Iota1 Librae

De Wikipedia
Saltar a: navegación, buscar
Iota1 Librae
Iota1 Librae Aa/Ab/B/C
Constelación Llibra
Ascensión reuta α 15h 12min 13,29s
Declinación δ -19º 47’ 30,2’’
Distancia 376 años lluz
Magnitú visual +4,54 (conxunta)
Magnitú absoluta -0,77 (conxunta)
Lluminosidá 149 / 94 / < 1 / < 1 soles
Masa 3,1 / 2,9 / 1,7 (B+C) soles
Tipu espectral B9V / B9V / G4V / G8V
Velocidá radial -11,6 km/s

Iota1 Librae1 Lib / 24 Librae / HD 134759) ye un sistema estelar de magnitú aparente +4,54 asitiáu la constelación de Llibra. Alcuéntrase a una distancia de 376 años lluz del Sistema Solar.

Enantes clasificada como estrella A peculiar con un altu conteníu en siliciu, Iota1 Librae ta güei catalogada como una binaria espectroscópica de clase B9Vp.[1] Los dos componentes, denominaes Iota1 Librae Aa y Iota1 Librae Ab, son estrelles blancu-azulaes de la secuencia principal de tipu B9[2] con una temperatura envalorada de 11.000 K, que les sos lluminosidáes son 149 y 94 vegaes mayores que la del Sol. Les sos mases respectives son 3,1 y 2,9 vegaes mayores que la masa solar. El periodu orbital d'esta binaria ye de 23,469 años, siendo la separación media 14,9 UA, la metá de la distancia ente Saturnu y el Sol. La órbita ye moderadamente escéntrica, lo que fai que la separación ente elles varie ente 11,3 y 18,6 UA; el próximu periastru va tener llugar en 2018.[2]

A pocu menos d'un minutu d'arcu alcuéntrase otra binaria, que les sos componentes reciben los nomes de Iota1 Librae B (de magnitú 10) y Iota1 Librae C (de magnitú 11). Son dos nanes marielles de tipu G4 y G8. Tán dixebraes ente sí 230 UA y el so periodu orbital ten de ser de siquier 2700 años. Compañeres reales de la binaria Aa/Ab, el par d'estrelles marielles ta separáu del par d'estrelles blancu-azulaes siquier 6600 UA.[2]

Referencies[editar | editar la fonte]