Jason Patric

De Wikipedia
Saltar a navegación Saltar a la gueta
Jason Patric
Jason Patric
Jason Patric (25525400254) (cropped).jpg
Vida
Nome completu Jason Patric Miller Jr.
Nacimientu

Queens17  de xunu de 1966

(52 años)
Nacionalidá Bandera de Estaos Xuníos d'América Estaos Xuníos
Familia
Padre Jason Miller
Madre Llinda Miller
Pareyes Robin Wright
Julia Roberts
Jennifer Jason Leigh
Christy Turlington
Hermanos/es
Familia
Estudios
Estudios Don Bosco Preparatory High School Traducir
Saint Monica Catholic High School Traducir
Llingües inglés
Oficiu
Oficiu actor de cine, actor de televisión, actor de teatru y productor de cine
IMDb nm0000574
Cambiar los datos en Wikidata

Jason Patric Miller, Jr. (Queens, Nueva York, 17 de xunu de 1966) ye un actor de cine, televisión y teatru d'Estaos Xuníos. Conocíu poles sos intervenciones en películes como The Lost Boys (1987), Sleepers (1996), Speed 2: Cruise Control (1997), Narc (2002) o The Losers (2010).

Biografía[editar | editar la fonte]

Jason Patric nació'l 17 de xunu de 1966 en Nueva York, Estaos Xuníos concretamente nel afamáu barriu de Queens, fíu de Linda Miller y Jason Miller, dambos actores.[1] Ye nietu de Jackie Gleason. Tien un hermanu llamáu Joshua John Miller. Allegó a la prestixosa escuela, na que namái asistíen varones, Don Bosco Preparatory High School, nel norte de Nueva Jersey. Tien doble nacionalidá, irlandesa y d'Estaos Xuníos.[1]

Carrera[editar | editar la fonte]

Jason Patric debutó col telefilme Amor difícil (1985) para darréu intervenir en The Lost Boys (1987) na que compartió cartelu con Kiefer Sutherland o Dianne Wiest y que foi dirixida por Joel Schumacher. En participando en producciones que dexaron indiferente al públicu y a la crítica, el so primera gran oportunidá llegaría-y con drama Sleepers (1996) xunto a Kevin Bacon, Robert De Niro, Brad Pitt y Dustin Hoffman; la cinta foi bien recibida pola crítica y públicu, recaldando 165 millones de dólares en tol planeta.[2][3] Dempués protagonizaría al pie de Sandra Bullock y Willem Dafoe la remortina de Speed (1994) titulada Speed 2: Cruise Control (1997) na qu'interpretaba a Alex Shaw, un axente de policía que se vía envolubráu en problemes cuando'l cruceru nel que viaxaba cola so novia yera secuestráu por un allunáu. El filme foi zurdíu pola mayoría de la prensa especializada y supúnxo-y el so primer candidatura al Razzie.[4][5]

Darréu participó nel drama de Neil LaBute Your Friends & Neighbors (1998), na qu'apaecía xunto a Ben Stiller o Aaron Eckhart, y pola que recibió una nominación al Satellite Award al meyor actor de repartu en drama;[5] y nel thriller Narc (2002) na que tenía como compañeru de repartu a Ray Liotta, foi dirixida por Joe Carnahan y producida por Tom Cruise. El filme foi sofitáu pola prensa y foi candidatu al gran premiu del xuráu nel Festival de Cine de Sundance.[6][7] Años más tarde participó nel remake tituláu The Alamo (2004), protagonizáu por Dennis Quaid y Billy Bob Thornton y empobináu por John Lee Hancock. El filme nun funcionar comercialmente, envalorándose unes perdes de 120 millones de dólares.[8]

Tres unos años d'ausencia en grandes proyeutos remaneció nel drama empobináu pol ganador del Óscar Paul Haggis In the Valley of Elah (2007), protagonizada por Tommy Lee Jones, Susan Sarandon y Charlize Theron, la cinta foi bien recibida por gran cantidá de críticos.[9] Darréu vendríen personaxes secundarios nel drama familiar My Sister's Keeper (2009), xunto a Cameron Diaz y la película d'aición The Losers (2010), con Chris Evans o Zoe Saldana; namái recaldó 23 millones de dólares n'Estaos Xuníos, magar que les mires yeren cimeres.[10]

Filmografía[editar | editar la fonte]

Cine[editar | editar la fonte]

Premios[editar | editar la fonte]

Satellite Awards[editar | editar la fonte]

Añu Categoría Película Resultancia
1999 Meyor actor de repartu en drama Your Friends & Neighbors Candidatu

Vida privada[editar | editar la fonte]

Jason Patric tuvo saliendo mientres dos años (1991, 1992) con Julia Roberts, dempués de qu'ésta atayara la so boda con Kiefer Sutherland, íntimu amigu del actor.[11]Tamién se-y conocen distintes relaciones con Sandra Bullock, Robin Wright Penn o Christy Turlington, cola que caltuvo una relación ente 1995 y 1999, anguaño, Christy Turlington ye la esposa de Edward Burns.[11]

Nel añu 2004 foi arrestáu so cargos d'intoxicación pública y resistencia a l'autoridá na llocalidá de Austin, Texas, Estaos Xuníos. Patric alegó que les acusaciones yeren falses. La oficina del fiscal finalmente retiró los cargos contra l'actor, ente los que s'incluyíen l'asaltu a un axente de policía. Darréu, demandó al policía que lo detuvo, por violar los sos derechos civiles, pero'l xuráu federal falló a favor del oficial.[12] Jason Patric esta saliendo cola actriz Gia Mantegna dende 2014.

Referencies[editar | editar la fonte]

  1. 1,0 1,1 Consultáu en 2010Biografía de Jason Patric imdb (n'inglés)
  2. Consultáu en 2010Respuesta crítica a Sleepers Rotten Tomatoes (n'inglés)
  3. Consultáu en 2010Recaldación de Sleepers Box Office Mojo (n'inglés)
  4. Consultáu en 2010Respuesta crítica a Speed 2: Cruise Control Rotten Tomatoes (n'inglés)
  5. 5,0 5,1 Consultáu en 2010Premios y nominaciones de Jason Patric imdb (n'inglés)
  6. Consultáu en 2010Respuesta crítica a Narc Rotten Tomatoes (n'inglés)
  7. Consultáu en 2010Narc nel Festival de Cine de Sundance imdb (n'inglés)
  8. Consultáu en 2010Recaldación de The Alamo Box Office Mojo (n'inglés)
  9. Consultáu en 2010Respuesta crítica a In the Valley of Elah Rotten Tomatoes (n'inglés)
  10. Consultáu en 2010Recaldación de The Losers Box Office Mojo (n'inglés)
  11. 11,0 11,1 Consultáu en 2010Jason Patric Relationships whosdatedwho.com (n'inglés)
  12. Consultáu en 2010Patric Loses Civil Rights Suit Against APD austinchronicle.com (n'inglés)

Enllaces esternos[editar | editar la fonte]