Jakob Venedey

De Wikipedia
Jakob Venedey
miembro del Parlamento de Fráncfort (es) Traducir

18 mayu 1848 - 18 xunu 1849
Vida
Nacimientu Colonia24 de mayu de 1805[1]
Nacionalidá Bandera de Reinu de Prusia Reinu de Prusia
Muerte Badenweiler9 de febreru de 1871[1] (65 años)
Estudios
Llingües falaes alemán
Oficiu políticu, publicista, escritorperiodista
Miembru de Alte Heidelberger Burschenschaft (en) Traducir[2]
Cambiar los datos en Wikidata
Jacob Venedey en 1871

Jakob Venedey (Colonia, 1805 – Badenweiler, 1871) foi un publicista y un políticu radical alemán. Dirixente de la Lliga de los Proscritos, amosó una gran esmolición pola cuestión social anque nun puede consideráse-y un socialista.[3]

Biografía[editar | editar la fonte]

Foi profesor de la Universidá de Heidelberg y mientres el so exiliu en París participó na fundación en 1834 de la Lliga de los Proscritos de la que se convirtió n'unu de los sos dirixentes, xunto con Theodor Schuster. Dirixó la revista mensual de la Lliga Der Geächtete (El Proscritu) hasta que foi espulsáu de París en 1835, siendo sustituyíu pol tipógrafu alsacianu Éduard Rauch, anque pudo volver un añu dempués gracies a les xestiones realizaes por trés personalidaes lliteraries y científiques, Heinrich Heine, Jules Michelet y François Arago. [4][5]

Nes páxines de la revista caltuvo un duru discutiniu con Schuster a cuenta de la definición ideolóxica de la revolución que tenía d'asegurar la salvación d'Alemaña, la felicidá de los honraos alemanes». Venedey afirmaba que lo fundamental yera «baltar la tiranía, el dominiu de la inxusticia, ganar la bestia que s'alimenta de carne y de sangre» y que «namái dempués va llegar el tiempu de construyir, un tiempu nel que nun van faltar espertos na construcción», ente que Schuster creía necesariu determinar primeramente los supuestos ideolóxicos de la revolución que, según él, nun tenía de llindar se a la proclamación de la república democrática» sinón qu'aspiraba al tresformamientu social y que, por tanto, tenía que ser protagonizada polos trabayadores.[6]

Referencies[editar | editar la fonte]

  1. 1,0 1,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. Afirmao en: Q107642470. Editorial: Willy Nolte. Llingua de la obra o nome: alemán. Data d'espublización: 1934.
  3. Bravo, 1976, p. 283.
  4. Bravo, 1976, p. 282.
  5. Droz, 1984, p. 571-573.
  6. Bravo, 1976, p. 283-284.

Bibliografía[editar | editar la fonte]

  • Bravu, Gian Mario (1976). Historia del socialismu 1789-1848. El pensamientu socialista antes de Marx. Barcelona: Ariel. ISBN 84-344-6508-6.
  • Droz, Jacques (1984b). «El socialismu alemano del Vormärz», Jacques Droz (dir.): Historia xeneral del socialismu. De los oríxenes a 1875. Barcelona: Destino, páx. 553 y ss.. ISBN 84-233-1305-0.