Josefina Díaz-Faes y Martínez Sela

De Wikipedia
Saltar a navegación Saltar a la gueta
Josefina Díaz-Faes y Martínez SelaPicto infobox auteur.png
Vida
Nome completu Josefina Díaz-Faes y Martínez Sela
Nacimientu

1892

(126/127 años)
Nacionalidá Bandera d'España España
Estudios
Llingües castellanu
Oficiu
Oficiu escritora
Cambiar los datos en Wikidata

Josefina Díaz-Faes y Martínez Sela. Caderalga nacida en Morea d'Ayer, Asturies nel mes de xunetu de 1892. En finando la carrera de Maxisteriu n'Uviéu, consiguió la cátedra d'Escueles Normales, cargu que pasó a ocupar en 1928 na de Girona. Becaria demientres dos cursos socesivos (1935-36) de la Universidá de branu de Santander, en setiembre de 1936 embarcó en San Sebastián con destín a Saint-Jean-de-Luz; yá en Francia, recibió de Madrid, como residente universitaria que yera, la orde de salir de secute pa la capital española, a lo que se ñegó, afalando con ello'l so cese nel escalafón de caderalgos. Poco depués tornaría a la so patria, siendo destinada pol gobiernu establecíu en Burgos a ocupar una cátedra de Paidoloxía en Valladolid. Tres una curtia estancia na so villa natal, al ser tomada Asturies poles tropes golpistes, cuando lo foi Girona fízose cargu de la cátedra qu'abandonara, asina como de la de lliteratura. En 1942 pasó a la Escuela Normal d'Uviéu, onde foi xubilada en 1962. Amás de varies collaboraciones nos periódicos El Carbayón y Región d'Uviéu, y nes revistes Covadonga y Boletín Teresiano, ye autora de les publicaciones Psicología de la atención, Historia de la música y Arte Asturiano. Asinamesmo, ye rescamplable'l so llabor nel Comité de Turismu d'Asturies, creáu por Constantino Cabal en 1926 y del que foi secretaria local, con notables trabayos sobre vezos asturianos.


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.