Indies Occidentales Daneses

De Wikipedia
Saltar a navegación Saltar a la gueta
Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.
Les Indies Occidentales Daneses, anguaño Islles Vírxenes Americanes.

Les Indies Occidentales Daneses (en danés, Dansk Vestindien) o Antilles Daneses foron una colonia danesa nel Caribe, formada poles islles de Saint Thomas (83 km2), Saint John (49 km2) y Saint Croix (220 km2). La Compañía Danesa de les Indies Occidentales y Guinea ocupó la islla, deshabitada, de Saint Thomas en 1672, y Saint John en 1675. En 1733 compró-y la islla de Saint Croix a la Compañía Francesa de les Indies Occidentales. Cuando la compañía danesa quebró, en 1755, el rei de Dinamarca y Noruega asumió'l control directu de les trés islles. Gran Bretaña ocupó la colonia en 1801-02 y 1807-15, nel contestu de les guerres napoleóniques.

L'oxetivu de los colonizadores daneses yera participar nel lucrativu comerciu triangular pol que se llevaben armes de fueu y delles mercancíes a África, aú se cambiaben por esclavos que yeren tresportaos al Caribe pa trabayar nes plantaciones de zucre. La etapa final del comerciu triangular suponíala la esportación de cargamentos de zucre y ron a Dinamarca. La economía de la colonia dependía del trabayu esclavu, y tres de l'abolición oficial de la esclavitú en 1848 la economía colapsó. En 1852 el parllamentu danés debatió por primer vegada la venta de la colonia, que yá yera una carga pal presupuestu del país y non una fonte d'ingresos. De magar Dinamarca tentó de vender la colonia o cambiala por otra, a Estaos Xuníos a finales del sieglu XIX y al Imperiu alemán a primeros del sieglu XX. Finalmente, vendiéron-yles a Estaos Xuníos por 25 millones de dólares, que tomaron el control d'elles el 31 de marzu de 1917, díi nel que se convirtieron nes Islles Vírxenes Americanes.