Joves del País Valencià—Compromís

De Wikipedia
Joves del País Valencià—Compromís
Secretaría xeneral Joan Guanter i Ruiz (es) Traducir
Sede Valencia
Ideoloxía política nacionalismu valencianu y Soberanismu
Páxina web jovespv.org
Cambiar los datos en Wikidata

Joves del País Valencià - Compromís (en sigles Joves PV - Compromís, n'asturianu Mozos del País Valencianu - Compromisu)​[1][2] ye la organización moza del Bloc Nacionalista Valencià y ye una de les organizaciones xuveniles nacionalistes más importantes de la Comunidá Valenciana. Ideolóxicamente defínese como valencianista, progresista y ecoloxista. Hasta xunetu del añu 2014, foi conocida como BLOC JOVE (n'asturianu, Bloque Mozu).

Historia ya Ideoloxía[editar | editar la fonte]

BLOC JOVE (BLOQUE MOZU n'asturianu) ñació n'abril de 1999 cola confluencia de Joves d'UPV (Unitat del Poble Valencià) y de Aplec de Jóvens (Partit Valencià Nacionalista), a parte, d'otros coleutivos nacionalistes d'ámbitu llocal. Asina, el BLOC JOVE ñació de la mesma manera que lo fixera mediu añu enantes el so referente políticu, el Bloc Nacionalista Valencià. En 2014, va pasar a llamase Joves del País Valencià - Compromís.

Anguaño Francesc Roig ye'l so Secretariu Xeneral dende'l congresu de Sagunto d'abril de 2018[3][4] sustituyendo a Enric Castelló Abad, que fuera elixíu nel congresu anterior[5].

Organización[editar | editar la fonte]

Joves del País Valencià - Compromís ye una organización asamblearia con ámbitu d'actuación na Comunidá Valenciana. El máximu muérganu de decisión ye'l so Congresu Nacional, celebráu cada dos años y con competencies d'eleición de los muérganos executivu y representativu a nivel nacional, y d'aprobación de los documentos estratéxicos, organizativos, programáticos ya ideolóxicos. El Congresu Nacional escueye a les 18 persones que formen parte del so muérganu executivu, la Coordinadora Nacional, lo mesmo que de los mozos representantes al Conseyu Nacional del Bloc.

Ente congresos, Joves del País Valencià - Compromís toma los sos alcuerdos y decisiones na Asamblea Nacional que rixe'l so funcionamientu ordinariu y axúntase con una periodicidá trimestral.

De la mesma manera, les unidaes básiques d'organización son la contorna y el conceyu. Nestos ámbitos, los coleutivos celebren los sos respeitivos congresos y asamblees, col trabayu de les sos coordinadores. Nel casu de la Ciudá de Valencia, esta escarez d'asamblea comarcal, pol so especial calter de ciudá-contorna.

Xeneralmente, Joves del País Valencià - Compromís ta presente allá onde esiste un coleutivu del BLOC con militancia nueva, como na mayoría de contornes de valencianofalantes, con especial importancia en cuánto a implantación na Ciudá de Valencia, la Plana Alta, el Campu de Murviedro, les Riberes (Baxa y Alta) y la Safor; la Hoya d'Alcói, el Condáu de Cocentaina y el Campu d'Alicante.

Actividaes[editar | editar la fonte]

Joves del País Valencià - Compromís lleva a cabu diverses actividaes:

  • Movilizaciones sociales.
  • Alcuentru de Formación: Trobada Nacionalista de Primavera (n'abril o mayu).
  • Actividaes del Consell de la Joventut de la Comunitat Valenciana.
  • Participación nes eleiciones de representantes políticos.

Competencies[editar | editar la fonte]

Según los estatutos del BLOC, ye competencia de Joves del País Valencià - Compromís iguar un programa políticu en materia de mocedá, según el diseñu y execución de la campaña de pidimientu del votu nuevu.

Referencies[editar | editar la fonte]

  1. ↑ Nace Joves del País Valencià - Compromís en un congreso marcado por la renovación, la apertura y la participación
  2. ↑ El Bloc Jove se renueva para formar las juventudes de Compromís
  3. ↑ Francesc Roig, nuevo secretario general de Joves PV - Compromís
  4. ↑ Joves PV-Compromís escull Francesc Roig com el seu nou secretari general
  5. ↑ BLOC JOVE se transforma JovesPV-Compromís y Quique Castelló asume su Secretaría General
Sacáu de «https://ast.wikipedia.org/w/index.php?title=Joves_del_País_Valencià—Compromís&oldid=3926290»