Lolo'l de Cabranes

De Wikipedia
(Redirixío dende José Manuel Robledo)
Lolo'l de Cabranes
Vida
Nacimientu 1954 (69/70 años)
Nacionalidá España
Estudios
Llingües falaes castellanu
Oficiu cantante
Instrumentu musical voz
Cambiar los datos en Wikidata

José Manuel Robledo, Lolo'l de Cabranes, (1954), ye un cantante asturianu de tonada.

A diferencia d'otros cantantes, Lolo nun entamó de mozu nel mundu de la tonada. Nun sería hasta l'añu 1998 cuando ganaría'l so primer concursu, el d'Amieva, que volvería a ganar nos años 2000, 2001 y 2002 y nel que sería proclamáu como Campeón de Campeones. Tamién s'alzaría col títulu de campeón nel concursu de La Nueva (2002) y (2005); el Ciudá d'Uviéu (2004); Returbio (2005 y 2006) o Avilés (2006).

Lolo sería reconocíu nel Memorial Silvino Argüelles los años 2004, 2006 y 2008.

Cola Sociedá Fonográfica Asturiana grabó un CD baxo'l títulu de Sabor Asturianu, con cantares conocíos como Xunce les vaques, Ramona, L'aire m'apagó la vela, Pa castañes, Tremanes, o Toca la gaita, gaiteru.

Yá nel añu 2012 algamaría'l primer premiu nel XV Concursu de Tonada Cuenca del Caudal[1]

Referencies[editar | editar la fonte]

  1. [1]. «El concurso Cuenca del Caudal entrega hoy sus premios de tonada» La Nueva España, 10.03.2012