John C. Reilly

De Wikipedia
Saltar a navegación Saltar a la gueta
John C. Reilly
John C. Reilly
JohnCReillyJune09.jpg
Vida
Nacimientu

Chicago24 de mayu de 1965

(53 años)
Nacionalidá Bandera de Estaos Xuníos d'América Estaos Xuníos d'América
Estudios
Estudios Universidad DePaul
Oficiu
Oficiu actor de televisión, actor de cine, cantante, productor de cine, actor de voz, guionista, actor de xéneru y actor de teatru
Nominaciones
IMDb nm0000604
Cambiar los datos en Wikidata

John Christopher Reilly (24 de mayu de 1965Chicago) conocíu polos sos trabayos en películes como Chicago, Gangs of New York y Magnolia. Debutando en Corazones de fierro en 1989, ye unu de los tantos actores que la so carrera foi catapultada por Brian De Palma. Hasta la fecha trabayó en más de cincuenta películes, incluyendo tres películes de 2002, caúna nomada al Óscar como meyor película. Foi nomáu al Óscar como meyor actor de repartu pol so papel en Chicago y al premiu Grammy pol cantar "Walk Hard", qu'él escribió y grabó pa la película Walk Hard: The Dewey Cox Story.

Primeros años[editar | editar la fonte]

John Christopher Reilly, el quintu de seis hermanos, nació en Chicago, Illinois, el so padre, irlandés estauxunidense, yera dueñu d'una compañía provisora de tela de llinu, y la so madre yera proveniente de Lituania.[1][2][3] Se crio nuna relixón católica,[4] y graduóse na Brother Rice High School de Chicago. Reilly tuvo severes infracciones pola so problemática mocedá. Pa ocupar meyor el so tiempu, terminó interesándose y arreyando col teatru, tantu que s'inscribió na Goodman School of Drama de la Universidá DePaul, una importante universidá teatral.

Casóse en 1992 con Alison Dickey, a quien conoció nel set de filmación de Corazones de fierro. Tienen dos fíos.

Carrera nel cine[editar | editar la fonte]

Reilly (2007)

Reilly fixo'l so debú nel cine en Corazones de fierro (1989) de Brian De Palma, faciendo'l papel d'Herbert Hatcher. Anque'l papel de Hatcher yera nun principiu bien curtiu, a De Palma gustó-y tantu'l rendimientu amosáu por Reilly y terminó dándo-y más minutos al personaxe. Otru de los sos papeles notables mientres los años 1990 foi'l de Boogie Nights de Paul Thomas Anderson (1997), onde interpretó a la estrella de cine porno Reed Rothchild.

Nel añu 2002, el so perfil como actor creció significativamente cuando apaeció en trés de les películes nomaes a los Premiu Óscar como meyor película d'esi añu: el musical Chicago, Peaes de Nueva York y Les hores. Ente los trés películes sumaron 32 nominaciones al Óscar, y Reilly recibió una nominación como Meyor actor de repartu por Chicago, onde interpreta al maríu de Renée Zellweger.

Ente los sos más memorables roles atopen la biopic L'aviador (2004) de Martin Scorsese, onde interpreta al compañeru de Howard Hughes, Noah Dietrich. Trabayó en Talladega Nights: The Ballad of Ricky Bobby (2006) de Adam McKay, onde interpreta al meyor amigu del protagonista. Tamién formó parte de la repartu de A Prairie Home Companion (2006) de Robert Altman, xuntu a Tommy Lee Jones y Woody Harrelson. En 2007 Reilly protagonizó Walk Hard: The Dewey Cox Story, una parodia onde canta dellos cantares de Johnny Cash y Ray Charles ente otros. Tamién doblo la voz de ralph en " Ralph El Demoledor" xuntu con Sarah Silverman, ente otros.

Dende'l so debú, Reilly trabayó costantemente en películes, apaeciendo n'alredor de cuarenta en 20 años, polo xeneral, faciendo personaxes secundarios.

Música[editar | editar la fonte]

Reilly grabó dos canciones pal compilado Rogue's Gallery: Pirate Ballads, Sea Songs, and Chanteys (2006): "Fathom the Bowl" y "My Son John".[5]

En 2007 protagonizó la parodia biográfica Walk Hard: The Dewey Cox Story. Amás del so rol como actor, tamién trabayó como cantante y escritor pal soundtrack de la película, pol cual foi nomáu al premiu Grammy.[6] Amás foi de xira per Estaos Xuníos interpretando'l personaxe, Dewey Cox, nel Dewey Cox in the Cox Across America 2007 Tour.[7]

Filmografía[editar | editar la fonte]

Premios[editar | editar la fonte]

Óscar[editar | editar la fonte]

Añu Categoría Película Resultancia
2002 Meyor actor de repartu Chicago Nomáu

Globu d'Oru[editar | editar la fonte]

Añu Categoría Película Resultancia
2008 Meyor actor - Comedia o musical Walk Hard Nomáu
2008 Meyor cantar orixinal Walk Hard Nomáu
2002 Meyor actor de repartu Chicago Nomáu

Premios del Sindicatu d'Actores[editar | editar la fonte]

Añu Categoría Película Resultancia
2004 Meyor repartu L'aviador Candidatu
2002 Meyor repartu Chicago Ganador
2002 Meyor repartu Les hores Candidatu
1999 Meyor repartu Magnolia Candidatu
1997 Meyor repartu Boogie Nights Candidatu

Referencies[editar | editar la fonte]

Enllaces esternos[editar | editar la fonte]