José Suárez Arias-Cachero

De Wikipedia
Saltar a navegación Saltar a la gueta
José Suárez Arias-CacheroPicto infobox character.png
José Suárez Arias-Cachero 1.jpg
Escudo de Aller.svg
Conceyal nel Ayuntamientu d'Ayer

1983 - 1995
Coat of Arms of Oviedo.svg
Conceyal del Conceyu d'Uviéu

2007 - 2011
Vida
Nome completu José Suárez Arias-Cachero
Nacimientu

Felechosa1962

(56/57 años)
Nacionalidá Bandera d'España España
Estudios
Llingües castellanu
asturianu
inglés
Oficiu
Oficiu políticu y empresariu
Alcuñu/os Felechosa
Creencies
Partíu políticu Partido Popular
Foru Asturies
Unidá Nacionalista Asturiana
Cambiar los datos en Wikidata

José Suárez Arias-Cachero (1962Felechosa), conocíu como José Suárez "Felechosa" ye un empresariu y políticu asturianu. Foi conceyal del Ayuntamientu d'Uviéu dende 2007 a 2011, escoyíu nes llistes del PP a les que s'arrimó convidáu pol alcalde Gabino de Lorenzo.

Biografía[editar | editar la fonte]

Trayeutoria política[editar | editar la fonte]

La so trayeutoria política féxola nel asturianismu. Llíder universitariu nos años 80 foi fundador del CEN (Conceyu d'Estudiantes Nacionalistes), dempués conceyal asturianista nel Conceyu d'Ayer ente 1983 y 1995. Fundador de XNA, UNA y clave nel nacimientu de la Coalición Asturiana de 1991 cola que foi candidatu númberu 2 tres Xuan Xosé Sánchez Vicente.

Nel añu 2007 foi elexíu por Gabino de Lorenzo pa tar na llista eleutoral del PP nes eleiciones municipales d'Uviéu, siendo'l númberu 8 nesta. Esti tuvo reñes dientro'l PP por defender a Francisco Álvarez Cascos na so candidatura pa presidir el PP d'Asturies, siendo espulsao del Grupu Municipal Popular y de les sos funciones como Conceyal de Cultura en 2010[1]. Nesti sen, tamién ye espulsao por "presuntes irregularidaes en contratos".

En payares de 2019 ye escoyíu por Carmen Moriyón pa ser ún de los sos cargos de mayor confianza na Comisión Direutiva de Foru Asturies.[2] Esto xeneró malestar dientro'l partíu, n'especial ente'l seutor más fiel al vicepresidente de Foru, Francisco Álvarez. Dellos afiliaos entendieron esto como un "chisgo" a la FSA p'aprobar los presupuestos autonómicos y la declaración d'oficialidá del asturianu.

Trayeutoria llingüística[editar | editar la fonte]

La so trayeutoria en defensa de la llingua asturiana ye conocida, primer claustral en facer usu de la llingua na Universidá d'Uviéu, fundador de la Xunta pola Defensa de la Llingua Asturiana, primer conceyal en facer una moción n'asturianu cuando exercía como tal n'Ayer, primer empresariu en facer los sos estatutos sociales en llingua asturiana.

Ye ún de los dirixentes de la plataforma "Lliberales Pola Oficialidá", que tuvo presente na manifestación pola oficialidá de 2019 en Xixón. Nesa plataforma también ta l'empresariu y políticu, Inaciu Iglesias.

Nesta semeya pue vese a José Suárez "Felechosa", a Inaciu Iglesias y a otres persones na manifestación pola oficialidá de 2019 en Xixón.

Curiosidades[editar | editar la fonte]

Dientro'l mundu asturianista ye conocíu pol nomatu del so pueblu d'orixe: Felechosa.

Foi tamién sociu fundador de la Editorial Aina y de FonoAstur.

Referencies[editar | editar la fonte]

  1. De Lorenzo destituye a Cachero y le echa del grupo del PP por presuntas irregularidades. https://www.lne.es/oviedo/2010/10/01/lorenzo-destituye-cachero-le-echa-grupo-pp-presuntas-irregularidades/974518.html
  2. Moriyón se rodea de dirigentes partidarios de la oficialidad en la ejecutiva de Foro https://www.elcomercio.es/politica/moriyon-rodea-dirigentes-partidarios-oficialidad-foro-20191112150028-nt.html

Enllaces esternos[editar | editar la fonte]