Josh Charles

Josh Charles
Vida
Nacimientu	Baltimore, 15 de setiembre de 1971 (52 años)
Nacionalidá	Estaos Xuníos
Llingua materna	inglés
Familia
Casáu con	Sophie Flack
Fíos/es	2
Estudios
Estudios	Escuela de Artes de Baltimore (es)
Llingües falaes	inglés
Oficiu	actor, actor de teatru, actor de televisión, actor de cine
IMDb	nm0001038

Joshua Aaron Charles (15 de setiembre de 1971, Baltimore) ye un actor d'Estaos Xuníos de cine, televisión y teatru. Ye conocíu pol papel de Daniel "Dan" Rydell en Sports Night, Knox Overstreet en Dead Poets Society y pol personaxe de Will Gardner nel drama llegal The Good Wife, papel pol cual consiguió una nominación al Primetime Emmy al meyor actor de repartu - Serie dramática en 2011. Nel añu 2013 recibió una nominación, na mesma categoría, pa los Premios Globu d'Oru

Biografía

Vida personal

Charles nació en Baltimore (Maryland), fíu de Laura, una columnista del corazón en The Baltimore Sun, y Allan Charles, un executivu publicitariu. Empecipió la so carrera como comediante en vivu a los nueve años. Siendo un adolescente pasó delles de les sos vacaciones nel campamentu de branu Stagedoor Manor en Nueva York.

Carrera

El debú cinematográficu de Charles foi nel filme de 1988 de John Waters Hairspray, siguíu pola so actuación como Knox Overstreet en 1989 en Dead Poets Society.

Charles actuó en dellos trabayos pa televisión, tales como la serie Sports Night, na qu'interpretó a Dan Rydell y pola cual llogró una nominación a los Premios del Sindicatu d'Actores. Tamién apaeció na serie de HBO In treatment.

Ente los sos trabayos teatrales atópense la so actuación nuna reproducción de la obra de Neil LaBute The Distance From Here, obra qu'en 2004 llogró un Drama Desk Award al meyor repartu. En xineru de 2006, Charles actuó nel estrenu mundial de The Well-Appointed Room de Richard Greenberg, producida pola Steppenwolf Theatre Company de Chicago. Depués d'esto, apaeció na obra A Number de Caryl Churchill, producida por American Conservatory Theater en San Francisco. En 2007, tuvo un papel na obra The Receptionist d'Adam Bock nel Manhattan Theatre Club. En 2009, empezó a trabayar na serie de TV The Good Wife, interpretando al abogáu Will Gardner, papel pol cual llogró una nominación al Primetime Emmy al meyor actor de repartu - Serie dramática en 2011. Dexó la serie en 2014 pa buscar otros proyeutos.

Filmografía

• Wet Hot American Summer: First Day of Camp (2015, serie de TV)
• Masters of Sex (2015, serie de TV)
• Inside Amy Schumer (2014 - 2015, serie de TV)
• Oppenheimer Strategies (2015)
• I Smile Back (2015)
• Adult Beginners (2014)
• Bird People (2014)
• The Good Wife (2009 - 2014, serie de TV)
• After.Life (2009)
• Brief Interviews with Hideous Men (2008)
• In treatment (2008, serie de TV)
• Seis graos (2007, serie de TV)
• The Ex (2007, película)
• The Darwin Awards (2006)
• Cuatro hermanos (2005)
• Stella (2005)
• Seeing Other People (2004)
• S.W.A.T. (2003)
• Our America (2002, telefilme)
• My Father's House (2002, telefilme)
• Zog's Place (2001, documental)
• Meeting Daddy (2000)
• Muppets from Space (1999)
• Sports Night (1998-2000, serie de TV)
• Little City (1997)
• The Underworld (1997, telefilme)
• Cyclops, Baby (1997)
• Norma Jean & Marilyn (1996, telefilme)
• Pie in the Sky (1996)
• Crossworlds (1996)
• The Grave (1996)
• Coldblooded (1995)
• Things to Do in Denver When You're Dead (1995)
• Trés formes d'amar (1994)
• Cooperstown (1993, telefilme)
• Crossing the Bridge (1992)
• Don't Tell Mom the Babysitter's Dead (1991)
• Murder in Mississippi (1990, telefilme)
• Dead Poets Society (1989)
• Hairspray (1988)

Enllaces esternos

• Josh Charles na Internet Movie Database (n'inglés)

• Datos: Q472282
• Multimedia: Josh Charles