José Gafo

De Wikipedia
Saltar a navegación Saltar a la gueta
José Gafo
José Gafo Muñiz.png
Coat of Arms of Spain (1931-1939).svg
diputáu nes Cortes republicanes

Vida
Nacimientu Campumanes1881
Nacionalidá Bandera d'España España
Fallecimientu

Madrid4  d'ochobre de 1936

(54/55 años)
Estudios
Llingües castellanu
Oficiu
Oficiu políticu, relixosu cristianu y sindicalista
Llugares de trabayu Madrid
Creencies
Relixón Ilesia Católica
Orde relixosa Orde de Predicadores
Cambiar los datos en Wikidata

José Gafo Muñiz (1881Campumanes - 4  d'ochobre de 1936Madrid) foi un sacerdote dominicu, políticu y sindicalista español.

Biografía[editar | editar la fonte]

Impulsó'l sindicalismu católicu, colos calificativos de Llibre o Profesional. El febreru de 1914 fundó'l Sindicatu de Ferroviarios Llibres de Madrid, cola mesma estructura de los sindicatos católicos pero ensin el distintivu de católicu.

Pel branu de 1923 viaxó a Barcelona y entrevistóse con Ramón Sales, dirixente de los Sindicatos Llibres, impulsando'l procesu d'unión de los Sindicatos Católicu-Llibres del norte d'España colos Llibres de Barcelona, que cuayaría a finales d'añu cola constitución en Pamplona de la Confederación de Sindicatos Llibres d'España. Foi miembru del Conseyu de Trabayu de la dictadura de Primo de Rivera. Quedó retardáu cola proclamación de la Segunda República Española en 1931, y sofitó l'intentu de golpe d'estáu del xeneral José Sanjurjo del 10 d'agostu de 1932.

Nes eleiciones de payares de 1933 foi escoyíu diputáu por Navarra na candidatura del Bloque de Dereches. N'avientu de 1934 roblaba'l manifiestu del Bloque Nacional, inspiráu por José Calvo Sotelo y manifestábase partidariu de l'acción extraparlamentaria, siguiendo la trayeutoria de la estrema derecha tradicionalista.

El 5 d'agostu de 1936 foi deteníu y encarceláu, y el 4 d'ochobre de 1936, foi puestu en llibertá. Sicasí, a la salida de la Cárcel Modelu de Madrid, foi asesináu.

Consideráu mártir pola Ilesia católica, foi beatificado n'ochobre de 2007 pol papa Benitu XVI.

José Gafo