José Manuel Menéndez Fernández

De Wikipedia
Saltar a navegación Saltar a la gueta
José Manuel Menéndez FernándezPicto infobox character.png
alcalde

Vida
Nacimientu

Biescas1949

(69/70 años)
Nacionalidá Bandera d'España España
Estudios
Llingües castellanu
Oficiu
Oficiu Ganaderu
Creencies
Partíu políticu Partíu Socialista Obreru Español
Cambiar los datos en Wikidata

José Manuel Menéndez Fernández (Carlés, Salas, 1949) ye un políticu asturianu del PSOE. Foi alcalde del conceyu de Salas dende 1990 hasta 2011. Anguaño, ye'l vocera del Grupu Municipal Socialista nel mesmu conceyu.[1]

Trayeutoria Política[editar | editar la fonte]

Empezó la so andadura política afiliándose al PSOE en 1982 y participando al pie de dellos amigos na constitución de l'Agrupación Socialista de Salas .[2] Nes eleiciones municipales de 1983 perdió por una mínima diferencia contra Manuel Balsera Rodríguez (AP). Nes eleiciones municipales de 1987 allegó per segunda vegada nes llistes socialistas, resultando escoyíu conceyal y faciendo del PSOE foi la llista más votada, pero un pactu ente Alianza Popular y la Centru Democráticu y Social apostró a los socialistes a la oposición y upó a l'alcaldía a Rafael García Bágara (CDS).[3][4] A lo llargo de la llexislatura surdieron importantes disensiones internes nel equipu de gobiernu, siendo especialmente fuertes ente Francisco Martínez Oliveros (AP), coles mesmes Primer Teniente d'Alcalde y el conceyal José Manuel Fernández (CDS). Con éses l'únicu elementu centralizador yera l'alcalde, polo que tres la so muerte'l 1 d'ochobre de 1990 rompióse'l pactu, llogrando, trés años dempués de les eleiciones, el PSOE l'alcaldía, magar tuvo que gobernar en minoría con alcuerdos puntuales col CDS.

En 1991, José Manuel Fernández encabeza de nuevu la candidatura del PSOE al conceyu de Salas y llogra una folgosa mayoría absoluta: 9 conceyales de 13 posibles. Naquella ocasión, el so contrincante foi Francisco Martínez Oliveros quien, col PP, llogró 4 conceyales. Revalidó la so mayoría absoluta en 1995, magar, perdió 1 conceyal dexando -y lo al PP encabezáu entós por Ismael Eres González. Repitió candidatura nes eleiciones de 1999 y consiguió el mayor númberu de conceyales de la hestoria democrática salense, 10, quedando'l PP d'Ángel González Fidalgo con 2 y la Candidatura Independiente Salense (CIS) d'Abel Martínez Fernández con 1.[3][4]

La gastadura dempués de 12 años de gobiernu, fixo que nes eleiciones de 2003 perdiera 2 conceyales quedándose colos 8 de 1995, y calteniendo entá la mayoría absoluta. Naquella ocasión, el so adversariu foi de nuevu Abel Martínez Fernández, que consiguió los 5 conceyales que resten na corporación salense. Los comicios de 2007 siguieron la racha a la baxa de José Manuel Fernández, y consiguió la mayoría absoluta pola mínima, 7 conceyales frente a los 5 del PP, encabezáu por Xuan Carlos Rodríguez Martínez; y 1 d'Izquierda Xunida, que llograba representación per primer vegada nel consistoriu de la mano de José Manuel Murias Díaz.[3][4]

Finalmente, les eleiciones de 2011 apostraron al que fuera rexidor salense mientres 20 años a la oposición, yá que, magar consiguó ser la llista más votada y 6 conceyales, quedando a tan solo 9 votos de la mayoría absoluta, un pactu ente'l partíu de nueva creación Foro Asturies, encabezáu por Sergio Hidalgo Alonso y que consiguió 5 conceyales; y el Partíu Popular, con 2 conceyales y lideráu por Alberto Díaz Miranda alzaron a l'alcaldía al primeru.[1][4]

Otros datos[editar | editar la fonte]

En 2005, el PP denunció una presunta prevaricación urbanística del alcalde con al respective de la mina de Ríu Narcea Gold Mines asitiada en Carlés en 2001, yá que autorizó la so esplotación ensin tener competencies urbanístiques pa ello y según el PP la CUOTA (Comisión d'Urbanismu y del Territoriu) entabló un contenciosu contra'l Conceyu de Salas y terminó retirándo-y les competencies en materia urbanístico; el PP adució amás que l'alcalde yera'l mayor beneficiáu poles espropiaciones de la mina al ser el mayor propietariu de los terrenes afeutaos. Esta denuncia quedó archivada y esculpóse al alcalde de delitu dalgunu una y bones el PP nun presentó pruebes concluyentes.

Pa la llexislatura 2007-2011 los proyeutos más destacaos son la construcción de la Casa del Ríu (un muséu sobre'l ríu Narcea y el so ecosistema) en Cornellana y, al empar que se realiza'l colector pa drenar les agües de Salas, faer un paséu del ríu Nonaya en Salas d'un llargor averáu de 2 km ente'l tanatorio y la parte alta de la villa. En xunu de 2008 Salas convertir nel segundu conceyu asturianu (tres Tinéu) que da una ayuda a la natalidá anque esta ye de la más altes d'España, una y bones el conceyu da 500 euros por nacencia que sumaos a los d'otres alministraciones dan un total de 3.500 euros.

En xunetu de 2008 l'alcalde abogó por que nun se construyera l'enllaz d'El Llanón nel tramu Salas-La Espina de l'A-63, según él porque retrasaría la puesta en funcionamientu del tramu. Esta midida foi atacada polos vecinos afeutaos y, entá más pol PP y IX.

Referencies[editar | editar la fonte]

  1. 1,0 1,1 L. Valdés. La Nueva España Dixital (ed.): «El PP salta la disciplina de partíu en Salas y aúpa al gobiernu a FAC». Consultáu'l 18 de xunu de 2011.
  2. L. Valdés. La Nueva España Dixital (ed.): «L'alcalde de Salas va ser, per sesta vegada consecutiva, el candidatu llocal del PSOE». Consultáu'l 18 de xunu de 2011.
  3. 3,0 3,1 3,2 «Federación Asturiana de Conceyos». Consultáu'l 18 de xunu de 2011.
  4. 4,0 4,1 4,2 4,3 Ministeriu del interior. Gobiernu d'España. «Base histórica de resultancies electorales». Consultáu'l 18 de xunu de 2011.

Plantía:Facc.info

Ver tamién[editar | editar la fonte]


Predecesor:
Rafael García Bágara
Alcalde de Salas
10 d'ochobre de 1990 - 11 de xunu de 2011
Socesor:
 

.





José Manuel Menéndez Fernández