Joe Strummer

De Wikipedia
Saltar a: navegación, buscar
Joe Strummer
Datos xenerales
Nome real John Graham Mellor
Nacimientu 21 d'agosto 1952
Orixe Ankara, Turquía
Muerte 22 d'aviento 2002
Ocupación Músicu
Información artística
Xéneru(os) Punk, Rock and roll, Reggae
Instrumentu(os) Voz, Guitarra, Piano
Periodu d'actividá (1974) - (2002)
Discográfica(es) Columbia Records, CBS Records, Sony Records, Hellcat Records
Artistes rellacionaos The 101'ers, The Clash, The Latino Rockabilly War, The Pogues, The Mescaleros
[editar datos en Wikidata]

John Graham Mellor (Ankara, 21 d'agostu de 1952Somerset, 22 d'avientu de 2002 ) más conocíu por Joe Strummer, foi un músicu británicu, nacíu en Turquía y conocíu por ser el co-fundador, compositor, cantante y guitarrista de la banda punk británica The Clash, y más tarde de The Mescaleros.

Biografía[editar | editar la fonte]

Infancia y mocedá: 1952-1976[editar | editar la fonte]

Joe Strummer nació coel nome de John Mellor n'Ankara, Turquía el 21 d'agosto de 1952. La so madre, Escocia, yera enfermera; el so padre, nacíu en Lucknow, India, yera diplomáticu del servicio consular. La familia viaxaba davezu, polo que Strummer vivió la so infancia en dellos países distintos. A los nueve años d'edá, xunto col so hermanu David de diez, entamaron a dir a la escuela City of London Freemen's School de Surrey. Durante esos años, vio a a los sos padres en poques ocasiones. De mozu, interesóse pola música, n'especial pol rock, escuchando a The Beatles, The Beach Boys y al cantante folck estaunidense Woody Guthrie, n'honor al que más tarde escoyería como alcuñu Woody Mellor. Zurdu de nacencia, deprendió a tocar la guitarra cola mano derecha. El suicidiu del so hermanu David cambió de forma importante la so manera de ver la vida Al terminar la escuela, tresladóse a Llondres pa estudiar na escuela d'Arte, Arquitectura y Diseñu de la ciudá, ya que tenía la intención de convertise en caricaturista. Durante estos años compartió pisu nel barriu de Palmers Green con Tymon Dogg, qu'años depués colaboraría con él nos sos proyectos musicales.

En 1973, Strummer tresladóse a vidir a Newport, Gales p'asistir al Newport College of Art, pero abandonó estos estudios bien lluéu. Durante la so estancia ellí, formó xunto a unos amigos la banda The Vultures, onde tenía'l rol de cantante y segundu guitarrista. A tiempu trabayaba como sepultureru. En 1974 la banda separóse y Strummer volvió a Llondres, onde se realcontró con Tymon Dogg y entamaron a actuar como músicos na cai hasta que, xunto a los sos compañeros de pisu, formaron la banda The 101'ers, nomada asina pola dirección onde vivíen (Walterton Road 101, en Maida Hill). El grupu comenzó a tocar versiones de cantares populares de blues americanos en distintos pubs de Llondres. En 1975 Mellors cambió d'alcuñu pal de "Joe Strummer". El nome "Strummer" ("esgatuñador" n'inglés) tal paez que tien rellación col so papel como guitarrista rítmicu d'una manera despectiva. Strummer escribió los temes orixinales pa The 101'ers, siendo'l primeru un inspiráu na so moza nesi momentu, la baterista española del grupu The Slits Palmolive. Al restu de los miembros prestó-yos el cantar, titulada "Keys to Your Heart", y escoyéronla pal so primer single.

