John Ireland (actor)

De Wikipedia
Saltar a navegación Saltar a la gueta
John Ireland (actor)
John Ireland (actor)
John Ireland in Vengeance Valley trailer.jpg
Vida
Nacimientu Vancouver30  de xineru de 1914
Nacionalidá Bandera de Canadá Canadá
Fallecimientu

Santa Bárbara Traducir21  de marzu de 1992

(78 años)
Causa de la muerte Leucemia
Familia
Casáu/ada con Joanne Dru  (1949 -  1957)
Estudios
Llingües Anglès
Oficiu
Oficiu actor, guionista, montador, actor de teatru y actor de cine
Nominaciones
IMDb nm0409869
Cambiar los datos en Wikidata

John Benjamin Ireland (John Benjamin Ireland: Vancouver, Columbia Británica, 30 de xineru de 1914 - Santa Bárbara, California, 21 de marzu de 1992) foi un actor de cine estauxunidense d'orixe canadiense. Ye recordáu como personaxe malváu habitual de películes del oeste, magar el so papeles más recordaos fueron el periodista de All the King's Men, pol que foi candidatu al Premiu Óscar, y el de Criso na película de Stanley Kubrick Espartaco. Una estrella del Paséu de la Fama de Hollywood lleva'l nome de John Ireland.

Trayeutoria[editar | editar la fonte]

Anque Ireland nació en Canadá, llueu se treslladó a vivir a Nueva York; ellí empezó la so carrera d'actor con pequeños papeles en teatros de Broadway. En 1945 debuta nel cine cola película bélica Un paséu sol sol del direutor Lewis Milestone y con Dana Andrews como protagonista. La década de los 40 ye una etapa d'aprendizaxe pa él, magar yá tien papeles importantes que-y faen conocíu ente'l públicu. Títulu importante d'esta dómina ye Pasión de los fuertes de John Ford, y en 1947 protagoniza'l so primer llargumetraxe, Railroaded!, una película de cine negru dirixida por Anthony Mann. Al añu siguiente n'interviniendo en delles películes protagoniza Open secret de John Reinhardt, anque la cinta más importante na que trabaya ye Ríu Coloráu de Howard Hawks, onde se xacia con actores de la categoría de John Wayne o Montgomery Clift; amás conoz a Joanne Dru, la bella actriz que se convertiría na so esposa. Nesi mesmu 1948, trabaya na superproducción Juana d'Arcu de Victor Fleming, con Ingrid Bergman y José Ferrer como protagonistes.

Ireland siguió protagonizando películes, pero les sos meyores interpretaciones y les más recordaes son papeles secundarios. En 1949 El políticu, película empobinada por Robert Rossen, ganó l'Óscar a la meyor película, y nella Ireland volvía trabayar cola so esposa. Otros papeles sos recordaos d'esta dómina son papeles de malvaos en westerns tales como El valle de la vengación de Richard Thorpe, Los Doolins de Oklahoma, o Little Big Horn. En 1957 trabaya en Duelu de Titanes de John Sturges dando vida a Johnny Ringo que daba'l retruque a un Doc Holliday interpretáu por Kirk Douglas.

Dende mediaos de los cincuenta John Ireland va partir el so trabayu ente'l cine y la televisión. Asina va apaecer en munches series d'ésitu como Gunsmoke, Alfred Hitchkock presenta, Misión Imposible, El planeta de los simios, Santa Bárbara, ente otres munches.

Amás nos sesenta emigró a Europa pa participar en coproduciones italianes y españoles, especialmente del xéneru Spaguetti western. De la so etapa madura, los sos dos interpretaciones más recordaes son como Criso en Espartaco de Stanley Kubrick y como el sarxentu Harry de 55 díes en Pequín de Nicholas Ray, dambes rodaes n'España. Participó tamién na superproducción La cayida del Imperiu Romanu, al pie de estrelles como Sophia Loren y James Mason. Yá nos años 70 participó en Oxetivu: matar, película del xéneru thriller con Lee Van Cleef y l'española Carmen Cervera, depués famosa como coleccionista d'arte.

Ireland siguió trabayando hasta 1992, en que finó por causa de una leucemia. El so últimu papel sería de rey Arturo en Waxwork II: Perdíu nel tiempu de Anthony Hickox.

Enllaces esternos[editar | editar la fonte]