Islla Eglinton

De Wikipedia
Saltar a navegación Saltar a la gueta
Islla Eglinton
Eglinton island.jpg
Alministración
PaísBandera de Canadá Canadá
TerritorioBandera de Territorios del Noroeste Territorios del Noroeste
Xeografía
Coordenaes 75°48′N 118°30′W / 75.8°N 118.5°W / 75.8; -118.5Coordenaes: 75°48′N 118°30′W / 75.8°N 118.5°W / 75.8; -118.5
Eglintonisland.png
Superficie 1541 km²
Demografía
Población 0 hab.
Densidá 0 hab/km²
Cambiar los datos en Wikidata

La islla Melville ye una islla deshabitada del Archipiélagu árticu canadiense. Administrativamente, la islla pertenez a los Territorios del Noroeste, Canadá.

Xeografía[editar | editar la fonte]

Islla Eglinton ye una de les islles del grupu d'Islles de la Reina Isabel. Atopase na parte septentrional del Estrechu McClure, ente islla Melville, al este —de quien la dixebra les agües de la canal Kenett, de 22 km d'anchor— y d'islla del Príncipe Patrick, al oeste dixebrada peles agües de la canal Crozier, de 23 km d'anchor—. Al otru llau del estrechu McClure, al suroeste, alcuéntrase la mariña nororiental d'islla Banks, a unos 130 km de distancia.

Con una superficie de 1.541 km², ye la 13ª islla per tamañu del archipiélagu d'islles de la Reina Isabel y la 38ª de Canadá. La islla tien una forma bastante rectangular, estrechándose nel estremu norte. En dirección SW-NE, mide unos 73 km, y el so anchor máximo ye d'unos 28 km y la mínima de 9 km.

A partir de les zones baxes costeres, l'interior xube gradualmente a una zona de llombes non bien altes, d'unos 200 m d'altor. El sector septentrional de la islla ye más baxu, con un altor mediu de 10-20 m sobre'l nivel del mar.

Historia[editar | editar la fonte]

La Islla Eglinton foi afayada en 1853 polos esploradores Francis Leopold McClintock y George Mecham, viaxando en trinéu nun viaxe d'ida y vuelta de más de 2100 km nel que tamién afayaron la islla del Príncipe Patrick. Formaben parte de la espedición al árticu de Sir Edward Belcher (1852-54), cuando'l so barcu quedó atrapáu pol xelu na ribera d'islla Melville.

La islla permanez deshabitada, ensin qu'hubiera nengún tipu d'actividá humana conocida.