José Hevia Campomanes
José Hevia Campomanes | |||||
|---|---|---|---|---|---|
 | |||||
25 xunu 1903 - ← Ramón Torrijos y Gómez - Félix Soto y Mancera → Diócesis: Diócesis de Badajoz (es) 
27 mayu 1889 - 12 xunu 1903 ← Mariano Cuartero y Sierra - Dennis Joseph Dougherty (es) → Diócesis: diócesis de Nueva Segovia (es) | |||||
| Vida | |||||
| Nacimientu | La Pola, 24 de marzu de 1841[1] | ||||
| Nacionalidá |
 España | ||||
| Muerte | provincia de Badayoz, 2 de mayu de 1904[1] (63 años) | ||||
| Estudios | |||||
| Llingües falaes | castellanu | ||||
| Oficiu | sacerdote católicu, obispu católicu | ||||
| Creencies | |||||
| Relixón | Ilesia Católica[2] | ||||
| Orde relixosa | Orde de Predicadores | ||||
 | |||||
José Hevia Campomanes (24 de marzu de 1841, La Pola – 2 de mayu de 1904, provincia de Badayoz) foi un relixosu Orde de Predicadores dominicu y misioneru asturianu.
Biografía[editar | editar la fonte]
Dempués de cursaos los estudios primarios fixo los de Llatinidá y Humanidaes y treslladóse a Ocaña (Toledo) onde tomó l'hábitu de relixosu dominicu, profesando'l 17 de setiembre de 1857.
En 1863 foi treslladáu a les misiones de la Orde de Predicadores establecíes en Filipines, onde terminó d'estudiar Teoloxía na Universidá de Manila. Ellí recibió les órdenes de diáconu en 1863 y de presbíteru en 1864.
Terminada la carrera, en 1864 foi nomáu párrocu de Balanaga (Bataán), y darréu vicariu de Llana Formosa, nel mesmu distritu. En 1867 recibe'l nomamientu de párrocu de Santa Rosa (Biñang) y de Binondo (Manila), hasta 1871 en que ye nomáu Procurador Xeneral de la Provincia Dominicana, yá que ocuparía mientres seis años, volviendo en 1878 a Binondo, onde tuvo hasta 1889. En 1889 foi nomáu Obispu de Nueva Segovia, siendo consagráu como tal na ciudá d'Uviéu n'abril de 1890 y tomando posesión en Vigán el 19 de xunetu de 1891.
Tres la independencia de Filipines tornó a España, onde foi designáu en 1903 como Obispu de Badayoz.
Morrió en Figales de Vargas mientres realizaba una visita pastoral, aquexáu d'una pulmonía.
Obres[editar | editar la fonte]
- 1872 - Lleiciones de gramática hispanu-tagala. Manila: Colexu de Santu Tomás (Esta obra tuvo siquier doce ediciones hasta 1922).
- 1903 - Carta pastoral que per primer vegada dirixe a los sos diocesanos el Ilmo. y Rmo. señor D. Fr. José Hevia Campomanes, Obispu de Badayoz. Badayoz : [s. n.].
Bibliografía[editar | editar la fonte]
- GONZÁLEZ POLA, Manuel: "Fray José Hevia Campomanes, dominico y obispo de Nueva Segovia (Filipinas), en la encrucijada de la revolución e independencia de Filipinas". En: Los dominicos en Hispanoamérica y Filipinas a raíz de la guerra de 1898: retos y desafíos de la Orden de Predicadores durante la centuria de 1898 a 1899. Instituto de Estudios Históricos Juan Alejo de Arizmendi, 2001, páxs. 295-329.
- SUÁREZ FERNÁNDEZ, Constantino: "Hevia Campomanes, (Fr. José)". En: Escritores y artistas asturianos: índice bio-bibliográfico, Madrid, 1936-1959, T. IV, páxs. 469-472.
- DONGIL Y SÁNCHEZ, Miguel: “Un asturiano que fue obispo de Nueva Segovia, en Filipinas”, en el Boletín de la Archidiócesis de Oviedo ``ESTA HORA´´, nº1292, 24 de payares de 2016, p. 3.
Referencies[editar | editar la fonte]
- ↑ 1,0 1,1 Afirmao en: Diccionario biográfico español. Identificador DBE: 32805/jose-hevia-campomanes. Apaez como: José Hevia Campomanes. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ Afirmao en: Catholic-Hierarchy.org. Identificador Catholic Hierarchy de persona: heca. Data de consulta: 18 ochobre 2020. Llingua de la obra o nome: inglés.
Enllaces esternos[editar | editar la fonte]
- Lleiciones de gramática hispanu-tagala, edición de 1872
Datos: Q23663046
Multimedia: José Hevia Campomanes