Jane Bryan

De Wikipedia
Saltar a navegación Saltar a la gueta
Jane Bryan
Jane Bryan35mm film frames.svg
Jane Bryan in Invisible Stripes trailer.jpg
Vida
Nacimientu Hollywood11  de xunu de 1918
Nacionalidá Bandera de Estaos Xuníos d'América Estaos Xuníos
Fallecimientu

Pebble Beach Traducir8  d'abril de 2009

(90 años)
Familia
Casáu/ada con Justin Whitlock Dart  (1939 -  1984)
Oficiu
Oficiu actriz y actriz de cine
Emplegadores Warner Bros.
Creencies
Partíu políticu Partíu Republicanu de los Estaos Xuníos
IMDb nm0116953
Cambiar los datos en Wikidata

Jane Bryan (11 de xunu de 19188 d'abril de 2009) foi una actriz cinematográfica de nacionalidá estauxunidense.

Biografía[editar | editar la fonte]

El so verdaderu nome yera Jane O'Brien, y nació en Hollywood, California, siendo'l so padre un abogáu de Los Angeles. Preparada por Warner Bros. pa ser una de les actrices protagonistes del estudiu, la so carrera duró namái cuatro años, yá que decidió retirase en 1940 en casándose. Entá asina, fixo destacaos papeles en películes de sonadía como Marked Woman (1937, con Humphrey Bogart y Bette Davis, a la que la xunía una gran amistá), Kid Galahad (1937, con Edward G. Robinson, Bette Davis y Humphrey Bogart), A Slight Case of Murder (1938, con Edward G. Robinson), Each Dawn I Die (1939, con James Cagney y George Raft), y Invisible Stripes (1939, con George Raft, William Holden y Humphrey Bogart).

Bryan casóse col empresariu Justin Whitlock Dart nel día de nuechevieya de 1939. En 1945 Dart fíxose cargu de la entós caediza cadena de productos farmacéuticos Rexall Drug, formando Dart-Kraft Inc., un conglomeráu de productos de consumu y alimentos. El matrimoniu tenía una firme ideoloxía republicana, y ayudaron a persuadir al so amigu personal, l'antiguu actor Ronald Reagan, al cual conociera ella mientres el rodaxe de Brother Rat, a presentase como candidatu a Presidente de los Estaos Xuníos en 1980. La pareya siguió xunida hasta la muerte de Dart, asocedida en 1984.

Amás de la so faceta interpretativa, Bryan trabayó na United States Commission of Fine Arts en Washington, D.C. dende 1971 a 1976 y, apasionada de l'arqueoloxía, viaxó enforma y convirtióse en direutora del Muséu d'Historia Natural de Los Angeles.

Jane Bryan finó en 2009 na so casa en Pebble Beach, California, por causa de una llarga enfermedá. Tenía 90 años d'edá. Sobreviviéron-y el so tres fíos, Guy Michael Dart, Jane Dart Tucker y Stephen M. Dart; trés nietos; dos bisnietos y dos hermanos, William y Donald O'Brien.[1] Foi soterrada nel Campusantu Greenfield Holy Trinity de Greenfield.

Filmografía[editar | editar la fonte]

Referencies[editar | editar la fonte]

Enllaces esternos[editar | editar la fonte]