Joan Cusack

De Wikipedia
Saltar a navegación Saltar a la gueta
Joan Cusack
Joan Cusack
Joan Cusack June 2010 cropped.jpg
Vida
Nacimientu

Nueva York11 d'ochobre de 1962

(55 años)
Nacionalidá Bandera de Estaos Xuníos d'América Estaos Xuníos
Familia
Padre Dick Cusack
Hermanos/es
Estudios
Estudios Universidad de Wisconsin-Madison
Oficiu
Oficiu Comediante, actor de cine, guionista, actor de televisión y actor de voz
Premios
Nominaciones
IMDb nm0000349
Cambiar los datos en Wikidata

Joan Mary Cusack (n. Nueva York, Estaos Xuníos; 11 d'ochobre de 1962) ye una actriz estauxunidense de cine y televisión. Foi candidata a los Premiu Óscar y a los Globu d'Oru. Ye conocida poles sos intervenciones en películes como Working Girl (1988), Addams Family Values (1993), Nueve meses (1995), In & Out (1997), Runaway Bride (1999) y Alta fidelidá y por poner la so voz a la vaquera Jessie nes versiones orixinales de les cintes animaes Toy Story 2 (1999) y Toy Story 3 (2010). Ye hermana del tamién actor John Cusack.

Biografía[editar | editar la fonte]

Joan Cusack nació'l 11 d'ochobre de 1962 en Nueva York (Estaos Xuníos) y creció en Evanston. El so padre, Dick Cusack, y los sos hermanos, Ann, Bill, John y Susie, tamién son actores. Trabayó na tienda del Piven Theater. Casóse con Richard Burke en 1993, con quien tuvo dos fíos, el primeru d'ellos nacíu'l 17 de xunu de 1997, col nome de Dylan John Burke, y el segundu en xunetu de 2000, sol nome de Miles Burke.

Carrera[editar | editar la fonte]

Joan Cusack trabayó mientres delles temporaes en Saturday Night Live (1985 - 1986). En 1988 participó na comedia Working Girl (1988), onde compartió cartelu con Harrison Ford, Sigourney Weaver y Melanie Griffith, y por que la so actuación recibió la so primer candidatura a los premios Óscar na categoría de «Meyor actriz de repartu».[1] Ente los sos siguientes proyectos destaquen Addams Family Values (1993) y les comedies Nueve meses (1995), protagonizada por Hugh Grant y Julianne Moore, y Two Much (1995), dirixida por Fernando Trueba y na que compartía cartelu con Antonio Banderas y Melanie Griffith.

Darréu llogró una nueva candidatura a los Óscar, de nuevu na categoría de «Meyor actriz de repartu»,[2] y otra a los premios Globu d'Oru, na mesma categoría,[3] pola comedia In & Out (1997), protagonizada por Kevin Kline y Matt Dillon. Dempués emprestó la so voz na cinta animada Toy Story 2 (1999) y actuó na comedia romántica Runaway Bride (1999), protagonizada por Julia Roberts y Richard Gere. Participó al pie del so hermanu John na comedia Alta fidelidá (2000), basada na novela de Nick Hornby, y protagonizó xuntu a Jeff Bridges y Tim Robbins el thriller Arlington Road (1999).

Intervieno na comedia Escuela de rock (2003), na qu'apaecía con Jack Black. Esi mesmu añu tamién apaeció en Looney Tunes: Back in Action (2003), con Brendan Fraser. Dempués llegaríen títulos como Raising Helen (2004), xuntu a Kate Hudson, el drama Amigos con dineru (2006), na que compartía cartelu con Jennifer Aniston, Catherine Keener o Frances McDormand, y volvió participar de nuevu col so hermanu nos drames Martian Child (2007) y War, Inc. (2007). Apaeció na comedia Confessions of a Shopaholic (2009) y nel drama My Sister's Keeper (2009), protagonizáu por Cameron Diaz y Abigail Breslin. Amás volvió emprestar la so voz na tercer entrega de Toy Story (2010).

Filmografía[editar | editar la fonte]

Premios[editar | editar la fonte]

Premiu Óscar
Añu Categoría Película Resultáu Ref.
1988 Meyor actriz de repartu Working Girl Nomada [1]
1997 In & Out Nomada [2]
Premio Globu d'Oru {|

class="wikitable" |- ! Añu || Categoría || Película || Resultáu || Ref. |- | 1998 || Meyor actriz de repartu || In & Out || Nomada || align="center" |[3] |- |}

Referencies[editar | editar la fonte]

  1. 1,0 1,1 Academia d'Artes y Ciencies Cinematográfiques. «Nominees & Winners for the 61st Academy Awards» (inglés). Óscars.org. Consultáu'l 12 d'ochobre de 2010.
  2. 2,0 2,1 Academia d'Artes y Ciencies Cinematográfiques. «Nominees & Winners for the 70th Academy Awards» (inglés). Óscars.org. Consultáu'l 12 d'ochobre de 2010.
  3. 3,0 3,1 Asociación de la Prensa Estranxera de Hollywood. «The 55th Annual Golden Globe Awards (1998)» (inglés). goldenglobes.org. Consultáu'l 12 d'ochobre de 2010.

Enllaces esternos[editar | editar la fonte]