José del Campillo y Cossío

De Wikipedia
Saltar a navegación Saltar a la gueta
José del Campillo y CossíoPicto infobox character.png
José del Campillo y Cossío.jpg
Vida
Nome completu José del Campillo y Cossío
Nacimientu Alles13  de febreru de 1693
Nacionalidá Flag of Spain.svg España
Muerte

Madrid11  d'abril de 1743

[2] (50 años)
Familia
Casáu con María Benita de Rozas y Drummond (en) Traducir
Estudios
Llingües castellanu
Oficiu
Oficiu políticueconomista
Cambiar los datos en Wikidata

José del Campillo y Cossío (13  de febreru de 1693Alles - 11  d'abril de 1743Madrid) foi un políticu, economista y hacendista asturianu.

Biografía[editar | editar la fonte]

Xube a Comisariu de Marina siendo destináu a Veracruz y L'Habana onde realiza estudios pa la construcción d'un estelleru, que s'empecipió darréu. Al so regresu a España ye nomáu, en 1724, direutor del L'Estelleru Real Estelleru de Guarnizo onde lleva a cabu una intensa actividá, tantu na construcción de navíos como na dotación de diques, acuartelamientos, trincheres defensives, etc. Equí foi denunciáu al Tribunal de la Inquisición de Logroño por un antiguu capellán del estelleru, acusáu de “lleer llibros prohibíos y comunicar con herexes”. El procesu fallóse a favor de Campillo.

L'añu 1728 el rei concéde-y l'ingresu na Orde de Santiago, y dende 1733 a 1737 dirixe la intendencia del exércitu que s'enfrenta n'Italia a los austriacos

Al so regresu ye nomáu Intendente del Reinu d'Aragón, onde empresta especial atención al desenvolvimientu de les obres públiques. Construyó una ponte sobre'l ríu Gállego y, pal so pagu, estableció un peaxe del que non eximió a los eclesiásticos, polo que tuvo un fuerte enfrentamientu col Arzobispu, que promovio la so escomunión. El conflictu resolvióse a favor de Campillo, que ganó apreciu y consideración ante'l monarca, que nómalu Secretariu (Ministru) d'Estáu de Facienda, en marzu de 1741, y, poco tiempu dempués, encamiénta-y coles mesmes les Secretaries de Guerra, Marina ya Indies, colo qu'atropa un estraordinariu poder.

Siendo práuticamente Ministru universal de Felipe V, lleva a cabu una intensísima actividá, sobremanera nel campu de la Facienda pública.

Finó en Madrid el 11 d'abril de 1743. Una muerte prematura qu'atayó una escelente trayeutoria. Tien Campillo notables escritos sobre xestión pública y economía política tales como: “Lo qu'hai de más y de menos n'España”, “España espierta” y “Nuevu sistema de gobiernu económicu pa l'América”, que sirvieron darréu pa diseñar les reformes introducíes nel gobiernu de les Indies.

Cargos[editar | editar la fonte]

Mientres la so vida ocupó los siguientes cargos:

  • Intendente xeneral de marina.
  • Comendador de la Oliva de la Orde de Santiago.
  • Capitán xeneral Honoríficu.
  • Secretariu d'Estáu de Facienda, Marina, Guerra ya Indies.
  • Conseyeru d'Estáu y Llugarteniente del Almirantazgo.

Bibliografía[editar | editar la fonte]

  • Aguilar Piñal, Fco.: Bibliografía d'autores españoles del Sieglu XVIII.- Madrid, 1.983.
  • Fuerte Arias, Rafael: Ensayu biográficu avera del Escelentísimu Sr. D. José del Campillo....- Madrid, 1.927.
  • García Casu, Víctor: El Ministru Campillo.- Tema Llanes núm. 41.- L'Oriente d'Asturies.- Llanes, 1.988.
  • Martínez Cardos, José: Don José del Campillo y Cosio.- Madrid, 1.970.
  • Mateos Doráu, Dolores: Dos escritos políticos.-Edita: Xunta Xeneral del Principáu.- Uviéu, 1.993.
  • Rodríguez Villa, Antonio: Patiño y Campillo, reseña históricu biográfica....- Madrid, 1.882.
  • Ficha en Biografíes y vides.
  • Ficha en Vivir Asturies.
  • El tribunal del Santu Oficiu de Logroño y don José del Campillo y Cossio, (pdf).

Referencies[editar | editar la fonte]

  1. Afirmao en: SNAC. Identificador SNAC Ark: w6ng613k. Apaez como: José del Campillo. Data de consulta: 9 ochobre 2017. Llingua de la obra o nome: inglés.
  2. Afirmao en: Diccionario biográfico español. Identificador del Diccionario Biográfico Español: 10184. Apaez como: José Campillo y Cossío. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data de publicación: 2011.

Enllaces esternos[editar | editar la fonte]

José del Campillo y Cossío