Iota2 Scorpii

De Wikipedia
Saltar a navegación Saltar a la gueta
Iota2 Scorpii
Iota2 Scorpii
Constelación Scorpius
Ascensión reuta α 17h 50min 11,1s
Declinación δ -40º 05’ 26’’
Distancia 3700 años lluz (aprox)
Magnitú visual +4,78
Magnitú absoluta -5,50
Lluminosidá 21.000 soles
Temperatura 8800 K
Masa ~ 12 soles
Radiu 60 soles
Tipu espectral A2Ib
Velocidá radial -10,2 km/s

Iota2 Scorpii2 Sco / HD 161912 / HR 6631)[1] ye una estrella de magnitú aparente +4,78 na constelación del Escorpión. Comparte la denominación de Bayer Iota con ι1 Scorpii, pero piénsase que dambes estrelles nun tán físicamente rellacionaes. Iota2 Scorpii alcuéntrase aprosimao a 3700 años lluz del Sistema Solar.

Iota2 Scorpii ye una superxigante blanca de tipu espectral A2Ib[1] con una temperatura superficial de 8800 K. Descomanadamente lluminosa, 21.000 vegaes más qu'el Sol, la so lluminosidá, sicasí, queda llueñe de la de Deneb (α Cygni), tamién superxigante de tipu A. El radiu d'Iota2 Scorpii ye 60 vegaes mayor qu'el radiu solar y rota con una velocidá de 39 km/s —siendo esta una velocidá mínima, el valor real depende del enclín de la so exa al respective de nós—, lo que da como resultáu un periodu de rotación de más de 80 díes.[2]

Iota2 Scorpii pierde masa estelar a un ritmu añal de 2 milmillonésimes de la masa solar, una cifra non bien alta en rellación a la reparada n'otres superxigantes. Con una masa averada de 12 mases solares —o quiciabes daqué inferior—, el destín final d'Iota2 Scorpii ye inciertu. Puede acabar esplotando como una supernova, o puede tresformase nuna rara nana blanca masiva compuesta por neón, oxíxenu y magnesiu.[2]

Referencies[editar | editar la fonte]