José Linhares

José Linhares
Presidente de Brasil 29 ochobre 1945 - 31 xineru 1946 ← Getúlio Vargas - Eurico Gaspar Dutra → senador de Brasil
Vida
Nacimientu	Baturité, 28 de xineru de 1886
Nacionalidá	Brasil
Llingua materna	portugués
Muerte	Caxambu (es) , 26 de xineru de 1957 (70 años)
Estudios
Estudios	Facultá de Derechu de la Universidá de São Paulo
Llingües falaes	portugués
Oficiu	maxistráu, políticu, abogáu, xuez
Premios	ver Grand Cross of the Order of the Southern Cross Order of Naval Merit Gran Cruz de la Orde Militar de Cristu
Creencies
Partíu políticu	políticu independiente

José Linhares (28 de xineru de 1886, Baturité – 26 de xineru de 1957, Caxambu ^(es) ) foi un abogáu brasilanu y presidente "de facto" de la república mientres tres meses y cinco díes, dende'l 29 d'ochobre de 1945 hasta'l 31 de xineru de 1946.

Linhares foi un destacáu abogáu qu'entró al Supremu Tribunal Federal de Brasil nel añu 1937 dempués d'una prestixosa carrera. El 26 de mayu de 1945 asumió la presidencia del Tribunal y desempeñaba dichu cargu nel moemnto qu'un golpe d'estáu incruento derrocaba a Getúlio Vargas de la presidencia de Brasil el 29 d'ochobre de 1945.

Gobiernu provisional

Linhares exerció la presidencia de la república "de facto" al ser convocáu pa esti fin poles Fuercies Armaes, en tantu resultaba ser la máxima autoridá civil dempués del presidente de la República como Presidente del Supremu Tribunal Federal de Brasil. Linhares asumió'l mandu presidencial el 30 d'ochobre d'esi mesmu añu, apautando colos militares en dirixir una alministración provisional "de facto" hasta que s'escoyera un nuevu presidente.

Linhares garantizó la realización d'eleiciones presidenciales del 2 d'avientu de 1945, pero aprovechó'l so curtiu mandatu de tres meses p'apurrir altos puestos alministrativos a munchos parientes sos, causando comentarios burllonos de la población como la frase "Vos Linhares são milhares!" (en portugués "¡Los Linhares son millares!"). El 31 de xineru de 1946 Linhares apurrió la presidencia al xeneral Eurico Gaspar Dutra, ganador de les eleiciones de 1945 y participante nel derrocamientu de Getúlio Vargas.

Enllaces esternos

• Wikimedia Commons acueye conteníu multimedia sobre José Linhares .
• O governo José Linhares non sítio oficial da Presidência da República do Brasil
• Biografia de José Linhares na galeria dos ministros do Supremu Tribunal Federal (portugués)

• Datos: Q316200
• Multimedia: José Linhares