The Clash: 1976-1986[editar | editar la fonte]

El 3 d'abril de 1976, la por entonces desconocida banda Sex Pistols tocó nun espectáculu llondinense xunto con dellos grupos, ente los que s'alcontraba The 101'ers. Poco depués de la presentación, el baxista, Paul Simonon, y el guitarrista, Mick Jones, del grupu London SS acercáronse a Strummer cola intención d'incorporalu como cantante a una nueva banda. En palabres textuales, dixéron-y "Yes bonu, pero'l to grupu ye puxarra". Strummer unióse al poco a la banda que formaben Jones a la guitarra, Paul Simonon al baxu, Keith Levene como segunda guitarra y Terry Chimes a la batería. El nuevu grupu llamóse The Clash, nome idea de Simonon, y fizo la so presentación el 4 de xuneto de 1976, teloniando a los Sex Pistols en The Black Swan, güei conocíu como The Boardwalk, en Sheffield. El 25 de xinero de 1977 la banda firmó contratu con CBS Records, a pesar que Levene y Chimes abandonaren el grupu. Poco depués, Topper Headon diba convertise nel nuevu batería, completando asia la formación clásica del grupu.

The Clash foi la banda musicalmente más diversa de los primeros años del punk y a la más politizada de toes. Los sos cantares, escrites dabezu por Mick Jones y el propiu Strummer, trataban temes como la decadencia social, el desemplegu, el racismu, la brutalidá policial, la represión política y social, el militarismu y, en dalgunos casos particulares, el sexo. Strummer taba venceyáu a les campañes de la lliga Anti-nazi y del "Rock Contra'l Racismu". La importancia a nivel musical de The Clash queda plasmao na escoyeta del so álbum London Calling como'l meyor discu de los años '80 pola revista Rolling Stones (asoleyóse n'aviento de 1979 n'Europa, y a principios de 1980 nos EEUU), y na influencia qu'exerció'l grupu nun gran númberu de bandes de rock o otros xéneros como'l reggae, el ska y el hip-hop (por poner un exemplu d'esti últimu estilo, Public Enemy o Green day citen a The Clash como una influencia mui importante na so música).

En setiembre de 1983, depués de varios conflictos internos nel grupu, Strummer emitió'l tristemente conocíu "Clash Communique", nel que daba anuncia de la expulsión de Mick Jones. Poco anantes, Topper Headon tamién dexare'l grupu pola so adicción heroína. A pesar de los problemes, la banda incorporó nuevos miembros y continuó gracies a la insistencia de Strummer. En 1985 editaron l'álbum Cut the Crap, pero depués de les males crítiques y el repudiu de los seguidores, Joe Strummer dio por finalizada la existencia de The Clash en 1986.

La mio relación colos mozos yera bastante bona, sobre too con Paul, yera (ye) un mozu mui agradable y xenial, considérolu un amigu. De mozu, nel 77 más o menos, de xemes en cuando diba hasta so casa y atopábalu pintando, practicando col baxu o lliendo dalgún cuentu de Sherlock Holmes. Prestába-y enforma Sherlock Holmes.

La so vida depués de The Clash: 1986-2002[editar | editar la fonte]

Los años salvaxes: 1986-1999[editar | editar la fonte]

Un añu más tarde Strummer compuso dellos cantares pa la película Sid and Nancy, incluyendo "Love Kills" y "Dum Dum Club". Poco depués trabayó con Mick Jones nel so nuevu proyectu, Big Audio Dynamite, componiendo xunto con él la mayor parte de los temes del segundu álbum de la banda. En 1987 actuó nes películes Walker y Straight to Hell, dirixíes por Alex Cox, y compuso la banda sonora pa la primera. En 1989 colaboró na película de Jim Jarmusch Mystery Train faciendo'l papel secundariu d'un hombre borrachu de nome Elvis. Amás d'ello, participó como actor secundariu na película d'Aki Kaurismäki I Hired a Contract Killer de 1990, dando vida a un guitarrista que canta dos cantares nun pub. Durante estos años continuó venceyáu a la industria cinematográfico, componiendo y produciendo una gran númberu de cantares pa bandes sonores, ente las que destaca la perteneciente a la película Grosse Pointe Blank.

