociedá española del so tiempu con un gran dominiu de la collor y del xestu.

Biografía[editar | editar la fonte]

Los sos primeros estudios artísticos realízalos al entrar con 17 años na Escuela d'Artes y Oficios de Badajoz, pasando más tarde a la de Madrid. Fexo lod sos estudios na Escuela de Bellrs Artes de San Fernando, trabayó como tallista, vendió los sos primeros dibuxos hasta que, en 1957 fexo la so primer esposición na Galería Abril de Madrid.

En 1960 obtién una beca d'estudiu de la Fundación Juan March que-y permite viaxar a París y Bélxica. En 1963 los críticos distínguen-y la Medaya d'Oru Eugenio D'Ors y espón nes sales de la Direición Xeneral de Belles Artes. Na Esposición Nacional de 1968 obtién el PremiouNacional de Dibuxu. Posteriormente espón en sales como l'Atenéu de Madrid, Galería Altamira (Uviéu), Bienal de São Paulo, Muséu de Belles Artes de Bilbo, Galería Biosca (Madrid).

En 1985 obtuvo'l Premiu Nacional d'Artes Plástiques. Destaquen les sos donaciones que se materialicen en 1988 na inauguración en Xixón del muséu qu'axunta gran parte de la so obra y otra donación a Estremadura.

Obra y crítica[editar | editar la fonte]

Barjola señala de la so obra que tien dos componentes principales Un mundo soñado, El palpito que vivimos, y, otres, El mundo onírico, El soñado. Dientro del so mundu real destaquen les sos maternidaes, neños y neñes y, sobre too les tauromaquies que, al final de la so vida, diéron-y gran reconocimientu públicu.

Na so temática onírica destaquen les sos obres de tema eróticu como son series sobro los prostíbulos. Al so llabor propiamente pictóricu siguió realizando tamién dibuxu tola so vida.

La llitografía ye una estaya del arte en que realizó una de les obres mayestres del sieglu XX: Tauromaquia. Formada por una coleición de 20 llitografíes en collores estampaes a mano inspiraes en versos de Rafael Alberti y editaes por Rafael Casariego (ediciones d'Arte y Bibliofilia) en 1970.

Museos[editar | editar la fonte]

Museos con coleiciones de Juan Barjola:

Referencies[editar | editar la fonte]

  • Barjola Joaquín de la Puente. Ministeriu d'Educación 1971
  • Barjola. José de Castro Arines. Panorama de la Pintura Contemporánea 1972
  • Paseo por Barjola. José Hierro. Catálogu de la exposición MEIAC 1999

Enllaces esternos[editar | editar la fonte]