Islla Yuzhny

Coordenaes: 72°N 54°E / 72°N 54°E / 72; 54
De Wikipedia
(Redirixío dende Isla Yuzhny)
Islla Yuzhny
Situación
PaísBandera de Rusia Rusia
Óblasts Óblast d'Arcánxel
Tipu islla
Parte de Nueva Zembla
Asitiáu en Océanu Glacial Árticu
Coordenaes 72°N 54°E / 72°N 54°E / 72; 54
Islla Yuzhny alcuéntrase en Rusia
Islla Yuzhny
Islla Yuzhny
Islla Yuzhny (Rusia)
Datos
Altitú media 1291 m
Puntu más altu Mount Pervosvotrennaya (en) Traducir
Superficie 33 275 km²
Población 2716
Noamáu por sur
Fusu horariu UTC+04:00
Llonxitú 334 km
Cambiar los datos en Wikidata

La islla Yuzhny (en rusu, Южный; Ostrov Yuzhny, que significa, «islla del Sur» o «islla Meridional») ye la gran islla meridional del archipiélagu de Nueva Zembla, (Novaya Zemlya) alcontráu nel árticu de Rusia, ente les agües del mar de Barents, al oeste, y les del mar de Kara, al este.

Xeografía[editar | editar la fonte]

Atópase ente los 71-73º de latitud norte, y ta dixebrada de la islla septentrional, Islla Séverny pol estrechu de Matochkin y de la islla Vaygach, al sur, pol estrechu de Kara d'un anchor de 56 km.

La islla tien una superficie de 33.275 km², polo que ye una de les islles mayores del mundu, la 6ª d'Europa y la 3ª de Rusia. (D'un tamañu similar a Moldavia y daqué mayor que Bélxica).

Ye una islla bastante montascosa, escurriendo por ella les últimes estribaciones del cordal de los monte Urales. La islla tien una mariña bien dentada, con munchos golfos, badees, penínsules y cabos.

Ecoloxía[editar | editar la fonte]

La islla Yuzhny ye conocida pol so gran población d'aves marines.

La vexetación de la islla ye en gran parte de tipu tundra.

Historia[editar | editar la fonte]

Los nenets fueron el pueblu que orixinalmente pobló l'archipiélagu de Nueva Zembla. Les islles son conocíes polos rusos dende los sieglos XI y XII, cuando los sos comerciantes visitaben la rexón de Nóvgorod. La busca polos europeos d'una ruta comercial escontra l'Oriente, la Ruta del Mar del Norte, llevó a empecipiar la esploración del archipiélagu en 1553, cola fracasada espedición británica de Hugh Willoughby y Richard Chancellor.

Los primeros navegantes occidentales al archipiélagu fueron holandeses, que nes varies espediciones en que participó Willem Barents (1594-97), cartografiaron y punxeron munchos de los nomes de los accidentes xeográficos de dambes islles (cabos, golfos, badees y penínsules), anque nel sieglu XIX munchos d'ellos fueron camudaos, anque entá permanecen dalgunos.

En 1955, los descendientes de los nenets y los residentes de toles aldegues y asentamientos de Nueva Zembla, fueron arrexuntaos nel campamentu de Lagernojela, na mariña norte d'islla Yuzhny. En payares de 1957, fueron deportaos al continente yá que tol archipiélagu foi designáu como área de prueba pa los ensayos nucleares (el primeru de los cualos tuvo lugar antes de les deportaciones). [1][2]

Ver tamién[editar | editar la fonte]

Referencies[editar | editar la fonte]

Enllaces esternos[editar | editar la fonte]