Islla Floreana (Islles Galápagos)

De Wikipedia
Saltar a navegación Saltar a la gueta

La islla Floreana ye la sesta islla más grande pola so estensión del archipiélagu ecuatorianu de les islles Galápagos. Alministrativamente pertenez a la parroquia llamada Santa María, del Cantón de San Cristóbal, na provincia de Galápagos, siendo la so llocalidá más grande'l pobláu de Puerto Velasco Ibarra.

Floreana4.jpg

Mide 18 km de llongura por 16 d'anchu; tien una superficie de 173 km² y una altitú máxima de 640 metros (Cerro Paja). Foi llamada asina n'honor a Juan José Flores, el primer Presidente d'Ecuador, mientres que la so alministración el Gobiernu ecuatorianu tomó posesión del archipiélagu. Tamién la conoz como Santa María n'honor a una de les carabeles de Colón.

Foi una de les primeres islles en ser habitaes y que más polémica causó na prensa internacional d'empiezos del sieglu XX. Dellos llibros escribiéronse alrodiu de Floreana y los sos secretos, ente ellos el más famosu "Floreana, llista de correos", de Margret Wittmer, que cunta la hestoria de la islla na cual la familia alemana Wittmer foi la primer colonia esitosa n'habitala. Dellos estranxeros fixeron intentos fallíos; ente ellos, noruegos, estauxunidenses y otros alemanes, siendo Rolf Wittmer el primera nativu de la islla. Flamencos rosados y tortúes marines añeren nesta islla ente avientu y mayu.


Nesta islla puede atopase una pequeña población de los pingüinos de Galápagos. Na badea de Correos, dende'l sieglu XVII, los balleneros y pirates que derrompíen les agües del Pacíficu usaben un barril a manera d'oficina de correos por que les cartes pudieren ser recoyíes y apurríes a les sos destinatarios, principalmente n'Europa y los Estaos Xuníos, polos barcos que tuvieren nel so viaxe de torna. Na Corona del Diañu", un conu volcánicu somorguiáu, pueden reparase interesantes formaciones coralines.

Floreana topographic map-es.png

Cuando inda yera conocida como la islla de Charles en 1819, la islla foi amburada por un marineru de Nantucket que viaxaba nel buque balleneru Essex, qu'un añu dempués fundiríase. En septiembre de 1835 Charles Darwin, nel segundu viaxe del HMS Beagle, visitó la islla.

Ver tamién[editar | editar la fonte]

Geografía de Ecuador