John Barry

De Wikipedia
Saltar a: navegación, buscar
John Barry
Datos xenerales
Nacimientu 3 de payares de 1933
Muerte 30 de xineru de 2011 (77 años)
Ocupación Compositor, direutor d'orquesta
Información artística
Otros nomes John Barry
Xéneru(os) Sinfonico - Jazz
Artistes rellacionaos Don Black, Nic Raine, John Scott y David Arnold
[editar datos en Wikidata]

John Barry OBE (York, Yorkshire, 3 de payares de 1933 - Oyster Bay, Nueva York, 30 de xineru de 2011) foi un compositor británicu de música de cine y ganador de cinco Óscars.

Biografía[editar | editar la fonte]

Nació en York, Yorkshire, Gran Bretaña el 3 de payares de 1933. El so nome completu yera John Barry Prendergast, y yera fíu de padre irlandés y madre inglesa. La so madre yera pianista clásica y el so padre, natural de Cork y que fuera proyeccionista de cine mudu, foi dempués propietariu de dellos cines pel norte d'Inglaterra. Por cuenta de ello, el mozu John creció influyíu poles películes que vía, como declararía dempués. Asistió al St Peter's School en York y tamién recibió clases de composición de Francis Jackson, organista de la catedral de York.

El jazz influyó nes sos primeres composiciones y refléxase perfectamente tamién na música interpretada pol so primer grupu, The John Barry Seven.

La familia de Barry tuvo arreyada nel negociu del cine, pero foi mientres el so Serviciu Nacional nel exércitu británicu qu'empezó a desempeñase como músicu (tocando la trompeta), dempués de tomar un cursu per correspondencia (col compositor de jazz, Bill Russo) y trabayar como arreglista pa delles de les bandes musicales d'aquel entós, cuando formó'l so propiu grupu, The John Barry Seven, foi ende onde conoció al compositor Adam Faith, y con ellos compunxo cantares y pieces pa delles películes.

Estos llogros captarón l'atención de los productores de la película Dr. No, Albert R. Broccoli y Harry Saltzman quien amosaben un disgustu pola partitura escrita pol compositor Monty Norman, polo que despidieron a Norman y encamentaron a Barry a componer el restu de la partitura de la cinta, amás d'iguar y fae-y cambeos importantes al tema principal, lo que resultaría na creación del tema de James Bond.

Ye de normal conocíu por tener un estilu que se basa nel estensivu usu de los preseos de vientu y metal y nes cuerdes exótiques, al par de ser un músicu innovador, siendo de los primeros n'utilizar sintetizadores nuna partitura pal cine (On Her Majesty's Secret Service).

La orquestación de Barry combina la sección de les trompetes cola de les cuerdes creando un soníu fácilmente reconocible. La so música, de normal, realza la respuesta del públicu escontra una película como más notablemente puede vese en Midnight Cowboy, Out of Africa, y Dances with Wolves.

Non solo compunxo música pal cine, yá que la so collaboración cola televisión foi enorme, tanto en películes de cine como en series televisives. Una d'estes ye'l tema que creó pa la serie de televisión The Persuaders na que'l cantar se caracterizó pol usu del sintetizador Moog.

So ye tamién la música pa dellos musicales, ente los que s'atopa l'esitosu West End, The Little Prince and The Aviator y Lolita, My Love, toos ellos teniendo a Alan Jay Lerner como lletrista.

Mientres 2006 foi'l productor executivu del discu Here's to the Heroes del grupu australianu The Ten Tenors. L'álbum presenta dellos cantares escritos en collaboración col so lletrista habitual y amigu Don Black.

John Barry foi incluyíu en 1998 nel Songwriters Hall of Fame.

De siete candidatures a los Óscar, ganó cinco estatuilles: Born Free (1966), pola que ganó'l premiu nes categoríes de Meyor banda sonora y Meyor cantar; The Lion in Winter (1968); Out of Africa (1985) y Dances with Wolves (1990).

John Barry morrió d'un ataque al corazón el 30 de xineru de 2011, a la edá de setenta y ocho años.

Familia[editar | editar la fonte]

John Barry vivió na so natal Inglaterra hasta la década de 1970. Pasó un tiempu n'España por cuestiones d'impuestos, pero finalmente establecióse n'Estaos Xuníos, n'Oyster Bay, pela rodiada de Nueva York.

Sufrió en 1988 una rotura nel esófagu que-y dexó espuestu a una neumonía y alloñó-y momentáneamente de la composición. Volvió los años siguientes col ésitu avezáu ganando nuevamente un Óscar (1990) cola banda sonora pa Dances with Wolves interpretada por Kevin Costner y col tema pa Chaplin que foi nomáu (1992) pa la estatuína. Declaró años dempués que les películes de los últimos tiempos nun merecíen la so música y, poro, dexó de componer nueves bandes sonores.

Casóse cuatro veces, los sos trés primeros matrimonios terminaron en divorciu, Barbara Pickard (1969 - 71), Jane Birkin (1965- 68). Contraxo matrimoniu cola so última esposa, Laurie Barry, el 3 de xineru de 1978.

