Jack Lescoulie

Jack Lescoulie
Vida
Nacimientu	Sacramento, 17 de payares de 1912
Nacionalidá	Estaos Xuníos
Llingua materna	inglés
Muerte	Memphis, 22 de xunetu de 1987 (74 años)
Estudios
Llingües falaes	inglés
Oficiu	presentador de televisión, actor, actor de cine
Premios	ver Estrella del Paséu de la Fama de Hollywood
IMDb	nm0503921

Jack Lescoulie (17 de payares de 1912, Sacramento – 22 de xunetu de 1987, Memphis) foi un presentador y llocutor de radio y televisión de los Estaos Xuníos, conocíu principalmente pol so trabayu nel programa de la NBC Today nes décades de 1950 y 1960.

Primeros años

Nacíu en Sacramento (California), los sos padres yeren artistes de vodevil, xéneru nel que trabayaben xunto a los sos fíos. Por ello, la primer actuación pública de Lescoulie tuvo llugar a los siete años d'edá.

El so primer trabayu pa los medios de comunicación tuvo llugar na emisora KYPA de Los Angeles, estudiando inda na high school. El mozu Lescoulie ayudaba a les xeres de la emisora radiofónica pa dar noticies del terremotu de Long Beach (California) de 1933.

Radio

Pa la radio, sol nome de "Grouchmaster" trabayó en The Grouch Club (1938–40), un programa nel cual la xente espresaba les sos quexes sobre cualquier tema, creáu pola futura lleenda de la televisión Nat Hiken, padre de The Phil Silvers Show y Car 54, Where Are You?. Nos años cuarenta foi compañeru mañaneru de Gene Rayburn na emisora de radio de Nueva York WNEW (actual WBBR), primero que'l so papel nel equipu pasara a Dee Finch. Los historiadores de la radio aseguren que los axugamientos de Rayburn con Lescoulie y con Finch fueron los primeros duos masculinos de les mañanes radiofóniques.

Mientres la Segunda Guerra Mundial, Lescoulie foi corresponsal de guerra, volando n'aviones de la Fuercia Aérea en misiones de bombardéu sobre Italia.

Na seronda de 1947 Lescoulie pasó a ser el "llocutor radiofónicu de tola nueche" na emisora de Nueva York perteneciente al Mutual Broadcasting System WOR (AM). El 12 d'abril de 1948 interpretó a un misteriosu llocutor de noticies en "Twelve to Five," un drama fantásticu del show Quiet, Please nel cual recreábase un programa radiofónicu qu'emitía mientres tola nueche. La representación foi tan veraz, que dellos oyentes llamaben pa faer entrugues al presuntu show. Más palantre, el 4 de xunu de 1949, volvió a Quiet Please pa participar na hestoria d'horror "Tanglefoot."

Televisión

En televisión, Lescoulie presentó unu de los primeros concursos televisivos, Fun and Fortune (1949), y foi llocutor del programa de Jackie Gleason The Jackie Gleason Show (1949–52), amás de ser el llocutor orixinal de The Honeymooners (1955-56). Mediada la década de 1960 siguió collaborando como llocutor pa Gleason, hasta qu'ésti empezó a trabayar puramente con Johnny Olson.

Mientres el so llargu periodu en Today (1952–67), Lescoulie foi un versátil miembru del repartu, y la so deber diba dende anunciar el show, dirixir entrevistes, dar noticies deportives, charrar col públicu fuera del estudiu y actuar como oldee frente a les diablures de Dave Garroway."

Lescoulie participo en númberos como una escena tomada de la obra de George Bernard Shaw César y Cleopatra, interpretada con Jayne Mansfield. Nun númberu n'abril de 1963, Buster Keaton tirába-y un pastel a la cara. De cutiu Lescoulie participaba como compañeru de Garroway en visites de Today al estranxeru. Asina, los dos fixeron un viaxe a París en 1959 y otru a Roma en 1960. Foi mientres esi postreru que Lescoulie tuvo una inmersión "accidental" na Fontana de Trevi en frente de los sorprendíos transeúntes.

Lescoulie foi mientres un curtiu periodu de seis meses de 1957 presentador de The Tonight Show. Tres la marcha de Steve Allen de Tonight en xineru, la NBC renombró el programa como Tonight! America After Dark y tresformar nun programa de noticies y entrevistes que tomaba como modelu Today. Lescoulie, y dempués Al "Jazzbo" Collins, fueron los sos presentadores. Lescoulie intervieno nel show dende'l 28 de xineru al 21 de xunu de 1957.

Mientres un tiempu a partir de 1958, Today cesó les retresmisiones en direutu y emitió material grabáu la tarde anterior. Cuando Garroway dexó'l show nel branu de 1961, la NBC anunció que Today volvería a entamar les sos emisiones en direutu'l 17 de xunetu. Darréu Lescoulie arrenunció al so puestu afirmando que nun podía encarar esi horariu."

Lescoulie pasó a presentar el programa educativu infantil de la NBC 1, 2, 3 Go!, que atayóse'l 20 de mayu de 1962. Tres ello, esi branu volvió de nuevu a Today, permaneciendo nel programa otros cinco años.

Lescoulie dexó definitivamente'l show en 1967, siendo sustituyíu por Joe Garagiola, Sr., Willard Scott y Al Roker.

Cine

Ente 1938 y 1950 Lescoulie fixo dellos papeles cinematográficos, casi toos ellos ensin creitos, anque usó'l nome de Joe Hartman cuando actuó nel drama aeronáuticu Emergency Landing (1941).

Lescoulie tamién fixo trabayos como actor de voz en dos curtios de dibuxos de Warner Brothers: "Daffy Duck and the Dinosaur," una producción de 1939 dirixida por Chuck Jones na cual Lescoulie daba voz a Caspar Caveman; y "Malibu Beach Party," un curtiu de 1940 empobináu por Friz Freleng nel cual Lescoulie asonsañaba al humorista radiofónicu Jack Benny.

Jack Lesoulie finó en 1987 en Memphis, Tennessee. Foi soterráu nel Campusantu Saint Marys de Greenwich (Connecticut).

A Lesoulie concedióse-y una estrella nel Paséu de la Fama de Hollywood, nel 6500 de Hollywood Boulevard, pola so actividá televisiva.

Referencies

• Esta obra remanez de la traducción de Jack Lescoulie de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• «Jack Lescoulie». en Find a Grave. (n'inglés)
• WNEW Radio
• Jack Lescoulie na Internet Movie Database (n'inglés)

• Datos: Q3157247
• Multimedia: Jack Lescoulie