Janoš Flisar

Janoš Flisar
Vida
Nacimientu	Šalamenci, 21 de xunu de 1856
Nacionalidá	Imperiu austrohúngaru ; Reinu de Yugoslavia
Llingua materna	idioma prekmuru
Muerte	Murska Sobota, 21 de xunu de 1947 (91 años)
Sepultura	Murska Sobota
Estudios
Llingües falaes	eslovenu; húngaru; alemán
Oficiu
Oficiu	periodista, profesor, traductor

Janoš Flisar (21 de xunu de 1856, Šalamenci – 21 de xunu de 1947, Murska Sobota) foi un escritor prekmuru, traductor, periodista, editor, educador y poeta.

Biografía

Dempués d'estudiar la educación primaria en Puconci y aprender húngaru a mayores en Nemescsó y nel Gymnasium Luteranu de Sopron, completó con ésitu'l 25 de xunu de 1875, cumpliendo asina los requisitos formales pa enseñar nes escueles. Refugó un puestu de educador que-y encamentaren n'Hungría y tornó a Transmurania pa enseñar ente los sos compatriotes eslovenos.

Yá a una edá temprana publicó artículos nel primer periódicu prekmuru, Prijátel (Amigu), fundáu por Imre Agustič. Tres la muerte de Agustič, Prijátel dexó de publicar. Darréu, Flisar publicó artículos nel selmanariu húngaru-prekmuru Muraszombat és vidéke (Murska Sobota y la so contorna).

Mientres esti periodu, el prominente pastor luteranu Rudolf Cipot aportunó na maxarización de los eslovenos n'Hungría y torgó la publicación de llibros o periódicos por parte de los protestantes eslovenos. Tres la Primer Guerra Mundial, el periodismu protestante en llingua prekmura pudo desenvolvese. Janoš Flisar participó na fundación de revistes protestantes como Düševni list ("Revista espiritual") y Evangeličanski kalendari ("Calendariu luteranu"). Primero foi coeditor, depués editor xefe. Con frecuencia publicaba artículos nel boletín de los emigrantes prekmuros, Amerikanszki Szlovencov Glász ("Voz de los eslovenos d'Estaos Xuníos").

La obra de Flisar ye bien estensa y granible. Tamién compiló un diccionariu húngaru-prekmuru. Sicasí, intentó caltener l'antigua tradición lliteraria y llingüística luterana prekmura, y por ello, xuntu con otros artífices de la estratexa de desenvolvimientu de la comunidá protestante prekmura, nun pudo adautala a los cambeos del idioma prekmuru. Sicasí, sofitóse nel llinguaxe, yá entós anacrónicu, de los testos prekmuros más antiguos ya incorporó pallabres ya innovaciones gramaticales tomaes del húngaru, lo que significó que nun pudo modernizar l'antiguu conceutu llingüísticu, de la mesma que nun pudo superar los antiguos principios lliterarios y poéticos centrándose nel conteníu relixosu y educativu.

Bibliografía

Just, Franci (2006) Panonski književni portreti 1. Prekmurje in Porabje A–I. Murska Sobota: Franc-Franc. ISBN 961-219-093-3.

Referencies

1 2 CONOR.SI ID: 147060835. Afirmao en: CONOR.SI.

Enllaces esternos

[5bce2c1612115c0f2e1ff99cd23750aeb916f5ef-1] 1 2 CONOR.SI ID: 147060835. Afirmao en: CONOR.SI.

[1]