En 1989 Strummer comenzó a grabar cola banda The Latino Rockabilly War. Sin embargo, l'álbum Earthquake Weather foi un desastre comercial polo que perdieron el so contratu con Epic Records. En 1991 reemplazó brevemente a Shane MacGowan como cantante de The Pogues para una xira de la banda. Al tiempu fexo la producción del álbum Hell's Ditch de la banda. El 16 d'abril de 1994 Strummer tocó parte del repertoriu de The Clash cola banda checo-americana Dirty Pictures, nun espectáculu a beneficiu de los refuxados yugoslavos, "Rock for Refugees". Más tarde, entamó a facer colaboraciones con otres bandes como The Levellers, onde tocó'l piano nos temes "Just the One" y Black Grape, asoleyaos nel mini-lp "England's Irie" de 1996. En 1997 trabayó colos productores y inxenieros musicales Lee Perry y Marty Munsch en Nueva York pa remezclar en versiones dub munchos de los temes de The Clash y The 101'ers.

Durante estos años, Strummer mantuvo una disputa con Sony BMG Music Entertainment, la discográfica de The Clash, hasta que-y permitió publicar los sos trabayos solistes o con otras bandes notres discográfiques cola promesa de que, nel casu de volver xuntase, The Clash volvería con Sony. D'otra banda, dedicóse a ser llocutor de radio nun programa de media hora de duración emitíu pola BBC World Service y llamáu "London Calling".

The Mescaleros: 1999-2002[editar | editar la fonte]

A finales de los 90 Strummer reunió a un grupu de músicos destacaos pa facer una nueva banda a la que llamó The Mescaleros. El grupu firmó con Mercury Records y asoleyó'l so primer álbum, Rock Art and the X-Ray Style, en 1999. Col obxetu de promocionalu comenzaron una xira pol Reinu Xuníu y los Estaos Unios, onde tamién tocaron en dalgunes ocasiones temes clásicos de The Clash. En 2001 la banda firmó un contratu cola discográfica punk de California Hellcat Records y publicó un segundu álbum d'estudiu, Global A Go-Go. Una vuelta más, iniciaron una xira británico-americana na qu'incluyeron nel so repertoriu temes de The Clash como "London Calling", "Rudie Can't Fail" y "(White Man) In Hammersmith Palais", versiones de clásicos del reggae y el ska y el tema "Blitzkrieg Bop" de The Ramones, col qu'avezaben zarrar los sos conciertos n'homenaxe al recientemente fallecíu Joey Ramone.

El 5 de payares del 2002, Strummer y The Mescaleros tocaron nun recital a beneficiu de los bomberos voluntarios de Llondres. Mick Jones, que taba ente los espectadores, unióse a la banda cuando ésta tocaba "Bankrobber" de The Clash y cantó y tocó la guitarra nos temes "White Riot" y "London's Burning". D'esta manera, Strummer y Jones volvieron a tocar xuntos por última vez depués de diecinueve años. Jones remarcó más tarde que la situación nun fuere premeditada y que solo obedeciere a un impulsu.

L'último conciertu de Strummer foi na Academia de Lliverpool el 22 de payares del 2002. Poco enantes del so fallecimientu, compuxere xunto con Bono (miembru d'U2) el cantar "46664", a favor de la campaña contra'l sida n'África iniciada por Nelson Mandela. Strummer incluso se comprometiere a tocar nun conciertu en Robben Island en febrero del 2003 p'apoyar esa campaña.

Muerte y llegáu[editar | editar la fonte]

Strummer morrió'l 22 d'aviento del 2002 na so casa de Broomfield en Somerset, por mor d'un fallu cardiacu conxénitu que nun se-y diagnosticara. La so inesperada muerte a los cincuenta años d'edá foi un duru güelpe pal ampliu númberu de fans a los que la so figura inspirara.

Nel momentu del so fallecimientu Strummer taba trabayando nun nuevu álbum con The Mescaleros, que s'editó de manera póstuma n'otubre del 2003 col títulu Streetcore. Ente los temes había un tributu a Johnny Cash ("Long Shadow"), una cantar recordando los atentaos del 11 de setiembre del 2001 y la versión del clásico "Redemption Song" de Bob Marley, esta última grabada a dúo con Cash. Desgraciadamente Strummer nun tuvo la oportunidá de completar les partes vocales d'una gran parte de los temes, incluyendo "Dakar Meantime", qu'interpretó en vivo dalgunes veces.

