Inocenciu I

De Wikipedia
(Redirixío dende Inocencio I)
Saltar a navegación Saltar a la gueta
Inocenciu I
Innocentius I.jpg
Emblem of the Papacy SE.svg
40. Papa

401 (Gregorianu) - 12 marzu 417 (Gregorianu)
Anastasiu I - Papa Zósimu
Vida
Nacimientu Albanu Laziale11  de marzu de 378
Fallecimientu

Roma13  de marzu de 417

(39 años)
Familia
Padre Anastasiu I
Oficiu
Oficiu clérigu y sacerdote católicu
Llugares de trabayu Roma
Santoral
12 de marzu
Creencies
Relixón Ilesia Católica
Cambiar los datos en Wikidata

Inocencio I foi'l papa nᵘ 40 de la Ilesia católica ente 401 y 417.

Yera natural d'Albanu. Según el so contemporaneu, Jerónimo de Estridón, yera fíu del papa anterior, Anastasio I, probablemente l'únicu casu na hestoria en qu'un fíu asocede al so padre nel papáu.[1] Foi escoyíu'l 22 d'avientu de 401. Ordenó que tolos casos graves teníen que ser revisaos por él y nos demás acutábase'l derechu a intervenir. Exerció esti derechu en munches cuestiones diverses, especialmente naquelles rellacionaes coles celebraciones llitúrxiques.

El so gran amigu Juan Crisóstomo foi espulsáu como Patriarca de Constantinopla por cuenta d'hostilidáes personales cola emperatriz Elia Eudoxia y les intrigues de Teófilo de Alejandria. Inocencio I intervieno pa reintegrarlo a la so sede.

Enfrentóse firmemente a Pelagio y al pelagianismo, con tanta autoridá y decisión que Agustín d'Hipona, cuando lo supo, pronunció aquella famosa frase que aportó a un refrán: Roma locuta, causa finita ("Cuando Roma faló, la causa ta terminada"). Tamién condergó'l priscilianismo.

El 24 d'agostu de 410 el rei visigodu, Alarico, conquistó y escaló a Roma. Inocencio nun s'atopaba na ciudá, sinón que taba na corte imperial en Rávena tratando de faer negociaciones con Alarico. Cuando tornó a Roma fixo lo posible por reparar los daños fechos polos godos.

Morrió'l 12 de marzu de 417, polo que la so festividá celébrase dichu día, anque dende'l sieglu XIII hasta'l sieglu XX, conmemorábase'l 28 de xunetu.[2] El so socesor foi Zósimo.

Referencies[editar | editar la fonte]

  1. http://www.santiebeati.it/dettaglio/64800
  2. Calendarium Romanum (Libreria Editrice Vaticana, 1969), p. 132; Martyrologium Romanum (Libreria Editrice Vaticana, 2001 ISBN 978-88-209-7210-3)

Enllaces esternos[editar | editar la fonte]


Predecesor:
Anastasiu I
Emblema del Papáu
Papa

401 - 417
Socesor:
Papa Zósimu






Inocencio I