John Maynard Keynes

De Wikipedia
John Maynard Keynes
Miembru de la cámara de los Lords

1942 - 21 abril 1946
Vida
Nacimientu Cambridge[1]5 de xunu de 1883[2]
Nacionalidá Bandera del Reinu Xuníu Reinu Xuníu
Bandera del Reinu Xuníu Reinu Xuníu de Gran Bretaña ya Irlanda  12 abril 1927)
Llingua materna inglés
Muerte Firle (en) Traducir21 d'abril de 1946[2] (62 años)
Causa de la muerte infartu de miocardiu
Familia
Padre John Neville Keynes
Madre Florence Ada Keynes
Casáu con Lidia Lopokova (es) Traducir (1921, 1921 – 1946)[3]
Pareyes Duncan Grant
Alfred Dillwyn Knox
Daniel Macmillan
Lytton Strachey
James Strachey
Arthur Hobhouse
David Garnett
Hermanos/es
Estudios
Estudios Eton College (es) Traducir
Universidá de Cambridge
St Faith's School (en) Traducir
King's College (es) Traducir
(1902 - 1905)
Direutor de tesis William Ernest Johnson
Alfred North Whitehead
Direutor de tesis de D. G. Champernowne
Joan Robinson
Llingües falaes inglés[5]
Alumnu de Alfred Marshall
William Ernest Johnson
Oficiu economista, matemáticu, políticu, filósofu, profesor, diplomáticu, escritor de non ficción, empresariuautor
Emplegadores Universidá de Cambridge
Trabayos destacaos Teoría general del empleo, el interés y el dinero (es) Traducir
Indian Currency and Finance (en) Traducir
Las consecuencias económicas de la paz (es) Traducir
A Treatise on Probability (en) Traducir
A Treatise on Money (en) Traducir
Premios
Nominaciones
Miembru de Real Academia de les Ciencies de Suecia
Academia Británica
Academia de les Artes y les Ciencies d'Estaos Xuníos
Econometric Society (es) Traducir[7]
Movimientu Círculo de Bloomsbury (es) Traducir
Creencies
Partíu políticu Partido Liberal del Reino Unido (es) Traducir
Cambiar los datos en Wikidata

John Maynard Keynes, (5 de xunu de 1883Cambridge – 21 d'abril de 1946Firle (en) Traducir) Barón Keynes de Tilton foi un economista británicu, del que les so idees tuvieren gran impautu nel pensamientu y la política económica a lo llargo del sieglu XX. Ye recordáu especialmente pol so apueste pol intervencionismu gubernamental na economía per aciu d'aiciones fiscales y monetaries p'amenorgar los efeutos de los ciclos económicos. Ta reconocíu como'l padre de la macroeconomía moderna y les sos idees xeneraren la corriente nomada keynesianismu.

Vida y obra[editar | editar la fonte]

John Maynard Keynes foi'l fíu de John Neville Keynes, un profesor d'economia de la Universidá de Cambridge y de Florence Ada Brown, una escritora d'ésitu y reformista social.

Keynes llicencióse en matemátiques nel King's College de Cambridge, y llueu interesóse na economía. Foi conseyeru del gobiernu británicu pente la Primer Guerra Mundial, y la so primer aportación pública como economista ye la publicación, en 1919 (acabante la guerra) de Les consecuencies económiques de la paz. Nesta obra argumentare que les reparaciones de guerra que taba obligao a pagar Alemaña a les naciones vencedores yeren escesives y aportaríen la economía alemana a la ruina. Estes predicciones quedaren fuera de toa dubia cuando la economía alemana fúndese en 1923 pola hiperinflación cuando namás que pagara una pequeña parte de les reparaciones de guerra.

Keynes tamién asoleya Tratáu de Probabilidá en 1920, una notable contribución a los fundamentos filosóficos y matemáticos de la teoria de la probabilidá.

La so obra fundamental, Teoría Xeneral de la Ocupación, l'Interés y el Dineru foi publicada en 1936. Nesta, Keynes espón una teoría basada nel conceutu de Demanda Agregada pa desplicar les variaciones nel nivel d'actividá económica que pudieran observase pente la Gran Depresión. El llibru exhorta una política económica activa por parte de los gobiernos cola fin d'afalar la demanda nos periodos de cris, por exemplu per aciu de la contratación d'obres públiques.

Demientres la Segunda Guerra Mundial, Keynes argumenta en Cómo pagar la guerra que l'esfuerciu d'un conflictu bélicu habría ser sufragáu per aciu d'una medra d'impuestos (frente a la tradicional mena de facelu per aciu de déficit públicu) cola fin d'evitar tendencies inflacionistes.

Keynes tamién escribió ensayos biográficos d'economistes y persones notables, asina como Ensayos de persuasión qu'amuesen dellos intentos de Keynes d'influir nos responsables públicos demientres la Gran Depresión.

Tres de la guerra, Keynes apuesta por un radical sistema monetariu internacional qu'inclúi un bancu central mundial y una unidá monetaria.

El 1942 Keynes algamó'l títulu de Barón Keynes de Tilton.

Keynes, el magu les finances[editar | editar la fonte]

La habilidá de Keynes como inversor ta demostrada polos datos públicos de fondos qu'él alministraba en beneficiu del King's College de Cambridge.

Dende 1928 hasta 1945, pente una caída masiva del Crack de 1929, los fondos alministraos por Keynes medren hasta nun 13,2% añal (l'índiz xeneral del mercáu británicu tenía tases de crecimientu negatives d'un 0,5% añal).

Los principios adoptaos por Keynes a la hora de facer les inversiones puen resumise acordies colo que vien darréu:

1. Una esbilla amañosa d'unes poques inversiones que tengan un preciu relativamente baxo respeutu al so valir intrínsecu a llargo plazu y respeutu al restu d'inversiones alternatives.
2. El caltenimientu d'estes inversiones tantu nos bonos periodos como nos de pérdides, hasta qu'algamen les espectatives o se faiga evidente que la so compra foi un error.
3. Una posición equilibrada de les inversiones. Esto ye, diversificar los riesgos y a ser posible en riesgos opuestos (ex: tener una parte invertida n'oru, yá qu'esti valor compórtase en direiciones opuestes a les fluctuaciones xenerales)


Ver tamién[editar | editar la fonte]

Referencies[editar | editar la fonte]

  1. Afirmao en: Gemeinsame Normdatei. Data de consulta: 10 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Afirmao en: Gemeinsame Normdatei. Data de consulta: 9 abril 2014. Llingua de la obra o nome: alemán. Autor: Biblioteca Nacional d'Alemaña.
  3. «The Stage (revista)» (inglés) páxs. 11 (6 agostu 1921).
  4. 4,0 4,1 Afirmao en: Kindred Britain.
  5. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  6. Afirmao en: Oxford Dictionary of National Biography. Oxford Biography Index Number: 34310. Editorial: Oxford University Press. Llingua de la obra o nome: inglés. Data d'espublización: 2004.
  7. 7,0 7,1 URL de la referencia: https://www.econometricsociety.org/society/organization-and-governance/fellows/memoriam. Data de consulta: 6 abril 2023.
  8. 8,0 8,1 8,2 URL de la referencia: http://www.nobelprize.org/nomination/archive/show_people.php?id=4817.

Enllaces esternos[editar | editar la fonte]