Josip Murn Aleksandrov

Josip Murn Aleksandrov
Vida
Nacimientu	Liubliana, 4 de marzu de 1879
Nacionalidá	Imperiu austrohúngaru
Muerte	Liubliana, 18 de xunu de 1901 (22 años)
Sepultura	Žale Central Cemetery (en)
Causa de la muerte	tuberculosis
Estudios
Llingües falaes	eslovenu
Oficiu
Oficiu	poeta, escritor

Josip Murn Aleksandrov (4 de marzu de 1879, Liubliana – 18 de xunu de 1901, Liubliana) foi un poeta eslovenu.

Biografía

Nació fora del matrimoniu y creció con padres adoptivos.

En Llubliana conoció al escritor y poeta Ivan Cankar y al poeta Dragotin Kette. Ente 1890 y 1895 asistió al institutu de Llubliana, onde empezó a escribir los sos primeros cantares editaos na revista Dijaške novice. Yá nel institutu cimeru de Llubliana foi aceptáu na sociedá lliteraria estudiantil Zadruga. Dempués del exame de bachilleratu, partió a Viena para estudiar comerciu. Más tarde quixo camudar los sos estudios y dise a Praga y estudiar derechu, pero nun foi aceptáu y perdió la beca. Al quedar ensin dineru, tuvo que volver a Llubliana.

Escribió poemes de temática esistencial, nacionalistes, imprecionistes, llabradores, sobro la naturaleza y tamién de temática amorosa. La so poesía yera pesimista, pos de cutiu apaecen la murria, la murnia, el pruyimientu, la pobreza, la sensación de sentirse estranxeru nel so propiu país, la soledá y la muerte.

Josip Murn Aleksandrov vivió nuna dómina cambiante, onde les diferencies ente xente rico y probe yeren grandes, la ilesia católica tenía una gran influencia sobro la política y solo la poesía dexaben la llibertá a la que los poetes aspiraben.

Enllaces esternos

• Wikimedia Commons acueye conteníu multimedia sobre Josip Murn Aleksandrov.
• «Josip Murn Aleksandrov». en Find a Grave. (n'inglés)
• Silva Trdina (1935). «Murn, Josip (1879–1901)» (eslovenu). Consultáu'l 30.1.2026.
• «Josip Murn Aleksandrov» (eslovenu). Ognjišče. Consultáu'l 30.1.2026.

• Datos: Q1278140
• Multimedia: Josip Murn