Johannesburgu

De Wikipedia
Saltar a: navegación, buscar
Johannesburg
Bandera de Johannesburg Escudu de Johannesburg
(En detalle) (En detalle)
Mancomunidá
Provincia
Comunidá Autónoma
Estáu Bandera de Sudáfrica Sudáfrica
Coordenaes 28°03′01″E
Población
 -Habitantes
 -Densidá
(2011)
957 441
2,900.0 hab/km2
Superficie
 -Total
 
334.81 km2
Mayor altitú 1,75 m
Códigu postal 2001
Prefixu telefónicu (27)+011
Alcalde Parks Mpho Tau (ANC)
www.joburg.org.za
Johannesburgu.

Johannesburgu (en afrikáans ya inglés: Johannesburg, en zulú: Igoli, 'llugar d'oru') ye la ciudá más grande y poblada de Sudáfrica. Ye la capital de la provincia de Gauteng, la más rica de dichu país y la cuarta economía más grande del África subsahariana. Coloquialmente los sudafricanos llámenlu Joburg, Jozi, o JHB.[1] Asina mesmu ye considerada'l principal centru económicu y financieru del país.

Esta ciudá ye una de les 40 árees metropolitanes más grandes del mundu y una de les úniques trés d'África oficialmente denomaes "ciudá global" (clasificada como una ciudá de clase mundial); les otres dos son El Cairu y Ciudá del Cabu.[2][3]

Equivocadamente, tracamúndiase Johannesburgu cola capital de Sudáfrica (esti país tien tres ciudaes capitales oficiales, de les que Johannesburgu nun forma parte). Sicasí, ellí allúgase la Corte Constitucional, la corte de mayor rangu de too Sudáfrica.

En Johannesburgu esiste comerciu a gran escala d'oru y diamantes, por cuenta del so allugamientu privilexáu na área de les llombes de Witwatersrand bien riques en minerales.

Johannesburgu recibi visitantes per mediu del Aeropuertu Internacional O.R. Tambo, el más grande y con mayor circulación n'África y puerta aérea al restu del sur d'África.

Ye una de les poques grandes ciudaes del mundu que nin tán na mariña, nin tienen un ríu importante o canal que la comunique col mar. Los cambeos nes fronteres municipales llevaes al efeutu nel añu 2000, fixeron que la población algamara los 3 millones (5.61 millones en 2013).

La población de la área metropolitana (qu'inclúi los otros conceyos del Gauteng sacante Pretoria) envalórase anguaño nunos 9 millones d'habitantes.

Eso conviértela na tercer ciudá más poblada d'África tres El Cairu y Lagos.

Johannesburgu ye una ciudá con un contraste bien fuerte ente la minoría de blanca (17%) que vive con parámetros de país desenvueltu y una población de negra (73%) con unos niveles de vida tercermundistes.

La ciudá se topa na llinia divisoria d'agües ente los océanos Atlánticu y Índicu.

Referencies[editar | editar la fonte]

  1. FIFA. «Johannesburgu» (español). Archiváu dende l'orixinal, el 26 de payares de 2015. Consultáu'l 27 de xunu de 2010.
  2. Principal Agglomerations of the World
  3. GaWC Research Bulletin 5, GaWC, Loughborough University, 28 de xunetu de 1999