Islla del Carme
| Islla del Carme | |
|---|---|
 | |
| Situación | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Gozón |
| Parroquia | Lluanco |
| Tipu | islla |
| Coordenaes | 43°36′42″N 5°46′52″W / 43.61157°N 5.78123°O |
  Islla del Carme Islla del Carme (Asturies) | |
| Datos | |
 | |
La Islla del Carme o 'Peña Cercada', ye una islla asturiana allargada, de algo menos de 2 hectárees, bordiada de petón y mui cerca de la mariña de la parroquia de Lluanco (Gozón). Tien una antigua ermita na parte sur de la islla, a la que puede aportase al traviés del petón y l'arena si les marees son baxes al traviés de les sableres d'El Dique o de L'Aramar.
Historia[editar | editar la fonte]
la islla del Carme ta asitiada frente a les sableres d'El Dique, Gargantera y Aramar, ye accesible dende la mariña a baxamar. Sobro ella hai una capiya visible dende los cantiles.
El nome de Aramar significaría en llatín «ara - mare», altar del mar, polo que pudiera ser que la so etimoloxia podría dicir sobro la esistencia na islla d'un templu romanu, nel mesmu llugar onde ta l'actual capiya.[ensin referencies]
La capiella actual data de 1701, foi obra a les so espenses d'Agustín Álvarez, patrón d'una embarcación de vela y remu del tipu pinaza “Nuesa Señora del Carme», por haber apelao a la so divina protección, y escapase asina d'un corsariu inglés que lu escorría nun viaxe dende Ferrol a Betanzos, asumiendo que'l fechu debióse a la protección divina el que nun fuera descubiertu polos sos persiguidores al poder escondese al abellugu del Cabu Prior de les naves que lu escorríen.
Nesti castru dizse[1] que vivió mientres munchos años un sabiu y virtuosu ermitañu que llamaben Santos, amás de Javier García de la Rosa, que tamién vivió nuna cueva de la islla.
Nel Castru de Peña Abarganada, conocíu popularmente como Islla del Carme, venerase a la virxe patrona de los marineros y por estensión de tolos pescadores.
Tolos 16 de xunetu, los marineros y pescadores alleguen a esta fiesta con muncha devoción y lleven a les xentes n'afataes embarcaciones. La celebración del Carme rexunta tolos años nel puertu lluanquín a centenares de persones que siguen los actos relixosos y les procesiones nel mar.[2] [3]
Referencies[editar | editar la fonte]
- ↑ El faro.as - El ermitañu de Lluanco
- ↑ del Río, Alejandro (2013). Guía total de las playas de Asturias. 244 rincones para disfrutar de la costa asturiana. Nobel, páx. 176. ISBN 978-84-8459-669-1.
- ↑ Guía Turismo Asturias, Islla del Carme, L'Aramar, Lluanco
Enllaces esternos[editar | editar la fonte]
- [1] Diario El Comercio, Capilla de la Islla del Carme, Lluanco.
