Iota Trianguli Australis

De Wikipedia
Saltar a navegación Saltar a la gueta
Iota Trianguli Australis
Iota Trianguli Australis
Constelación Triangulum Australe
Ascensión reuta α 16h 27min 57,34s
Declinación δ -64º 03’ 28,6’’
Distancia 132 ± 4 años lluz
Magnitú aparente +5,27
Magnitú absoluta +2,25
Lluminosidá 9,8 soles
Temperatura 6992 K
Masa 1,57 soles
Tipu espectral F4IV
Velocidá radial +-5,1 km/s

Iota Trianguli Australis (ι TrA / HD 147787 / HR 6109)[1] ye un sistema estelar na constelación del Triángulu Austral de magnitú aparente +5,27. Alcuéntrase a 132 años lluz del Sistema Solar.

Iota Trianguli Australis ye una binaria espectroscópica con un periodu orbital de 39,888 díes, siendo la órbita moderadamente escéntrica (ε = 0,28).[2] La componente principal ye una subxigante de tipu espectral F4IV con una temperatura efectivo de 6992 K.[3] Xira sobre sigo mesma con una velocidá de rotación non inferior a 12,9 km/s y la rotación de les dos estrelles entá nun ta sincronizada —vease rotación síncrona—. De la estrella secundaria nada se conoz. Per otra parte, piénsase qu'esta binaria ye una variable Gamma Doradus —como γ Doradus, prototipu de la clase, o V398 Aurigae— con un periodu de 1,45557 díes.[4]

Una tercer estrella completa'l sistema estelar. Tien magnitú +9,7 y visualmente alcuéntrase a 18,4 segundos d'arcu, lo qu'equival a una separación proyeutada d'aprosimao 745 UA. La metalicidá del sistema ye inferior a la solar —aprosimao'l 60% de la mesma— y la so edá envalórase en 1700 millones d'años.[5]

Referencies[editar | editar la fonte]