Inge de Bruijn

De Wikipedia
Saltar a: navegación, buscar
Inge de Bruijn
Inge de Bruijn en Jacco Verhaeren 1a.jpg
Vida
Nacimientu

Barendrecht24 d'agostu de 1973

(44 años)
Nacionalidá Bandera de Países Baxos Países Baxos
Oficiu
Oficiu nadador
Pesu 60±0 Quilogramu
Altura 178 centímetru
Cambiar los datos en Wikidata
Inge de Bruijn exerciendo de comentarista nos Campeonatos europeos de natación de 2008 n'Eindhove.

Inge de Bruijn (24 d'agostu de 1973-Barendrecht, Países Baxos) ye una nadadora neerlandesa, yá retirada, especialista en pruebes de velocidá que ganó ocho medayes olímpiques, ente 2000 y 2004, cuatro d'elles d'oru. Amás batió diez récords mundiales, de los cualos entá caltien el de meyor tiempu pa los 50m. n'estilu llibre (24,13) y 100m. n'estilu caparina (56,61).

Inge de Bruijn ye unu de los casos más esconcertantes del deporte mundial nos últimos años por cuenta de lo estraño de la so trayectoria. Enantes de 1999 yera una nadadora de nivel aceptable, con dalgún trunfu a nivel européu pero que con frecuencia nun se clasificaba pa les finales nos campeonatos importantes. En 1996 anuncia la so retirada y nun allega los Xuegos Olímpicos d'esi añu. Depués de trabayar con un nuevu entrenador, y a una edá na que munches nadadores tán retiraes ella empieza a consiguir los sos grandes ésitos, qu'algamen cotes estelantes nel añu 2000 cuando bate diez récords mundiales n'apenes tres meses. Amás caltiense compitiendo al máximu nivel hasta los 32 años, una edá infrecuente pal deporte de la natación. Asina les coses nun ye d'estrañar que la solombra del dopaxe y el barruntu estendiérase sobre ella y acompañárala toos estos años.

Entamos[editar | editar la fonte]

Inge empezó a nadar a los siete años. La so primer competición internacional fueron los campeonatos d'Europa junior de 1987 onde foi finalista nos sos trés pruebes favorites: los 50 y 100 metros llibres y los 100 caparina, amás de ganar dos medayes en relevos. Al añu siguiente foi bronce en 50 y 100 llibres nestos mesmos campeonatos.

A nivel senior fixo la so apaición nos mundiales de Perth 1991, onde foi finalista nos 100 caparina. Amás ganó la so primer medaya (bronce) col equipu neerlandés de relevos 4×100 llibres.

Les sos primeres medayes individuales consíguela nos europeos d'Atenes esi mesmu añu: plata en 100 caparina y bronce en 50 llibres, amás ganó la medaya d'oru en relevos 4×100 llibres y la de bronce en 4×100 estilos.

Participó nos Xuegos Olímpicos de Barcelona 1992, onde consiguió tar na final de los 50 llibres acabando octava.

Nos europeos de Sheffield, Inglaterra de 1993 consiguió'l bronce de los 50 llibres y foi cuarta nos 100 caparina.

Nos mundiales de Roma 1994 foi séptima en 100 caparina.

Nos europeos de Viena de 1995 tampoco ganó nenguna medaya, pos foi cuarta nos 100 caparina y en 50 llibre.

En 1996 arrenunció a participar nos Xuegos Olímpicos d'Atlanta 1996 y anunció la so retirada de la natación. Sicasí, de forma sorpresiva tornó en 1997 y pasó a ser entrenada pol estaunidense Paul Bergen, famosu por dirixir al equipu d'Estaos Xuníos na década de los ochenta.

El so regresu a l'alta competición fueron los mundiales de Perth de 1998, onde foi séptima en 100 caparina y octava en 100 m llibres.

Consiguiendo l'ésitu[editar | editar la fonte]

En 1999 producióse por fin el so despegue definitivu hasta convertise nuna de les meyores velocistes del mundu. El 18 de xunu batía'l récord mundial de los 50 caparina con un tiempu de 26,54, mientres los campeonatos del so país. Nos Campeonatos d'Europa d'Estambul fixo la meyor competición de la so carrera hasta entós, al ganar dos medayes d'oru en 50 llibres y 100 caparina con dos récords d'Europa, y amás sumó la de plata en 100 llibres.

Si l'añu 1999 foi bonu, en 2000 batió en Mónaco'l récord mundial en 50 caparina (25,83) y l'européu en 100 caparina (57,96). Pero pocu dempués fixo daqué realmente estelante al bater trés records del mundu ya igualar un cuartu nel ralu de tres díes. Afitó nuevos topes mundiales en 50 caparina (24,64), 100 caparina (56.69, batiendo'l récord de Jenny Thompson) y 100 llibre (53.80, siendo la primer muyer en baxar de 54 segundos), ya igualó'l récord mundial de 50 llibre (24,51).

Nos meses siguientes fueron cayendo más records. El de 50 llibres foi superáu primero en Drachten (24,48) y depués en Rio de Janeiro (24,39). Pocu dempués cayía de nuevu'l de 100 caparina en Seattle (56,64). Nun llegaren entá los Xuegos Olímpicos de Sydney 2000 y Inge yá batiera esi añu siete récords mundiales ya igualáu un octavu.

Na cita olímpica nun defraudó. Primero consiguió l'oru con récord mundial en 100 caparina (56,61), depués otru oru con otru récord mundial en 100 llibres (53,77), y un tercer oru con un tercer récord mundial en 50 llibres (24,32). Pa rematar la so inolvidable actuación, na prueba de relevos 4×100 llibres saltu pa faer la última posta del so equipu qu'hasta esi momentu diba sestu na final. Gracies a ella Países Baxos llevó la medaya de plata, tres los Estaos Xuníos.

Al añu siguiente, nos campeonatos mundiales de Fukuoka 2001 volvió demostrar la so superioridá con trés nuevos oros: 50 llibres, 100 llibres y 50 caparina.

Nos siguientes mundiales de Barcelona 2003, con 30 años cumplíos, ganó otros dos medayes d'oru, en 50 llibres y 50 caparina.

Retirada[editar | editar la fonte]

Y na so despidida definitiva de la natación, con 32 años nos Xuegos Olímpicos d'Atenes 2004, llograba cuatro medayes: oru en 50 llibres (24,58), plata en 100 llibres, y bronce en 100 caparina y 4×100 llibres.

Enllaces esternos[editar | editar la fonte]