Nos premios Grammy de febrero del 2003, "London Calling" foi interpretada por Elvis Costello, Bruce Springsteen, Steven van Zandt, Dave Grohl, Pete Thomas y Tony Kanal como tributu a Strummer. Pa marzo d'esi mesmu añu, The Clash foi incluida nel Salón de la Fama del Rock.

Nel 2006 emitióse un documental de Dick Rude tituláu Let's Rock Again! nel que se cuenten anécdotes de la xira de The Mescaleros nel so álbum Global a Go-Go. Esi mesmu añu la banda de Nueva Orleans Cowboy Mouth editó un cantar llamáu "Joe Strummer" pal so álbum Voodoo Shoppe, na que se cuenta la historia d'un home que dexa a la moza porque ella "nun sabe quién foi Joe Strummer". Esti cantar tuvo un relativu éxitu rediofónicu nos Estaos Uníos durante un tiempu.

Amás de la so música, Strummer colaboró na creación de Future Forests (más tarde The Carbon Neutral Company) que ye una organización dedicada a la plantación d'árboles alrededor del mundiu col obxetu de combatir el calecimientu global.

Matrimonios[editar | editar la fonte]

A comienzos de los '70, Strummer, a cambio de cien llibres, casó cola sudafricana Pamela Moolman pa qu'ésta obtuviera la ciudadanía británica. Ente los años 1979 y 1993 mantuvo una relación con Diana McGuigan, con quien tuvo dos fies, pero nunca se casaron. En 1995 casó con Lucinda Tait, relación que duró hasta la muerte del músicu.

Discografía[editar | editar la fonte]

The Clash[editar | editar la fonte]

ver Discografía de The Clash.

Con The 101'ers[editar | editar la fonte]

Añu Álbum Información adicional
1981 Elgin Avenue Breakdown Álbum compilatoriu con material grabao ente 1974 y 1976.

En solitario[editar | editar la fonte]

Añu Álbum Información adicional
1987 Walker Banda sonora de la película Walker.
1987 Straight to Hell Original Soundtrack Banda sonora de la película Straight to Hell.
1993 When Pigs Fly Soundtrack Pista inédita pa la película When Pigs Fly.
1998 Chef Aid: The South Park Album Incluye "It's A Rockin' World", interpretada por Strummer, Flea, Nick Hexum, Tom Morello, DJ Bonebrake y Benmont Tench.
2003 Unearthed (artista convidáu) Inluye "Redemption Song" interpretada a dúo con Johnny Cash.
2004 Black Magic (artista convidáu) Incluye "Over the Border" interpretada a dúo con Jimmy Cliff.

Con The Latino Rockabilly War[editar | editar la fonte]

Añu Álbum Información adicional
1988 Permanent Record Original Soundtrack Incluye un cantar de la banda.
1989 Earthquake Weather Únicu álbum de The Latino Rockabilly War.

Con The Mescaleros[editar | editar la fonte]

Añu Álbum Información adicional
1999 Rock Art and the X-Ray Style Primer álbum de The Mescaleros.
2001 Global A Go-Go #23 nel Top Alternativu del Billboard.
2003 Streetcore Últimu discu de Strummer, publicación póstuma.

Na ficción[editar | editar la fonte]

Ver tamién[editar | editar la fonte]

Referencies[editar | editar la fonte]

  • Gilbert, Pat. Passion is a Fashion: The Real Story of The Clash, 2004. DA CAPO Press. ISBN 0-306-81434-X (pbk.)
  • Gray, Marcus. Last Gang in Town: The Story and Myth of The Clash, Henry Holt and Co., 1995.
  • Yewdall, John Leonard. Joe Strummer with the 101'ers and the Clash, 1974-1976, 1992. Image Direct. ISBN 0-9519216-0-6
  • CNN: "Clash Star Joe Strummer dies"
  • Matula, Theodore. "Joe Strummer, 1952-2002." Popular Music and Society. dic. 2003. Vol. 26, Iss. 4; p. 523-525.

Enllaces esternos[editar | editar la fonte]