José María Álvarez Suárez

De Wikipedia
Saltar a navegación Saltar a la gueta
José María Álvarez SuárezPicto infobox character.png
Josep Maria Àlvarez Suàrez - 001.jpg
LogoUGT.svg
Secretariu xeneral d'Unió General de Traballadors de Catalunya

mayu 1990 - 12 marzu 2016
Justo Domínguez de la Fuente - Camil Ros (es) Traducir
LogoUGT.svg
Secretariu xeneral da la Unión Xeneral de Trabayadores

12 marzu 2016 -
Cándido Méndez (es) Traducir
Vida
Nacimientu

Balmonte20  de marzu de 1956

(65 años)
Nacionalidá Flag of Spain.svg España
Estudios
Llingües castellanu
catalán
Oficiu
Oficiu sindicalista
Emplegadores Alstom (es) Traducir
Miembru de Unión Xeneral de Trabayadores
Creencies
Partíu políticu Partíu Socialista Obreru Español
Cambiar los datos en Wikidata

José María Álvarez Suárez (20  de marzu de 1956Balmonte) tamién conocíu como Pepe Álvarez, ye un sindicalista español, actual secretariu xeneral de la UXT. Asocedió nel cargu a Cándido Méndez el 12 de marzu de 2016.[1] Tamién foi'l secretariu xeneral de la UXT en Cataluña dende 1990 hasta 2016.

Biografía[editar | editar la fonte]

José María Álvarez Suárez ñació n'Alvariza, llocalidá dependiente del conceyu asturianu de Balmonte. Cursó estudios de Formación Profesional en Noreña (Asturies).[2]

Militancia na Unión Xeneral de Trabayadores[editar | editar la fonte]

Nel añu 1975 se treslladó a Barcelona y entama a trabayar na empresa La Maquinista Terrestre y Marítima (Gec-Alstom). Nesi mesmu añu s'afilió a la Unión Xeneral de Trabayadores. En 1976 ye nomáu secretariu d'Aición Sindical na seición sindical de la so empresa. Más tarde foi miembru del comité d'empresa de la Maquinista, tres les primeres eleiciones sindicales.[3] En 1978 ye escoyíu secretariu d'organización de la Federación del Metal de la UXT de Cataluña. A partir d'esi momentu, pasa por distintos cargos nel sindicatu. El más destacáu foi'l de secretariu xeneral del Sindicatu del Metal de Barcelona, el sindicatu con más afiliación de la Confederación. En 1988 vuelve a ser escoyíu secretariu d'Organización de la Federación del Metal de la UXT de Cataluña y miembru del Comité Confederal. En 1989 ye escoyíu presidente de la Comisión Xestora de la UXT de Cataluña, siendo darréu secretariu xeneral dende 1990 hasta 2016. Cuando accede a la Secretaría Xeneral nel añu 1990 entama una nueva llinia política coles mires de tresformar el sindicatu nuna organización moderna, autónoma políticamente, plural ya integrada na realidá de la sociedá catalana.

Contribúi tamién al afitamientu y crecedera de la organización impulsando'l trabayu en distintes árees sociales y sindicales, cola creación de servicios específicos dientro del sindicatu como l'Asociación d'Ayuda Mutua d'Inmigrantes en Cataluña (AMIC), la Confederación de Trabayadores Autónomos de Cataluña (CTAC) y Avalot – Mozos de la UXT de Cataluña.

Pepe Álvarez ye'l primer dirixente sindical que creó'l so propiu blogue, "Valor Sindical" onde espresa'l so puntu de vista sobre la evolución de la sociedá. Apostó pol desarrollu de la presencia del sindicatu na rede, asina como la incorporación de lo audiovisual como una ferramienta de primera magnitú de la comunicación sindical. Nesta llinia impulsó la creación de Canal UGT.

En 2016 foi escoyíu secretariu xeneral de la UXT, en sustitución de Cándido Méndez, mientres el 42º Congresu Confederal de la UXT, cellebráu los díes del 9 al 12 de marzu de 2016, llogrando 306 votos (el 51,1%), frente a los 289 llograos pol otru candidatu, Miguel Ángel Cilleros.

Referencies[editar | editar la fonte]

Enllaces esternos[editar | editar la fonte]