Islles Kamennyye

Islles Kamennyye
Situación
País	Rusia
Krais	Krai de Krasnoyarsk (es)
Tipu	grupu d'islles
Asitiáu en	Mar de Kara
Coordenaes	74°06′22″N 83°04′22″E / 74.1061°N 83.0728°E
	Islles Kamennyye Islles Kamennyye (Rusia)
Datos
Población	0
Fusu horariu	Hora de Krasnoyarsk (es)

Les islles Kamennyye (en ruso: Каменные Острова) ye un grupu d'islles del Árticu rusu, tan cubiertes de vexetación de tundra. Atópense nel mar de Kara, frente a la mariña de Siberia, al oeste de la desaguada del ríu Pyasina.

Alministrativamente, el grupu d'islles pertenecen al krai de Krasnoyarsk.

Les islles principales, d'este a oeste, son les siguientes:

islla Morzhovo, con un diámetru de tan solo 4 km y un altor de 80 m, ye la más cercana a tierra, a namás 11 km de la mariña de Siberia;
islla Rastorguyev. Ye llarga y estrecha, d'unos 15 km de llargor y un altor de 132 m. N'ocasiones confundese cola islla Kolchak, que s'atopa más al este nel mar de Kara al sur del Archipiélagu Nordenskiold, y qu'hasta l'añu 2005, yera conocida tamién como islla Rastorguyev);
islla Vostochnyy, ye la mayor nel grupu, con 17 km de llargu, 9 km d'anchu y una altitú máxima de 46 m;
islla Zapadnyy, de forma casi circular y 8,5 km de diámetru y una altitú máxima de 159 m.

Otres islles menores son Korotkij (Короткий), Protočnyj ( Проточный), Pljažnyj (Пляжный), Uzornyj (Узорный), Drojnjaški (Двойняшки), Platu (Плато), Kupol (Купол) y Dolgij (Долгий).

El mar qu'arrodia les islles Kirov ta cubiertu de xelu con delles polinies nel iviernu y hai munchos témpanos de xelu, inclusive nel branu, polo que queden coneutaes cola parte continental de Siberia mientres los llargos iviernos. El clima ye severu y los branos duren namás unos dos meses. Esti grupu d'islles pertenecen al krai de Krasnoyarsk, división alministrativa de la Federación Rusa.

Tamién formen parte de la Gran Reserva Natural del Árticu, la reserva natural más grande de Rusia.

Estes islles fueron esploraes pol xeólogu rusu barón Eduard Toll mientres una espedición en nome de l'Academia Imperial de Ciencies de Rusia (1900-03).

Ver tamién[editar | editar la fonte]

Mar de Kara
Islles de Rusia

Referencies[editar | editar la fonte]