José Francisco Uría y Riego

De Wikipedia
Saltar a navegación Saltar a la gueta
José Francisco Uría y Riego
Vida
Nome completu José Francisco Uría y Riego
Nacimientu Cangas del Narcea16  de febreru de 1819
Nacionalidá Bandera d'España España
Fallecimientu

Alicante24  de marzu de 1862

(43 años)
Estudios
Estudios Universidá d'Uviéu
Llingües castellán
Oficiu
Oficiu políticu
Creencies
Partíu políticu Unión Liberal Traducir
Cambiar los datos en Wikidata

José Francisco Uría y Riego (16  de febreru de 1819Cangas del Narcea - 24  de marzu de 1862Alicante) foi un políticu asturianu.

Biografía[editar | editar la fonte]

Llicenciáu en Filosofía y Xurisprudencia na Universidá d'Uviéu. Yá en Madrid desempeña dellos cargos nel Ministeriu de la Gobernación, y ente xunetu y ochobre de 1856 ocupa la secretaría de Gobiernu d'Uviéu. Foi nomáu Gobernador Civil de Logroño n'agostu de 1856, pero nun puede tomar posesión por motivos de salú y finalmente en payares de 1857 ocupa'l puestu de secretariu de Gobiernu de Madrid. En 1857 entra en política de la mano d'Unión Lliberal y resulta escoyíu diputáu por Cangas de Tinéu. El presidente del Gobiernu, O'Donnell, nómalu direutor xeneral d'Obres Públiques en 1858, siendo ministru de Fomentu Rafael de Bustos y Castilla-Portugal. Dende esti puestu favorez dellos proyeutos d'infraestructures n'Asturies, ente ellos la llinia de ferrocarril ente Payares y Xixón. Tien que dexar el cargu por motivos de salú nel mes d'avientu del mesmu añu.

Collaboró col periódicu El Faro Asturiano y escribió la Memoria sobro l'estáu de les obres públiques n'España al rematar el primer semestre de 1859 (Madrid, 1859). Foi vicesecretariu de la seición d'Arte y Lliteratura del Atenéu Científico y Lliterario de Madrid. Tou ello, mereció la reconocencia de dellos conceyos asturianos (Xixón, Cangas, Ḷḷuarca) que recueyen nel so caleyeru una cai dedicada a la so memoria. N'Uviéu, la principal arteria comercial de la ciudá, la cai Uría lleva'l so nome. Morrió n'Alicante'l 24 de marzu de 1862.

Bibliografía[editar | editar la fonte]

Referencies[editar | editar la fonte]

Enllaces esternos[editar | editar la fonte]