Jaime Fernández Barros

De Wikipedia
Saltar a navegación Saltar a la gueta
Jaime Fernández BarrosVolleyball (indoor) pictogram.svg
Vida
Nacimientu

Xixón1956

(62/63 años)
Nacionalidá Bandera d'España España
Oficiu
Oficiu xugador de voleibol
Trayeutoria
Años Equipu PX PT
Posición o especialidá setter Traducir
Cambiar los datos en Wikidata

Jaime Fernández Barros (Xixón, España, 1956)ye un exvoleibolista español. En pallabres del so antiguu entrenador, Miroslav Vorgich tenía un reblincón y capacidá pa xugar en cualquier posición.[1]

Trayeutoria deportiva[editar | editar la fonte]

El so entamos nel voleibol empezaron nel Institutu Xovellanos de la so llocalidá natal, ellí llograría dos campeonatos xuveniles d'España[2] (1973[3] y 1974). Depués dio'l so saltu a nivel absolutu nel Real Grupu de Cultura Cuadonga, que erael del propiu colexu, en División d'Honor. Pel branu de 1976 ficha pol Real Madrid, quien llevaba siguiendo los sos pasos desque-y ganó una final del campeonatu xuvenil a los xuveniles del equipu madrilanu.[4] En dichu equipu tuvo cinco temporaes nes que consiguió 4 lligues y 5 Copes del Rei.[5]

En 1981, Fernández Barros ficha pol Son Amar Palma colos que consiguiría 3 lligues y 2 copes del rei. L'equipu baxa a la segunda categoría por decisición del so principal accionista, Damià Siguí de nun siguir sofitando al equipu. Aun así, Fernández Barros, al igual que Luis Álvarez, quedar nel Son Amar pa xubir a la siguiente temporada a División d'Honor.[6] En 1985 l'equipu vuelve a la División d'Honor calteniendo'l mesmu forno que tres la lliga de 1984. En final de la temporada 1986/1987, Pedro Bozic abandona'l club por motivos personales tornando al so Yugoslavia natal polo que pasa Fernández Barros pasa a ocupar el puestu d'entrenador xugador mientres lo que restó d'esa campaña.[7] Nesi branu, anuncia la so retirada y pasa a ocupar el puestu d'entrenador del Son Amar hasta 1990 cuando ficha pol Lennik belga.[8]

En 1991 vuelve del retiru como xugador pa consiguir l'ascensu del Xovellanos so les órdenes de José Castro,[9] retirándose definitivamente tres la so consecución.

En 1992 ye nomáu entrenador del Xovellanos, cuidao que abandona en 1994 pa dise a vivir a Tenerife. En 1997 funda, xunto a Eulogio Hernández, el Tenerife Sur Voleibol exerciendo dende l'empiezu como entrenador. L'equipu taba formáu nel so mayor parte por xuveniles y yá en 1998 participa a nivel absolutu en Segunda División y consigue xubir a la Primer División. Na temporada 1999/2000, l'equipu xube a Lliga FEV y un añu dempués consiguió xubir a Superliga.[10] El so mayor ésitu vieno na temporada 2003/2004 cuando consiguió la Copa del Rei y xusto dempués la Supercopa d'España. En 2009 dexa de ser entrenador del Tenerife Sur siendo sustuido por John García.[11] Un añu, ye nomáu presidente del club, en decidiendo abandonar el cargu Eulogio Hernández pa dedicase a los sos negocios profesionales,[12] en 2012 el club sume.

Selección nacional[editar | editar la fonte]

En categoría xuvenil algamó un total de 30 internacionalidades.[5] El so debú cola selección absoluta foi en 1972 algamando un total de 245 internacionalidades cola selección española.[5][2] Ente los sos llogros cola selección como xugador tán la primer participación d'España nunos Xuegos del Mediterraneu en 1975,[13] el bronce na Spring Cup en 1976,[5] la primer participación n'en Campeonatu d'Europa y l'oru nos Xuegos Mediterráneos de 1987.[14]

Los sos empiezos como seleccionador nacional empezó cola selección femenina absoluta cola que participa nos Xuegos Olímpicos de Barcelona 1992. En xineru de 1993 ye nomáu entrenador de la selección masculina absoluta onde lo foi hasta 1994. En 1995 ye selecccionador de voley-sablera consiguiendo un quintu puestu nos Xuegos Olímpicos d'Atlanta 1996 y collo el diploma olímpicu. Tres los xuegos abandona la selección volviendo en 2003 a la de voley-sablera cola que llogra la medaya de plata nos Xuegos Olímpicos d'Atenes 2004.[15] En 2005 ye sustituyíu por Yoyi Luis na selección.[16]

Vida personal[editar | editar la fonte]

Tienes trés fíos, Alicia (1991), Laura Fernández Rei (2001) y Elsa Fernández Rei.Los dos últimes con Mar Rei, xugadora de la selección española. Tamién tien otru fíu (Alexis, 1983)[17] d'un matrimoniu anterior con Elena Gil, quien foi Miss Mallorca en 1982.[18]

Referencies[editar | editar la fonte]


Jaime Fernández Barros