Journey to the Center of the Earth (película de 1959)

De Wikipedia
Saltar a: navegación, buscar
Carlsbad Interior Formations.jpg

Journey to the Center of the Earth (Viaxe al centru de la tierra' n'asturianu') ye una película d'aventura de 1959 afecha por Charles Brackett de la novela homónima de Julio Verne.

Dirixida por Henry Levin, la película narra la hestoria del profesor Lindenbrook, quien ta intrigado por una estraña roca que foi dada a él por unu de los sos pupilos, afayáu esti secretu entama una peligrosa travesía.

Argumentu[editar | editar la fonte]

Edimburgo, 1880. El profesor Lindenbrook (James Mason) acaba de ser nomáu caballeru. Unu de los sos alumnos, el andrajoso Alec (Pat Boone), lléva-y una piedra volcánica, como una alcordanza y una amuesa de respetu. El profesor  encegolase cola piedra y nun para hasta revelar el so secretu: nel so interior hai una plomada que contien escritos nada menos que de Arne Saknussem, un antiguu sabiu qu'aseguró haber llegáu al centru de la Tierra y que sumió misteriosamente. ¡Eureka!, diz el profesor, ¡el sabiu Saknussem baxó de verdá al centru de la Tierra! Entusiasmáu, píde-y el so ayuda a un profesor suecu, pa escuchar el so veredictu sobre asemeyáu descubrimientu. Pero'l profesor suecu sumi misteriosamente. Nerviosu, Lindenbrook parte col fiel Alec con camín d'Islandia, onde supuestamente ta l'abertura que Arne Saknussem utilizó pa llegar al centru de la Tierra; dellos incidentes fáen-y pensar que'l profesor suecu ta tratando de roba-y la idea, pero cuando afaya'l cadabre d'ésti, col so tracto dixestivu convenientemente aliñado con cianuru, y a la encantadora viuda Carla Goetabaug (Arlene Dahl) que'l suecu dexó tras, fazse con dos verdaes: 1.- Hai inda daquién más siniestru que'l profesor suecu tres la so pista, daquién que non trepida nel asesinatu pa llegar a les sos resultancies, y 2.- Si quier baxar al centru de la Tierra, va tener qu'aceptar a... ¡una muyer! ...nel equipu... ¡La espedición empieza! Nel so percorríu, los espedicionarios tendrán d'enfrentase a los intentos de raptu, asesinatu y sabotaxe d'un esplorador rival y a los ataques de xigantescos reptiles prehistóricos; pero tamién van atopar verdaderes maravíes, como un esllumante covarón de cuarzu, algues lluminoses, un monte d'hongos xigantescos y la civilización perdida de la Atlántida.

Pat Boone, Peter Ronson, James Mason, Arlene Dahl, Journey to the Center of the Earth, 1959.jpg

Rodaxe y escenarios[editar | editar la fonte]

Esta película ye notable polos sos efectos especiales. Delles escenes fueron filmadas nel Parque Nacional de los Covarones de Carlsbad, de Nuevu Méxicu (Estaos Xuníos). Reparto:Pat Boone, James Mason, Diane Baker, Arlene Dahl, Thayer David, Alan Napier, Red West, Peter Ronson, Bert Stevens, Alan Caillou.

Enllaces esternos[editar | editar la fonte]

Journey to the Center of the Earth n'Internet Movie Database (inglés) n'Internet Movie Database (n'inglés)