Josep Carles Laínez

De Wikipedia
Saltar a: navegación, buscar

Josep Carles Laínez (Valencia, 1970) ye un escritor, dramaturgu y articulista español n'aragonés, catalán, castellanu y asturianu.

Ye llicenciáu en Filoloxía Valenciana, Española y en Comunicación Audiovisual pola Universidá de Valencia.

La so creación n'asturianu[editar | editar la fonte]

Josep Carles Laínez escribe n'asturianu dende l'añu 1991, cuando completó'l so primer llibru, Escosu deliriu (güei perdíu). L'añu 1997, algamó'l Premiu de Teatru de l'Academia de la Llingua Asturiana cola obra Elsa metálico[1] (Uviéu, ALLA, 1998) y en 2000 entamó la so collaboración col selmanariu Les Noticies. Dalgunes de les sos columnes asturianes conocieron tornes al español (Ene marginalia, Madrid, Endymion, 2003) y al estonianu (na revista Akadeemia, 2004). Tien traducíos poemes de Sandro Penna, Vicent Andrés Estellés, Robert Roc, Jüri Talvet y Rosa María Rodríguez Magda a la nuesa llingua. En 2004 espublizó la torna d'una colección de haiku col títulu de Caballinos del diañu, lluciérnagues y caparines, en collaboración con Abdelmumin Aya, y dos años depués el poemariu Lenta lletanía del cuerpu nel hedreru (Uviéu, ALLA, 2005).

Llibros n'asturianu[editar | editar la fonte]

  • Elsa metálico, Uviéu: Academia de la Llingua Asturiana, 1998. ISBN 84-8168-149-0.
  • Caballinos del diañu, lluciérnagues y caparines, Uviéu: Ámbitu, 2004. En collaboración con Abdelmumin Aya.
  • Lenta lletanía del cuerpu nel hedreru, Uviéu: Academia de la Llingua Asturiana, 2005. ISBN 84-8168-378-7
  • La muerte del padre, Valencia: Llambert Palmart, 2009. Dietariu con delles entraes n'asturianu. ISBN 978-84-96360-08-2

Testos en llibros colectivos[editar | editar la fonte]

  • "Hacia una topografía del silenciu. El cine de Ramón Lluís Bande", en VVAA, Filmar la mirada, Mieres: Ayuntamientu de Mieres, 2001.
  • "L’espaciu como conceptu temporal. Una reflesión sobre L’aire les castañes", en VVAA, Filmar la mirada, Mieres: Ayuntamientu de Mieres, 2001.
  • "My Own Private Keanu", en PIQUERO, José Luis (ed.), Antoloxía del cuentu eróticu (2004). ISBN 84-95640-74-0.

Tornes del asturianu[editar | editar la fonte]

  • ÁLVAREZ, Lluís X., Poesía asturiana completa, Valencia: Llambert Palmart, 2009. Edición y torna. ISBN 978-84-96360-02-0

Referencies[editar | editar la fonte]

  1. http://books.google.com/books?id=5SfBP4PxU8wC&pg=PP1&dq=%22Josep+Carles+La%C3%ADnez%22+-inpublisher:icon&as_brr=0&ei=_3jQSoTmBJeIyQSohL3eDQ&hl=es#v=onepage&q=&f=true

Enllaces esternos[editar | editar la fonte]

Blogs[editar | editar la fonte]