José Tartiere

De Wikipedia
(Redirixío dende José Tartiere Lenegre)
Saltar a navegación Saltar a la gueta
Artículu revisáu
José Tartiere
Monumento a José Tartiere. Oviedo.jpg
Vida
Nacimientu Bilbao21  de payares de 1848
Nacionalidá Bandera d'España España
Fallecimientu

Llugones18  d'abril de 1927

(78 años)
Estudios
Llingües castellán
Oficiu
Oficiu inxenieru industrial y empresariu
Cambiar los datos en Wikidata

José Tartiere y Lenegre (Bilbao, 21 de payares de 1848 - Llugones, Siero, 18 d'abril de 1927), inxenieru y empresariu vascu.

Afincóse n'Asturies en 1875 onde fundaría toa una riestra d'empreses d'estremáu tipu, ente les que destaquen la Fábrica de Pólvores de Llugones, llamada Sociedá Santa Bárbara (1889); la Sociedá Industrial Asturiana Santa Bárbara, xunto con Policarpo Herrero, col oxetivu de promocionar la esplotación de mines, ferrocarriles y empreses del sector metalúrxicu; el Bancu Asturianu d'Industria y Comerciu (1899) y el periódicu La Voz de Asturias (1923). Tamién participó na creación d'otres sociedaes telefóniques, de navegación y bancaries.

Como reconocencia a la so dedicación, en 1921 concediéron-y el títulu de I conde de Santa Bárbara de Llugones, y la ciudá d'Uviéu llevantó, en 1933, un monumentu esculpíu por Víctor Hevia y Manuel Álvarez Laviada que tovía pue vese nel Campu San Francisco de la capital asturiana.

Casó con María de los Dolores de las Alas-Pumariño y Troncoso, hermana de Nicanor de las Alas Pumariño, vilba de Tomás Botas Alonso, del que tuvo un fíu, Tomás Botas y Alas-Pumariño (Uviéu, 1887 -), casáu con María de Covadonga García-Barbón y Fernández-Hevia. Fueron padres de José Tartiere y Alas-Pumariño, II conde de Santa Bárbara de Llugones, y de Carlos Tartiere, tamién empresariu y conocíu por ser el fundador y primer presidente del Real Uviéu.