Informe sobro los llímites del desarrollu

De Uiquipedia
Saltar a: navegación, buscar

L'informe sobro los llímites del desarrollu, encargáu al MIT pol Clube de Roma foi espublizáu en 1972, apocayá de la primera crisis del petróleu. L'autora principal foi Donella Meadows pero tamién contribuyeron Dennis Meadows y Jorgen Randers. L'informe sofítase na simulación informática del programa World3, creáu polos autores del informe col oxetivu de recrear el crecimientu de la población, el crecimientu económicu y la medra de la buelga ecolóxica de la población sobre la tierra nos prósimos 100 años, según los datos disponibles fasta la data. La tesis principal del llibru ye que nun planeta llimitáu nun ye posible un continuu crecimientu económicu, y estos llímites puen ser de dos tipos: de recursos ñaturales y de la capacidá de la tierra p'absorber la polución ensin amenorgar la calidá del mediu ambiente.

El programa informáticu World3, en delles simulaciones, da como resultáu una estrallimitación nel usu de los recursos ñaturales y el so progresivu escosamientu, siguíu d'un colapsu na producción agrícola ya industrial y darréu d'un decrecimientu bruscu de la población humana. Ye por eso que los autores esponen como una posible igua a esti colapsu'l "crecimientu cero" o "estáu estacionariu", deteniendo'l crecimientu esponencial de la economía y la población, de mou que l'usu de los recursos ñaturales que queden nun seyan mermaos pol crecimientu económicu pa que d'esa manera puedan perdurar más nel tiempu.

Ye posible modificar les tases de desenrrollu y algamar una condición d'estabilidá ecolóxico, caltenible, inda a llargu plazu. L'estáu d'equilibriu global habría ser diseñáu de manera que les necesidaes de cada persona sobre la tierra seyan satisfeches, y que caún tenga iguales posibilidaes de realizar el so propiu potencial humanu.

En 1992, 20 años depués de la espublización orixinal, actualizóse ya espublizóse una nueva versión del informe entituláu “Beyond the limits”, na que, en bas a los datos ariciaos dende entós, esponíase que la humanidá yá superara la capacidá de carga del planeta pa sostener la so población. Una versión actualizada, col títulu: “Limit to Growth: The 30 – Year Update” foi asoleyada'l primeru de xunu de 2004 pola “Chelsea Green Publishing Company”. Nesta versión actualícense ya intégrense les dos versiones precedentes.

Ver Tamién[editar | editar la fonte]

Enllaces esternos[editar | editar la fonte]