Islla Meighen

Islla Meighen
Alministración
País	Canadá
Territorio (es)	Nunavut
Tipu d'entidá	islla
Xeografía
Coordenaes	79°55′N 99°30′O
Islla Meighen Islla Meighen (Canadá)
Superficie	955 km²
Demografía
Población	0 hab.
Porcentaxe	0% 0% de Canadá Nunavut
Densidá	0 hab/km²

Islla Meighen ye una islla pequeña, aisllada y despoblada del archipiélagu árticu canadiense, perteneciente al territoriu autónomu de Nunavut, en Canadá.

Xeografía

Islla Meighen, asitiada al oeste d'Islla Axel Heiberg, tien una superficie de 955 km² y ta recubierta per campos de xelu. La islla ta de cutio arrodiada de xelu, y el noroeste de la so mariña abrise al océanu Árticu.

Islla Meighen tien poques islles vecines: a unos 40 km al oeste ta la mayor de les islles cercanes, Islla Axel Heiberg; a apenes 4 km al norte, al traviés del estrechu de Hose, atópase una pequeña islla con forma de media lluna, Islla Perley. Les Islles Fay son cuatro pequeñes islles que s'atopen ente Islla Meighen y la islla de Axel Heiberg na Canal de Sverdrup.

Les mariñes d'islla Meighen son planes, pero nel centru álzase una elevación, formada per llombes permanentemente cubiertes de xelos, siendo la mayor de 150 m d'altor. La superficie de la islla ye principalmente de grava. Mientres la primavera y el branu, pequeños regueros alimentaos pel agua del destemple flúin escontra la mariña.

Historia

Islla Meighen foi afayada en 1916 por Vilhjalmur Stefansson, y foi una de les últimes islles ártiques en ser afayada, yá que ta de cutio arrodiada de xelu. Dióse-y el so nome n'honor de Arthur Meighen, Primer Ministru canadiense. A diferencia de munches islles ártiques canadienses, nun s'atoparon rastros de campamentos de inuit o thule, lo que suxure que la islla nunca foi ocupada, y esto ye probablemente por cuenta de la so estrema llatitú norte.

Referencies y notes

• Datos: Q477759
• Multimedia: Meighen Island