Joseph Hughes

De Wikipedia
Joseph Hughes
Vida
Nacimientu Y Bala, 27 d'ochobre de 1827[1]
Muerte Lake Hudson (en) Traducir y Ríu Hudson[2], 12 de mayu de 1841[1] (13 años)
Causa de la muerte afogamientu[2]
Familia
Hermanos/es David Edward Hughes (es) Traducir
Estudios
Llingües falaes galés
Oficiu arpista (es) Traducir, compositor
Instrumentu musical arpa
crwth (en) Traducir
Cambiar los datos en Wikidata

Joseph Tudor Hughes (27 d'ochobre de 1827 - 12 de mayu de 1841), quien actuó sol seudónimu de Master Hughes, foi un mozu arpista galés bien popular nel Reinu Xuníu y nos Estaos Xuníos mientres los años 1830.[3]

Biografía[editar | editar la fonte]

Joseph nació nel conceyu d'Y Bala en 1827, fíu de David Hughes. Pocu dempués de la so nacencia, la familia treslladóse a Londres.[4]

Hughes demostró tener talentu musical cuando solo tenía dos años y mediu d'edá. Yera bien bonu cola arpa. Los sos padres decidieron daquella unvialo a clases particulares por qu'aprendiera a tocar esi preséu. El so profesor foi T ap James.[5] A los cinco años xubió por primer vegada al escenariu na sala de conciertos de Hanover Square en Londres. El productor Sabastian Erard, que taba ente'l públicu, quedó impresionáu pola so actuación y decidió cuntar con él pa otros espectáculos.[6] El so ésitu lu motivó a siguir tocando la so arpa Erard mientres el restu de la so carrera. A partir del añu 1833, tuvo delles actuaciones n'Inglaterra, Gales y Irlanda. Los sos conciertos espertaron l'interés de dellos caballeros. El so padre caltenía un llibru coles firmes de los críticos qu'allegaben a los sos conciertos. El llibru incluyía los nomes de miembros de la familia real británica, dames y caballeros, arzobispos y obispos, xenerales y otros líderes políticos.

N'ocasiones cuntaba col sofitu de dos de los sos hermanos mientres los conciertos, unu de los cualos foi l'inxenieru y profesor David Edward Hughes.[7]

Amás de tocar l'arpa, Joseph Hughes yera compositor. Dalgunes de les sos composiciones fueron publicaes sol títulu de British Melodies en 1839.[8]

Eisteddfod[editar | editar la fonte]

En 1835 tocó l'arpa nel Eisteddfod de Llannerch-y-medd. Recibió la orde d'Orsedd per parte de David Griffith. El so rangu en Orsedd yera'l de Blegwryd ab Seisyllt. Hughes ye probablemente la persona más moza de la hestoria en recibir la orde de Orsedd, yá que solo tenía ocho años d'edá cuando llogró la condecoración. Nel Eisteddfod de Bala, en 1836, Richard Parry lu nomó miembru del comité.[9]

Muerte[editar | editar la fonte]

En 1838 Hughes emigró al pie de la so familia a los Estaos Xuníos, onde siguió adelantre colos sos viaxes musicales. El 12 de mayu de 1841 la familia de Hughes decidió dir dar un paséu en bote a lo llargo del ríu Hudson magar les males condiciones climátiques. Hughes, que nesi tiempu solo tenía 13 años, cayó del bote y foi abasnáu pola corriente.[10]

Galería[editar | editar la fonte]

  • Joseph Hughes.
    Joseph Hughes.
  • Joseph colos sos hermanos.
    Joseph colos sos hermanos.
  • Joseph Hughes.
    Joseph Hughes.
  • Semeya de Joseph Hughes col so padre David tocando l'arpa nun dueto.
    Semeya de Joseph Hughes col so padre David tocando l'arpa nun dueto.

Referencies[editar | editar la fonte]

  1. ↑ 1,0 1,1 Afirmao en: Dictionary of Welsh Biography. Llingua de la obra o nome: inglés. Data d'espublización: 1r xunetu 1997.
  2. ↑ 2,0 2,1 Afirmao en: Library of Congress Name Authority File. Identificador d'autoridá de la Biblioteca del Congresu d'EEXX: no2021089366. Apaez como: Hughes, Joseph Tudor, 1827 or 1828-1841. Data de consulta: 16 xunu 2023. Llingua de la obra o nome: inglés. Autor: Biblioteca del Congresu d'Estaos Xuníos.
  3. ↑ «Y bywgraffiadur- HUGHES , JOSEPH TUDOR (‘ Blegwryd ’; 1827 - 1841 )».
  4. ↑ «Y cerddor Cyf. VI rhif. 61» (galés) (1 de xineru de 1894). Consultáu'l 28 de xunu de 2018.
  5. ↑ Salisbury and Winchester Journal 7 d'abril de 1834: páxina 4, columna 3: «The concert given on Wednesday»
  6. ↑ Manchester Times, 5 d'avientu de 1835: «Master Hughe's Concert», páxina 2, columna 5
  7. ↑ «Blegywryd y Bachgen Delynor, vol. 4, núm. 9» (galés) (1934). Consultáu'l 28 de xunu de 2018.
  8. ↑ «Radio inventor's talented brother; LETTERS» (inglés). Consultáu'l 28 de xunu de 2018.
  9. ↑ «Yr Awdl fuddugawl ar Master Hughes ... Testyn y Gadair i Eisteddfod y Bala ...gan Richard PARRY (Gwalchmai.)» (galés). Consultáu'l 28 de xunu de 2018.
  10. ↑ William Mallalieu (1841-06-19). «The Death of Master Hughes - The Glamorgan Monmouth and Brecon Gazette and Merthyr Guardian» (inglés). Consultáu'l 28 de xunu de 2018.

Enllaces esternos[editar | editar la fonte]

Sacáu de «https://ast.wikipedia.org/w/index.php?title=Joseph_Hughes&oldid=4037501»