Inxeniería sísmica

De Wikipedia
Saltar a navegación Saltar a la gueta
L'edificiu Altu Ríu, de 15 pisos, Concepción, colapsó productu del terremotu de Chile de 2010.
Taipei 101, forníu con un amortiguador de masa, foi'l rascacielos más altu del mundu hasta 2010.
Torre Mayor (Ciudá de Méxicu), foi'l primer rascacielos nel mundu en cuntar con amortiguadores sísmicos, cuenta con 98 amortiguadores que lliberen siliciu pa estenar la enerxía devastadora d'un terremotu, ye consideráu l'edificiu más fuerte del planeta.
La sede d'ONX en Puertu Príncipe dempués del terremotu d'Haití.
Aislamientu sísmicu a la derecha[1].

La inxeniería sísmica ye l'estudiu del comportamientu de los edificios y les estructures suxetes a carga sísmicas. Ye'l conxuntu de la inxeniería estructural y civil.

Principales oxetivos[editar | editar la fonte]

Los principales oxetivos de la inxeniería sísmica son;

  • Entender la interacción ente los edificios y la infraestructura pública col sosuelu.
  • Diseñar, construyir y caltener estructures qu'aguanten a la esposición d'un terremotu, más allá de les espectaciones y en total cumplimientu de los reglamentos de construcción.
  • Caltener a la sociedá llueñe de toa esmolición que puede causalos en tan solo pensar nes consecuencies d'un terremotu.

Una estructura apropiadamente diseñada nun precisa ser extraordinariamente fuerte o cara. Les más poderoses y costoses ferramientes pa la inxeniería sísmica son les teunoloxíes de control de la vibración y en particular, l'aislamientu de la base o cimentación.

Sistemes de proteición[editar | editar la fonte]

La enerxía que recibe una estructura mientres un terremotu puede ser soportada de tres maneres distintos:

  • Por resistencia: Consiste en dimensionar los elementos estructurales de cuenta que tengan abonda resistencia como pa soportar les cargues sísmiques ensin rompese. Esti métodu rique unes sobredimensiones bastante importantes de los elementos estructurales y tien dellos riesgos de frayatu fráxil.
  • Por ductilidad: Consiste en dimensionar los elementos de tal manera que parte de la enerxía del seísmu seya estenada por deformaciones plástiques de los mesmos elementos estructurales. Esto implica que la estructura va recibir daños en casu de seísmu, pero ensin llegar a colapsar. Amenorga'l riesgu de frayatu fráxil y la dimensión necesaria de los elementos estructurales ye abondo menor.
  • Por disipación: Consiste n'introducir na estructura elementos que'l so fin ye estenar la enerxía recibida mientres un terremotu, y que nun tienen una función resistente mientres el restu de la vida normal del edificiu. Esisten principalmente tres tipos de sistemes de disipación:[1]
    • Aislamientu sísmicu: Conozse asina a la téunica de desacoplar l'edificiu del suelu. La enerxía proveniente del terremotu nun enfusa nel edificiu yá que ésti ta aislláu del suelu.
    • Elementos de disipación pasiva: Son téuniques que dexen dar un amortiguamientu suplementariu por aciu elementos qu'absuerben la enerxía del terremotu, evitando qu'ésta estropie al edificiu. Estos elementos llamaos amortiguadores pueden ser de bien distinta forma: d'aceite, de metal, visco-elásticos, mafosos... En dellos casos el amortiguadores tienen que ser sustituyíos tres un impautu sísmicu.
    • Elementos de disipación activa: Son elementos qu'absuerben la enerxía por desplazamientu d'elementos preparaos pa ello. Sería'l casu del amortiguador de masa del Taipei 101 que realiza un desplazamientu p'absorber la enerxía del vientu sobre la estructura o'l seísmu.

Un mesmu edificiu puede entemecer delles téuniques pa soportar un seísmu. La capacidá final d'un edificiu bien plantegáu de soportar enerxía sísmica ye la suma de les enerxíes que puede soportar cada unu de los apartaos anteriores.[2]

Inxeniería sísmica n'España[editar | editar la fonte]

Artículu principal: NCSE-02

N'España les zones de mayor riesgu sísmico atópase en Andalucía Oriental, Murcia y Comunidá Valenciana, y en Canaries por causa de que son islles volcániques. Pa la construcción d'edificios nestes rexones ye d'obligáu cumplimientu la norma de construcción sismorresistente NCSE-02.

Ver tamién[editar | editar la fonte]

Enllaces esternos[editar | editar la fonte]

Inxeniería sísmica nel Open Directory Project.

Referencies[editar | editar la fonte]

  1. Sistemes de proteición-Tipoloxía. Inxeniería Civil nel Perú
  2. Valentin Shustov (2012), "Seismic fitness: on some features of earthquake engineering," http://nees.org/resources/4469/download/Seismic_fitness.pdf.



Ingeniería sísmica