Islla Starbuck
| Islla Starbuck | |
|---|---|
| Starbuck Island (en) | |
 | |
| Situación | |
| Tipu | atolón |
| Parte de |
Line Islands (en)  |
| Asitiáu en | Océanu Pacíficu |
| Coordenaes | 5°38′30″S 155°52′40″W / 5.6416666666667°S 155.87777777778°O |
  Islla Starbuck Islla Starbuck (Océanu Pacíficu) | |
| Datos | |
| Altitú media | 8 m |
| Superficie | 16,2 km² |
| Población | 0 |
| Fusu horariu | UTC+14:00 |
| Llonxitú | 8,9 km |
 | |
La islla Starbuck, tamién conocida como islla Volunteer, ye un atolón coralín planu y baxu despoblau del océanu Pacíficu central. Ye parte de les islles de la Llínea pertenecientes a la República de Kiribati. La islla recibió múltiples denominaciones: islla Barren, islla Coral Queen, islla Hero, islla Low, islla Starve ya islla Volunteer.
Mide 8.9 km d'este a oeste y 3.5 km de norte a sur. La islla Starbuck foi afayada en 1823 por Valentine Starbuck, capitán d'un buque balleneru británicu. Reclamada per Estaos Xuníos en 1856 so l'Acta d'Islles Guaneras, pero controlada por Gran Bretaña dempués de 1866, la islla Starbuck convirtióse n'esportadora de fosfatu ente 1870 y 1893. Por cuenta de la so baxa altitú (el puntu más altu de la islla mide namá 5 metros), la islla ta arrodiada por petones peligrosos, qu'a finales del sieglu xix, provocaron el naufraxu d'una tremera de naves.
Xeografía, flora y fauna
[editar | editar la fonte]Allugada xusto al este del centru xeográficu del Océanu Pacíficu (4°58′S 158°45′O ), y con una estensión de 8,9 kilómetros (5,5 milles) d'este a oeste y 3,5 kilómetros (2,2 milles) de norte a sur, la Islla Starbuck tien una superficie de 1620 hectárees (4003 acres). Ye una islla baxa, seca y de piedra caliar coralina, con una sablera serrapatosa sofitada por un bancu de 6 a 8 metros d'altor (20 a 26 pies) compuestu por grandes fragmentos de coral.
Nel llau oriental de la islla formen delles llagunes hipersalinas. Estes dacuando ensúguense y dizse que ye peligrosu averase a elles: un trabayador, mientres la dómina de la minería de guanu na islla, fundióse hasta el pescuezu en folla salao antes de ser rescatáu.
La islla Starbuck foi designada como una área protexida poles Naciones Xuníes, y nella atópase una colonia de gaviotines apizarrados (Sooty terns). Nun hai agua duce na islla, que ye unu de los atolones más secos del archipiélagu de les Islles de la Llínea.
La precipitación añal promediu ye d'aprosimao 800 mm (31,5 pulgaes).
En Starbuck esiste poca vexetación; predominen les carbes achaparraes de Sida fallax y les yerbes y camperes baxes, xuntu con dellos parrotales de Cordia subcordata y camperes tremaes.
Reparáronse semeyes de delles palmeres creciendo cerca del centru de la islla. La islla alluga una gran colonia de charranes visiegos, envalorada en 1,5 millones de pareyes, xuntu con aguarones polinesios, gatos selvaxes, tortúes verdes y alredor d'otres quince especies d'aves marines.[1][2]
Otros informes envaloren que la población de charranes visiegos algama ente trés y seis millones d'aves.[3]
Referencies
[editar | editar la fonte]Enllaces esternos
[editar | editar la fonte]
Wikimedia Commons acueye conteníu multimedia sobre Islla Starbuck.
- aroundus.com Starbuck island
| Control d'autoridaes |
|
|---|
Datos: Q911028- Multimedia: Starbuck Island