Tuvo tres fíos, pertenecientes al so primeru, segundu y cuartu matrimoniu, respectivamente.

Na ceremonia de clausura de los Xuegos Olímpicos de Londres 2012 na que se reconocieron con imáxenes y soníu a grandes músicos populares británicos, como Los Beatles, Bee Gees, Queen, etc, dieron a John Barry el momentu más importante del eventu, nel qu'al apagase la llapada olímpica se fixo col fondu musical d'una de les sos más recordaes obres, el cantar de la película Dances with Wolves.

James Bond[editar | editar la fonte]

Identifícase-y por ser el músicu qu'acompañaba les películes de James Bond, anque nes últimes películes de la serie David Arnold encargóse d'escribir la música del 007 por encamientu del mesmu Barry.

Dempués del ésitu de Dr. No, Barry volvería pa componer la música d'once de les siguientes catorce películes de James Bond. Mientres la so estancia na serie Barry dio-y a la mesma un soníu bien característicu basáu n'arreglos jazzísticos, l'usu de los preseos de vientu-metal nes escenes d'acción y un ciertu toque de sensualidá, siendo la película Goldfinger la primera de la serie na que fai apaición el llamáu "soníu Bond".

Pa From Russia with Love creó un tema-insinia pa Bond, alternativu al famosu tema de James Bond llamáu "007" y que repitiría en Thunderball, You Only Live Twice, Diamonds Are Forever y Moonraker.

Paralelamenta a la so maduración como compositor, na música de les películes de 007 concentróse más nes melodíes exótiques y nel aspeutu sinfónicu dexando un pocu de llau l'usu de los metales, como puede vese nes bandes sonores de Moonraker y Octopussy. iama

Filmografía (non completa)[editar | editar la fonte]

- The L-Shaped Room

  • 1964 - Séance on a Wet Afternoon *1964

- Zulu

  • 1964 - Man in the Middle
  • 1964 - The Knack... and How to Get It *1965

- The Ipcress File

- Four in the Morning *1965 - King Rat

- The Wrong Box

- Born Free (Óscar a la meyor Banda Sonora Orixinal y al Meyor cantar)

- Midnight Cowboy

- The Last Valley

- A Doll's House

  • 1972 - Alice's Adventures in Wonderland
  • 1973 - The Glass Menagerie
  • 1973 - Love Among the Ruins
  • 1974 - The Dove *1974

- The Tamarind Seed *1974 - The Day of the Locust *1976 - Robin and Marian

- The Betsy

- Game of Death *1978 - Starcrash

- Hanover Street

- Raise the Titanic

- Somewhere in Time

  • 1981 - The Legend of the Lone Ranger *1981

- Body Heat *1981 - Bells

- High Road to China *1984 - Mike's Murder

  • 1984 - The Cotton Club
  • 1984 - Until September
  • 1985 - Jagged Edge
  • 1985 - Out of Africa (Óscar a la meyor Banda Sonora Orixinal)
  • 1986 - Peggy Sue Got Married *1986

- A Killing Affair *1986 - The Golden Child *1986 - Howard the Duck *1987 - Hearts of Fire *1987 - Masquerade *1990 - Dances with Wolves (Óscar a la meyor Banda Sonora Orixinal)

- My Life *1994 - The Specialist *1995 - The Scarlet Letter *1997 - Swept from the Sea

  • 1998 - Mercury Rising
  • 1999 - Playing by Heart
  • 2001 - Enigma

Temes pa Televisión[editar | editar la fonte]

Otros Trabayos[editar | editar la fonte]

Premios[editar | editar la fonte]

Óscar[editar | editar la fonte]

Añu Categoría Película Resultancia
1992 Meyor Banda Sonora Chaplin Candidatu
1990 Meyor Banda Sonora Dances with Wolves Ganador
1985 Meyor Banda Sonora Out of Africa Ganador
1971 Meyor Banda Sonora - Drama Mary, Queen of Scots Candidatu
1968 Meyor Banda Sonora - Non musical The Lion in Winter Ganador
1966 Meyor Cantar Born Free Ganador
1966 Meyor Banda Sonora Born Free Ganador

Globu d'Oru[editar | editar la fonte]

Añu Categoría Película Resultancia
1992 Meyor Banda Sonora Chaplin Candidatu
1990 Meyor Banda Sonora Dances with Wolves Candidatu
1985 Meyor Banda Sonora Out of Africa Ganador
1985 Meyor Cantar A View to a Kill Candidatu
1980 Meyor Banda Sonora Somewhere in Time Candidatu
1977 Meyor Cantar The Deep Candidatu
1974 Meyor Cantar The Dove Candidatu
1971 Meyor Banda Sonora Mary, Queen of Scots Candidatu
1969 Meyor Banda Sonora The Lion in Winter Candidatu
1966 Meyor Cantar Born Free Candidatu

Enllaces esternos[editar | editar la fonte]


John Barry