Jean-Pierre Chevènement
.jpg)
Jean-Pierre Chevènement [ʒɑ̃ pjɛʁ ʃəvɛnmɑ̃] (Belfort, 9 de marzu de 1939), políticu francés, fundador del partíu Movimientu Republicanu y Ciudadanu (Mouvement Républicain et Citoyen en francés), antiguu miembru del Partíu Socialista y delles vegaes ministru del gobiernu de Francia. Pertenez a Le Siècle.
Oríxenes[editar | editar la fonte]
Fíu de profesores, estudia na Escuela Nacional d'Alministración (ENA), na mesma promoción que'l futuru primer ministru Lionel Jospin (1965) y adheriendo durantes los sos estudios a la Seición Francesa de la Internacional Obrera (SFIO).
Carrera política[editar | editar la fonte]
Miembru del PSF[editar | editar la fonte]
En 1971 participa a la fundación del PSF, siendo escoyíu diputáu pol territoriu de Belfort en 1973.
En 1979 sofita les tesis de François Mitterrand nel congresu del PSF de Metz, resultando escoyíu pa redactar el programa socialista que va resultar victoriosu nes eleiciones presidenciales de 1981.
Nomáu ministru d'Investigación y Teunoloxía dende'l 22 de marzu de 1981, nésti periodu ye tamién escoyíu presidente del conseyu rexonal de la rexón del Francu Condáu y alcalde de Belfort el 14 de marzu de 1983. Anque pocos díes dempués dimite del cargu de ministru, en 2005 caltenía inda'l cargu d'alcalde d'ésta ciudá.
En 1984 torna al gobiernu como ministru d'Educación hasta 1986 y más tarde como ministru de defensa (1988) hasta la so dimisión el 19 de xineru de 1991, cola que manifiesta la so oposición a la participación de Francia na Guerra del Golfu.
Esta decisión va alloña-y progresivamente del PSF, partíu qu'abandona en 1993 pa tresformar en partíu políticu'l Mouvement des Citoyens (MDC).
Fundación del MDC[editar | editar la fonte]
Nes europees de 1994, llogra namái'l 2,54% de votos (unos 450 000), pero'l so prestíu llévalu a ser llamáu por Lionel Jospin pal cargu de ministru del Interior en 1997 nun gobiernu de coalición d'izquierdes.
En setiembre de 1998, mientres ye operáu d'una vesícula, sufre un grave accidente al resultar alérxicu a l'anestesia que lu lleva a la coma mientres dellos díes.
Anque recupera'l puestu nel ministeriu namái 4 meses dempués del accidente, va dimitir nuevamente del cargu pol so desalcuerdu col proyeutu d'autonomía de Córcega, n'honor a la so célebre frase: Un Ministru, o bien cierra'l picu, o bien dimite.
Como candidatu a Presidente de la República, nel 2002 llogra'l 5,33% de los sufraxos (más de 1,5 millones de votos) nunes eleiciones marcaes pola ascensión de los votos del Frente Nacional de Jean-Marie Le Pen que llegó a desbancar a Lionel Jospin pa la disputa de la segunda vuelta presidencial. Al términu d'estes eleiciones, anovó'l MDC formando'l Mouvement Républicain y Citoyen (MRC).
Líder del MRC[editar | editar la fonte]
Dende agostu de 2004, el MRC declárase partidariu del non al proyeutu de la Constitución Europea por interpretala como un vasallaxe a los Estaos Xuníos, posición que va llograr la mayoría del 54,87% de votos nel referendu de mayu de 2005.
El congresu del MRC d'abril de 2005 confírma-y como candidatu a les presidenciales del 2007.
Referencies[editar | editar la fonte]
- ↑ URL de la referencia: http://www.senat.fr/senateur/chevenement_jean_pierre02053w.html.
- ↑ 2,0 2,1 2,2 Biblioteca Nacional de Francia. «catálogo general de la Biblioteca Nacional de Francia» (francés). Biblioteca Nacional de Francia. Consultáu'l 10 ochobre 2015.
- ↑ URL de la referencia: https://www.marianne.net/politique/macron/chevenement-lance-refondation-republicaine-nouveau-parti-de-la-macronie.
Enllaces esternos[editar | editar la fonte]
Wikimedia Commons tien conteníu multimedia tocante a Jean-Pierre Chevènement.- Sitiu web del MRC
